এল এণ্ড টিৰ অধ্যক্ষ এছ এন সুব্ৰমনিয়ামে সপ্তাহত ৯০ ঘণ্টা কাম কৰাৰ পৰামৰ্শ কি দিলে, তাকে লৈ এতিয়া সামাজিক মাধ্যমত অধ্যক্ষ গৰাকীক ট্ৰ’ল কৰা আৰম্ভ হৈছে।
চলচ্চিত্ৰ জগতৰ পৰা ব্যৱসায়িক জগতলৈকে চেলিব্ৰিটিসকলে তেওঁক সমালোচনা কৰা দেখা গৈছে।তেনেকুৱাই এক ঘটনা সংঘটিত হৈছিল যেতিয়া যোৱা বছৰত টেক কোম্পানী ইনফোচিছৰ সহ-প্ৰতিষ্ঠাপকে ৭০ ঘণ্টা কাম কৰিবলৈ পৰামৰ্শ দিছিল।
সেই সময়ত এইটো দেশত ডাঙৰ বিতৰ্কৰ বিষয় হৈ পৰিছিল।এল এণ্ড টি অধ্যক্ষই তেওঁৰ কৰ্মচাৰী সকলক সপ্তাহত ৯০ ঘণ্টাৰ কাম কৰা পৰামৰ্শ দিছিল।তাৰ পিছতেই অধ্যক্ষ গৰাকীক লক্ষ্য কৰি ললে অভিনেত্ৰী দীপিকা পাডুকনে।
দীপিকা পাডুকোনে এছ এন সুব্ৰমনিয়ামৰ বক্তব্যত আপত্তি জনাই এটা পোষ্ট শ্বেয়াৰ কৰি ইয়াক আচৰিত বুলি বৰ্ণনা কৰিছে।তেওঁ লিখিছিল, “এনে জ্যেষ্ঠ পদত বহি থকা লোকসকলৰ এনে মন্তব্য আচৰিত। মানসিক স্বাস্থ্য গুৰুত্বপূৰ্ণ।”দীপিকাই এনে নীতিৰে কৰ্মচাৰীজনৰ মানসিক স্বাস্থ্যৰ বিষয়ে কৈছে।
কেৱল এয়াই নহয়, ৰেডিটত সম্প্ৰচাৰিত এই ভাইৰেল ভিডিঅ’টোত, এল এণ্ড টি ৰ অধ্যক্ষক কেৱল সপ্তাহত ৯০ ঘণ্টা কাম কৰিবলৈ পৰামৰ্শ দিয়াৰ লগতে কৰ্মচাৰীসকলক কয় যে, ‘আপুনি কিমান দিন ঘৰত থাকিব আৰু আপোনাৰ পত্নীলৈ চাই থাকিব? ঘৰত সময় কটোৱাতকৈ কাৰ্যালয়ত অধিক সময় কটাওক,”
এল এণ্ড টি ৰ অধ্যক্ষ এছ.এন. সুব্ৰমনিয়ামৰ সপ্তাহত ৯০ ঘণ্টাৰ কাম কৰাৰ পৰামৰ্শৰ দি এতিয়া সামাজিক মাধ্যমত তেওঁ তীব্ৰ সমালোচনাৰ সন্মুখিন হৈছে।
আৰপিজি এণ্টাৰপ্ৰাইজেছৰ অধ্যক্ষ বিলিয়নেয়াৰ হৰ্ষ গোয়েঙ্কাইও টুইটাৰত এটা পোষ্টৰ জৰিয়তে এই পৰামৰ্শটোত যোগদান কৰিছে আৰু গৰিহণা দিছে । তেওঁ কয় যে এনে পদক্ষেপৰ সৈতে নামটোও সলনি কৰিব লাগে আৰু দেওবাৰে ইয়াক ‘সূৰ্য-কৰ্তব্য’ বুলি ক’ব লাগে।
