সমগ্ৰ বিশ্বই ফেব্ৰুৱাৰী মাহৰ ১৪ ফেব্ৰুৱাৰীত ‘ভেলেন্টাইন ডে’ক প্ৰেমৰ দিৱস হিচাপে পালন কৰে । প্ৰেমৰ এই উদযাপন এদিন বা দুদিন নহয় সম্পূৰ্ণ সাত দিনলৈকে চলে । যদি আপুনিও নিজৰ ভালপোৱা প্ৰকাশ কৰিব বিচাৰে তেন্তে এই ৭ দিন আপোনাৰ বাবে সৰ্বোত্তম হ’ব পাৰে । এতিয়া এনেকুৱা নহয় যে যিসকলে নিজৰ ভালপোৱা লাভ কৰিছে তেওঁলোকে ইয়াক উদযাপন কৰিব নোৱাৰে । আপুনি এই দিৱস উদযাপন কৰি আপোনাৰ প্ৰেমত সতেজতা যোগ কৰিব পাৰে । অৱশ্যে ইয়াৰ বাবে আপুনি জানিব লাগিব যে এই সপ্তাহত কোনটো দিন কোন তাৰিখে পালন কৰা হয় । ভেলেণ্টাইন উইক তথা সপ্তাহৰ সম্পূৰ্ণ তালিকাখন চাওঁ আহক ।
৭ ফেব্ৰুৱাৰী – ৰোজ ডে’ (Rose Day)
গোলাপ ফুলৰ কথা নক’লে প্ৰেমৰ কথা কোৱা সম্ভৱ নহয় । ভেলেণ্টাইন সপ্তাহৰ আৰম্ভণি হয় ইজনে সিজনক প্ৰেমৰ প্ৰতীক হিচাপে গণ্য কৰা গোলাপ ফুল দি । আচলতে ভেলেণ্টাইন উইকৰ প্ৰথম দিনটো ৰোজ ডে’ । এই দিনটোত আপুনি ভালপোৱা ব্যক্তিজনক ৰঙা গোলাপ এপাহ দিব পাৰে ।
৮ ফেব্ৰুৱাৰী – প্ৰপোজ ডে’ (Propose Day)
ভেলেণ্টাইন সপ্তাহৰ দ্বিতীয় দিনটো হৈছে প্ৰপোজ ডে’ । এই দিনটোত আপুনি যিজনক আপোনাৰ সংগী বনাব বিচাৰে তেওঁক আপোনাৰ প্ৰেম প্ৰকাশ কৰিব পাৰে ।
৯ ফেব্ৰুৱাৰী – চকলেট দিৱস (Chocolate Day 2025)
ভেলেণ্টাইন সপ্তাহৰ তৃতীয় দিনটো চকলেট দি উদযাপন কৰা হয়, সেয়েহে ইয়াক চকলেট ডে’ বুলি কোৱা হয় । এই দিনটোত ইজনে সিজনক বিশেষ চকলেট বা চকলেটেৰে তৈয়াৰী সামগ্ৰী দি নিজৰ সম্পৰ্কতো মিঠা যোগ কৰিব পাৰে ।
১০ ফেব্ৰুৱাৰী – টেডি ডে’ (Teddy Day 2025)
মহিলাসকলে কোমল খেলনা বিশেষকৈ টেডি বিয়েৰ (Teddy Bear) ভাল পায় । যদি আপুনি আপোনাৰ প্ৰিয়জনক টেডি উপহাৰ দিয়ে তেন্তে তেওঁৰ মুখত এটা হাঁহি বিৰিঙি উঠে আৰু তেওঁ সুখী হৈ পৰে । এনে পৰিস্থিতিত এই সপ্তাহৰ চতুৰ্থ দিনটো টেডী ডে’ হিচাপে পালন কৰা হয় । কেৱল আপোনাৰ সংগীকে নহয় বন্ধু-বান্ধৱীকো টেডি দিব পাৰে ।
১১ ফেব্ৰুৱাৰী – প্ৰমিজ ডে’ (প্ৰতিজ্ঞা দিৱস ২০২৫)
যিকোনো সম্পৰ্ক মজবুত কৰিবলৈ ইজনে সিজনক প্ৰতিশ্ৰুতি দিয়াটো অতি প্ৰয়োজনীয় । ভেলেণ্টাইন সপ্তাহৰ পঞ্চম দিনটো প্ৰমিজ ডে’ হিচাপে পালন কৰা হয় । এই দিনটোত ইজনে সিজনক ভালপোৱাৰ প্ৰতিশ্ৰুতি দিব পাৰে আৰু সম্ভৱপৰ সকলো ধৰণেৰে ইজনে সিজনক সমৰ্থন কৰিব পাৰে ।
১২ ফেব্ৰুৱাৰী – হাগ ডে (Hug Day)
কোনো এজনক আপুনি কিমান মৰম কৰে, সেয়া দেখুৱাবলৈ বহুতো উপায় আছে, কিন্তু আটাইতকৈ মৰমৰ উপায় হৈছে কোনো এজনক আলিংগন কৰা অৰ্থাৎ হাগ কৰা । আপুনি হাগ ডে অৰ্থাৎ ভেলেণ্টাইন সপ্তাহৰ ষষ্ঠ দিনত আপোনাৰ পাৰ্টনাৰক আলিংগন কৰি ভালপোৱা প্ৰকাশ কৰিব পাৰে ।
১৩ ফেব্ৰুৱাৰী – কিছ ডে’ (Kiss Day)
ভেলেণ্টাইন উইকৰ সপ্তম দিনটো কিছ ডে’ হিচাপে পালন কৰা হয় । এই দিনটোত কপালত বা হাতত চুমা খাই আপোনাৰ হৃদয়ত লুকাই থকা প্ৰেমৰ কথা ক’ব পাৰে ।
১৪ ফেব্ৰুৱাৰী – ভেলেণ্টাইন ডে’ (Valentine Day)
সাত দিন বিভিন্ন ধৰণেৰে ভালপোৱা প্ৰকাশ কৰাৰ পিছত এতিয়া যি পৰ্যায়ত উপনীত হৈছে সেয়া হৈছে ভেলেণ্টাইন ডে’ । ১৪ ফেব্ৰুৱাৰীত উদযাপন কৰা ভেলেণ্টাইন ডে’ বেছিভাগে ইজনে সিজনৰ সৈতে উদযাপন কৰিব বিচাৰে । এই দিনটোত আপুনি আপোনাৰ সংগীক সকলো দিশতে বিশেষ অনুভৱ কৰাব পাৰে । যদি আপুনি তেওঁক প্ৰপ’জ কৰিব পৰা নাই তেন্তে আপুনিও সেয়া কৰিব পাৰে । এই দিনটো আপোনাৰ সংগীৰ বাবে সকলো দিশতে বিশেষ কৰি তুলিবলৈ চেষ্টা কৰা উচিত ।
