মেটা প্লেটফৰ্মৰ চিইঅ’ মাৰ্ক জুকাৰবাৰ্গে এটা ডাঙৰ ঘোষণা কৰি কৈছে যে কোম্পানীটোৱে নিজৰ লাৰ্জ লেংগুৱেজ মডেল (এল এল এম) লামাৰ অধীনত দুটা নতুন মডেল উন্মোচন কৰিছে।
এই মডেলসমূহৰ নাম হৈছে লামা ৪ স্কাউট আৰু লামা ৪ মেভেৰিক।অনাগত দিনত আৰু দুটা মডেলৰ প্ৰচলন কৰা হ’ব।
শনিবাৰে মাৰ্ক জুকাৰবাৰ্গে নিজেই ইনষ্টাগ্ৰাম প্লেটফৰ্মত এই সন্দৰ্ভত এটা ভিডিঅ’ শ্বেয়াৰ কৰে।ভিডিঅ’টোত তেওঁ দুটা লামা ৪ মডেলৰ বিষয়ে তথ্য দি কয় যে ই গুগলৰ জেমিনি আৰু অ’পেনএআইৰ চেটজিপিটি ৪অ’ৰ সৈতে প্ৰতিযোগিতাত অৱতীৰ্ণ হ’ব।
দৰাচলতে মেটাৰ লামা হৈছে এটা মাল্টিম’ডাল এআই চিষ্টেম।এই ব্যৱস্থাপ্ৰণালীয়ে বিভিন্ন তথ্য প্ৰক্ৰিয়া কৰিব পাৰে, য’ত লিখা, ভিডিঅ’, ছবি আৰু অডিঅ’ আদি অন্তৰ্ভুক্ত আছে আৰু বিষয়বস্তুক এই ফৰ্মেটলৈ ৰূপান্তৰিত কৰিব পাৰি।
মাৰ্ক জুকাৰবাৰ্গে কয় যে লামা ৪ স্কাউট আৰু লামা ৪ মেভেৰিক আজিলৈকে আটাইতকৈ উন্নত মডেল।তেওঁ আৰু কয় যে এই দুয়োটা মডেলেই হ’ব মুক্ত উৎসৰ চফটৱেৰ। তেওঁৰ ভিডিঅ’টোত তেওঁ আগন্তুক মডেলসকলক লৈও উৎসাহিত হোৱা যেন লাগিছিল।
কেৱল এইটোৱেই নহয়, কোম্পানীয়ে এটা লামা ৪ বেহেমথ প্ৰস্তুত কৰিছে, যাৰ বিষয়ে দাবী কৰা হৈছে যে ই আজিলৈকে আটাইতকৈ স্মাৰ্ট এল এল এম মডেল হ’ব আৰু নতুন মডেল অনাতো ই সহায়ক বুলি প্ৰমাণিত হ’ব পাৰে।
মেটাই এআইৰ সন্দৰ্ভত আৰু বহু পৰিকল্পনা প্ৰস্তুত কৰি আছে, যাৰ বাবে তেওঁ এই বছৰ ৬৫ বিলিয়ন ডলাৰৰ ধন বিনিয়োগ কৰিবলৈ ওলাইছে।মাৰ্ক জুকাৰবাৰ্গে নিজেই দুটা আগন্তুক লামা মডেলৰ বিষয়ে তথ্য দিছে।
