বেলিষ্টিক মিছাইলেৰে ইউক্ৰেইনক আক্ৰমণ
৫ দিন পিছত প্ৰতিশোধ ললে ৰাছিয়াই। প্ৰতিশোধ এনেকুৱা আছিল যে ইউক্ৰেইন আকৌ এবাৰ বিধ্বস্ত হৈ পৰিল।ৰাছিয়াই ইউক্ৰেইনৰ ওপৰত ড্ৰ’ন আক্ৰমণৰ বৰষুণ দিয়াৰ লগতে বেলিষ্টিক মিছাইলেৰে বিধ্বংসী ৰূপ ধাৰণ কৰিছে।
ইউক্ৰেইনত এয়াৰ ডিফেন্স চিষ্টেম সক্ৰিয় কৰা হৈছে।কিয়ভৰ অব্লন আৰু ক্লিচ্চকোত চাইৰেন অবিৰতভাৱে বাজি আছে।
ৰাছিয়াই মিছাইলেৰে কৰা আক্ৰমণত ইউক্ৰেইনৰ ৫ জন লোকৰ মৃত্যু হৈছে,খাৰকিভত চাৰিটা শিশু আহত হোৱাৰ লগতে মুঠতে কেইবা ডজন লোক আহত হয়।
মাত্ৰ কেইঘণ্টামান পূৰ্বে ৰাষ্ট্ৰপতি পুটিনে আমেৰিকাৰ ৰাষ্ট্ৰপতি ট্ৰাম্পৰ সৈতে কথা পাতিছিল।এই সময়তে তেওঁ নিজৰ উদ্দেশ্য প্ৰকাশ কৰিছিল।
১ জুনত ৰাছিয়াত ইউক্ৰেইনে মিছাইনেৰে আক্ৰমণৰ পিছত পুটিনে কি ভাবিছিল সেই কথা বিশ্ববাসীক জনাইছিল ট্ৰাম্পে।
ৰাছিয়াত ইউক্ৰেইনে মিছাইলেৰে আক্ৰমণৰ কৰাৰ পিছত ট্ৰাম্পে পুটিনক শান্ত কৰিবলৈ ১ ঘণ্টা ধৰি পুটিনৰ সৈতে কথা পাতিছিল।কিন্তু পুটিনে এই কথাত সন্মতি দিবলৈ যোৱা নাছিল।
এই কথা-বতৰাৰ পিছত পুটিনৰ মেজাজৰ বৰ্ণনা কৰি ট্ৰাম্পে সাংবাদিকৰ আগত কয়, “ৰাষ্ট্ৰপতি পুটিনে মোক অতি স্পষ্ট আৰু অতি দৃঢ়তাৰে কৈছিল যে শেহতীয়াকৈ বিমানবন্দৰত হোৱা আক্ৰমণৰ প্ৰতি তেওঁলোকে সঁহাৰি জনাব লাগিব”।
ইতিমধ্যে ট্ৰাম্পে ছ’চিয়েল মিডিয়াত এটা পোষ্টত সকীয়াই দিছিল যে এই ১ ঘণ্টাৰ ফোন কলে ৰাছিয়া আৰু ইউক্ৰেইনৰ মাজত “তৎক্ষণাত শান্তি” আনিব নোৱাৰে।ইউক্ৰেইনৰ বিৰুদ্ধে ৰাছিয়াই লোৱা প্ৰতিশোধমূলক ব্যৱস্থাই এই যুদ্ধত শান্তিৰ সকলো সম্ভাৱনাকে ক্ষতিগ্ৰস্ত কৰিছে।
ট্ৰাম্পৰ কথা শুদ্ধ বুলি প্ৰমাণিত হয় আৰু ২৪ ঘণ্টাৰ ভিতৰতে পুটিনে ইউক্ৰেইনক আক্ৰমণ কৰে।শুকুৰবাৰে টেলিগ্ৰামযোগে ইউক্ৰেইনৰ বায়ুসেনাই জনোৱা মতে, ৰাছিয়াৰ বেলিষ্টিক মিছাইল আৰু ড্ৰ’নক একাধিক দিশৰ পৰা ইউক্ৰেইনৰ ফালে নিক্ষেপ কৰা হৈছিল।
কিয়েভ চহৰৰ সামৰিক প্ৰশাসনৰ মুৰব্বী টকাচেংকোৱে কয় যে ড্ৰ’ন আক্ৰমণ বিফল কৰাৰ সময়তে কিয়েভৰ বহু অট্টালিকাত জুই লাগিছে।জুই নুমুৱাবলৈ চেষ্টা কৰা হৈছে।
কিয়ভত দুটা প্ৰচণ্ড বিস্ফোৰণৰ শব্দ শুনা গৈছে।কিয়েভ, টেৰনপিল, খ্মেলনিটস্কি অব্লাষ্ট, লভিভ আৰু লুটস্কত বিস্ফোৰণৰ বাতৰি পোৱা গৈছে।
ইউক্ৰেইনৰ বায়ুসেনাই সকীয়াই দিছে যে ৰাছিয়াৰ কেইবাখনো টিউ-৯৫এমএছ কৌশলগত বোমাৰু বিমানে উৰা মাৰিছে আৰু সম্ভৱতঃ ক্ৰুজ মিছাইলও নিক্ষেপ কৰা হৈছে।
ইউক্ৰেইনৰ ৰাষ্ট্ৰপতি ভল’ডিমাইৰ জেলেনস্কিয়ে বৃহস্পতিবাৰে কয় যে ৰাছিয়াই নিশাটোৰ ভিতৰতে ১০৩খন ড্ৰোন আৰু এটা বেলিষ্টিক মিছাইল নিক্ষেপ কৰ।
য’ত ডনেস্ক, খাৰ্কিভ, অডেছা, ছুমি, চেৰ্নিহিভ, ড্নিপ্ৰ’ আৰু খেৰচনকে ধৰি বহু অঞ্চল অন্তৰ্ভুক্ত। এই আক্ৰমণৰ ফলত একাংশ লোকে প্ৰাণ হেৰুৱাইছে আৰু সা-সম্পত্তিও ক্ষতিগ্ৰস্ত হৈছে।
লগতে পঢ়ক: ট্ৰাম্প আৰু মাস্কৰ মাজত মুকলি যুদ্ধ; ১৪% হ্ৰাস পালে টেছলাৰ শ্বেয়াৰ
