ভাৰতীয় ক্ৰিকেটাৰ ৰিংকু সিঙে সমাজবাদী পাৰ্টিৰ সাংসদ প্ৰিয়া সৰোজৰ সৈতে বিবাহপাশত আৱদ্ধ হ’বলৈ সাজু হৈছে।
প্ৰিয়াৰ পিতৃ তথা কেৰাকাটৰ এছপি বিধায়ক তুফানি সৰোজে কৈছিল যে তেওঁৰ পৰিয়ালে আলিগড়ত ৰিংকুৰ পিতৃৰ সৈতে তেওঁলোকৰ বিবাহৰ বিষয়ে কথা পাতিছে আৰু দুয়োটা পক্ষই ইয়াত সন্মত হৈছে।
তিনিবাৰৰ সাংসদজনে কৈছিল যে তেওঁৰ কন্যা আৰু ৰিংকু এজন বন্ধুৰ জৰিয়তে লগ পাইছিল।তেওঁ লগতে কয় যে “ৰিংকু আৰু প্ৰিয়াই এবছৰধৰি ইজনে সিজনক চিনি পাই।
দুয়োজনে ইজনে সিজনক ভাল পায়, কিন্তু বিবাহৰ বাবে পৰিয়ালৰ সন্মতি প্ৰয়োজনীয় আছিল। দুয়োটা পৰিয়াল এই বিবাহৰ বাবে ইতিমধ্যে সাজু হৈছে।
তেওঁ কয় যে “সংসদৰ অধিৱেশন শেষ হোৱাৰ পিছত আঙুঠি পিন্ধোৱা আৰু বিবাহৰ তাৰিখ নিৰ্ধাৰণ কৰা হ’ব। বাগদান লক্ষ্ণৌত অনুষ্ঠিত হ’ব।
ৰিংকুৱে ২২ জানুৱাৰীৰ পৰা ইংলেণ্ডৰ বিৰুদ্ধে টি-২০ শৃংখলা খেলিব, যাৰ পিছত তেওঁ আই পি এলও খেলিব। সূত্ৰ অনুসৰি, দুয়োটা পৰিয়ালে আলিগড়ৰ ওজোন চহৰত ৰিংকুৰ ঘৰত লগ হৈ উপহাৰ আদান প্ৰদান কৰে।
প্ৰিয়া সৰোজ বাৰাণসীৰ বাসিন্দা আৰু দীৰ্ঘদিন ধৰি সমাজবাদী পাৰ্টিৰ সৈতে জড়িত হৈ আছে। তেওঁ যোৱা বছৰ জৌনপুৰ জিলাৰ মাচলিচহৰ আসনৰ পৰা লোকসভা নিৰ্বাচনত জয়ী হৈছিল।
প্ৰিয়া সৰোজ উচ্চতম ন্যায়ালয়ৰ এগৰাকী প্ৰাক্তন অধিবক্তা। দিল্লী বিশ্ববিদ্যালয়ৰ পৰা কলা স্নাতক প্ৰিয়াই নয়ডাৰ এমিটি বিশ্ববিদ্যালয়ৰ পৰা আইনত ডিগ্ৰী লাভ কৰিছে।
