৯৭ সংখ্যক অস্কাৰ ২০২৫ৰ বাবে মনোনয়নৰ তাৰিখ প্ৰকাশ পাইছে । এই মনোনয়নসমূহ পূৰ্বে ১৭ জানুৱাৰীত অনুষ্ঠিত হোৱাৰ কথা আছিল । কিন্তু এতিয়া ইয়াৰ তাৰিখ সলনি হৈছে । একাডেমীয়ে এই তথ্য ছ’চিয়েল মিডিয়াত প্ৰদান কৰিছে ।
২৩ জানুৱাৰীত অনুষ্ঠিত হ’ব মনোনয়ন-
জনোৱা হৈছে যে এই মনোনয়নসমূহ ৰাচেল চেনট আৰু ব’ৱেন ইয়াঙে প্ৰদান কৰিব । একাডেমীয়ে নিজৰ অফিচিয়েল টুইটাৰ একাউণ্টত এই কথা ঘোষণা কৰিছে । এতিয়া মনোনয়ন আজি অৰ্থাৎ ২৩ জানুৱাৰীত হ’বলৈ গৈ আছে । উল্লেখ্য যে পেচিফিক টাইম জ’ন অনুসৰি এই শ্ব’ পুৱা ৫:৩০ বজাত আৰু ইষ্টাৰ্ণ টাইম অনুসৰি পুৱা ৮:৩০ বজাত টেলিকাষ্ট কৰা হ’ব ।
পোষ্টত কি লিখা হৈছে-
তেওঁলোকে আৰু লিখিছে, ‘আপুনি ইয়াক অস্কাৰ ডট কম, অস্কাৰ ডট অৰ্গ, এ বি চি, হুলু, ডিজনী+ আৰু একাডেমীৰ টিকটক, ইউটিউব, ইনষ্টাগ্ৰাম আৰু ফেচবুকত ষ্ট্ৰীম কৰিব পাৰে’ । প্ৰথমে ১৭ জানুৱাৰীত অস্কাৰৰ মনোনয়ন অনুষ্ঠিত হোৱাৰ কথা আছিল যদিও লছ এঞ্জেলছত সংঘটিত হোৱা ভয়াৱহ বনজুইৰ বাবে বাতিল কৰা হয় । একাডেমীৰ চি ই অ’ বিল ক্ৰেমাৰে এখন পত্ৰ প্ৰকাশ কৰি লিখিছে, “এই অগ্নিকাণ্ডৰ ফলত ক্ষতিগ্ৰস্ত হোৱা সকলোলৈ আমি গভীৰ সমবেদনা ব্যক্ত কৰিছো ।”
লছ এঞ্জেলছৰ অগ্নিকাণ্ডৰ প্ৰভাৱ-
বুধবাৰে নিশা লছ এঞ্জেলছত অনুষ্ঠিত হ’বলগীয়া আন্তঃৰাষ্ট্ৰীয় ফিচাৰ চৰ্টলিষ্ট প্ৰদৰ্শন সপ্তাহৰ শেষৰ ফালে পিছুৱাই দিয়া হৈছে । ১১ জানুৱাৰীত লছ এঞ্জেলছ আৰু নিউয়ৰ্ক চহৰত অনুষ্ঠিত হ’বলগীয়া লছ এঞ্জেলছ চাউণ্ড ব্ৰাঞ্চ বেক-অফ আৰু মেকআপ আৰ্টিষ্ট এণ্ড হেয়াৰষ্টাইলিষ্ট ব্ৰাঞ্চ বেক-অফ বাতিল কৰা হৈছে । উল্লেখ্য যে ২০২৫ চনৰ ২ মাৰ্চত অস্কাৰ অনুষ্ঠান অনুষ্ঠিত হ’ব । অস্কাৰ অনুষ্ঠানৰ আয়োজন কৰিব কনন অ’ব্ৰাইনে ।
