ফিফা বিশ্বাকাপ ২০২৬ৰ তৃতীয় স্থানৰ খেলখনত ইংলেণ্ডে ফ্ৰান্সক ৬-৪ গ’লত পৰাস্ত কৰি ব্ৰঞ্জৰ পদক লাভ কৰে।ইংলেণ্ড আৰু ফ্ৰান্সৰ মাজত অনুষ্ঠিত খেলখন অতি ৰোমাঞ্চকৰ আছিল , য’ত মুঠ ১০ টা গ’ল দিয়া হৈছিল।
ফিফা বিশ্বকাপ ২০২৬ত অনুৰাগীসকলে ইতিহাসৰ আটাইতকৈ ৰোমাঞ্চকৰ আৰু হাই-স্ক’ৰিং খেলখন প্ৰত্যক্ষ কৰিলে। ছেমি ফাইনেলৰ নিৰাশাক পিছ পেলাই ইংলেণ্ডৰ দলে এক ৰোমাঞ্চৰে ভৰপূৰ খেলত ফ্ৰান্সক ৬-৪ গ’লত পৰাস্ত কৰি বিশ্বকাপৰ ব্ৰঞ্জৰ পদক নিজৰ নামত কৰে।
১৯৬৬ চনত বিশ্ব চেম্পিয়ন হোৱাৰ পিছত বিশ্বকাপৰ ইতিহাসত ইংলেণ্ডৰ এয়া এতিয়ালৈকে আটাইতকৈ শ্ৰেষ্ঠ প্ৰদৰ্শন।
খেলখনত এক সময়ত ইংলেণ্ড ৪-০ ব্যৱধানত আগবাঢ়ি আছিল, কিন্তু দ্বিতীয়ার্ধত ফ্ৰান্সৰ তাৰকা ফৰৱাৰ্ড কিলিয়ান এমবাপ্পে ধুমুহাই ইংলেণ্ডৰ শিবিৰত হাহাকাৰ সৃষ্টি কৰে। অৱশ্যে, বুকাঅ’ ছাকাৰ আকৰ্ষণীয় হেট্ৰিক আৰু জুড বেলিংহামৰ অন্তিম মুহূৰ্তৰ যাদুকৰী গ’লৰ সহায়ত ইংলেণ্ডে ব্ৰঞ্জৰ পদক জয় কৰিবলৈ সক্ষম হয়।
খেলখন আৰম্ভ হোৱাৰ পূৰ্বে কোনেও ইমান ডাঙৰ স্ক’ৰৰ আশা কৰা নাছিল। ইংলেণ্ডে নিজৰ প্ৰাৰম্ভিক মূল একাদশত অধিনায়ক হেৰী কেন আৰু তাৰকা মিডফিল্ডাৰ জুড বেলিংহামক জিৰণি দিছিল, আনহাতে গ’লকিপাৰ জৰ্ডান পিকফ’ৰ্ডৰ স্থানত ডীন হেণ্ডাৰছনক সুযোগ দিয়া হৈছিল। অধিনায়কৰ আৰ্মবেণ্ড পৰিধান কৰা ডেক্লান ৰাইছে খেল আৰম্ভ হোৱাৰ মাত্ৰ আঢ়ৈ মিনিটৰ (২.৫ মিনিট) ভিতৰতে প্ৰথমটো গ’ল দি ফ্ৰান্সক স্তব্ধ কৰি দিয়ে।
ইয়াৰ পিছত ১৮ নং মিনিটত এজৰী ক’নছাই এক সুন্দৰ হেডাৰৰ জৰিয়তে অগ্ৰগতি ২-০ লৈ বৃদ্ধি কৰে। ইয়াৰ পিছতেই আৰম্ভ হয় বুকাঅ’ ছাকাৰ শ্ব’, যিয়ে প্ৰথমাৰ্ধ শেষ হোৱাৰ ঠিক পূৰ্বে এটাৰ পিছত এটাকৈ দুটা গ’ল দি ফ্ৰান্সৰ ডিফেন্স সম্পূৰ্ণৰূপে ধ্বংস কৰি দিয়ে আৰু ইংলেণ্ডক ৪-০ ৰ এক বিশাল অগ্ৰগতি প্ৰদান কৰে।
প্ৰথমাৰ্ধৰ বিৰতি পিছত খেলপথাৰত পৰিস্থিতি সম্পূৰ্ণ সলনি হৈ পৰে। ফ্ৰান্সৰ দলটো এক নতুন শক্তিৰে খেলপথাৰত নামে। দ্বিতীয়ার্ধৰ প্ৰাৰম্ভিক মিনিটতে কিলিয়ান এমবাপ্পে ইংলেণ্ডৰ ডিফেন্স ভাঙি ফ্ৰান্সৰ হৈ প্ৰথমটো গ’ল দিয়ে। ইয়াৰ ঠিক পিছতেই ৫৪ নং মিনিটত ব্ৰেডলী বাৰকোলাই বলটো নেটত সুমুৱাই স্ক’ৰ ৪-২ কৰে।
যেতিয়া ফ্ৰান্সে খেলখনক পেনাল্টী শ্বুটআউটলৈ লৈ যাবলৈ ধাৰাবাহিকভাৱে আক্ৰমণ চলাই আছিল, ঠিক তেতিয়াই ৮৭ নং মিনিটত ইংলেণ্ডে এটা পেনাল্টী লাভ কৰে। চাপৰ এই অত্যন্ত স্পৰ্শকাতৰ মুহূৰ্তত বুকাঅ’ ছাকাই বলটো গ’ল পোষ্টৰ সোঁফালে পঠিয়াই নিজৰ অনবদ্য হেট্ৰিক সম্পূৰ্ণ কৰে আৰু ইংলেণ্ডক ৫-৩ ব্যৱধানত আগুৱাই লৈ যায়।
ইঞ্জুৰী টাইমত ফ্ৰান্সৰ অছমান ডেম্বেলেই এক সুন্দৰ ফিনিচিং কৰি গ’ল দিয়ে আৰু স্ক’ৰ ৫-৪ হৈ পৰে, যাৰ ফলত খেলখনৰ ৰোমাঞ্চ চৰম পৰ্যায়ত উপনীত হয়। কিন্তু অন্তিম মিনিটত খেলপথাৰত নমা জুড বেলিংহামে এক অত্যন্ত ধুনীয়া ফিল্ড গ’ল দি ইংলেণ্ডৰ ৬-৪ ব্যৱধানত জয় নিশ্চিত কৰে।
লগতে পঢ়ক: কিলিয়ান এমবাপ্পেৰ বিশ্ব অভিলেখ; গোল্ডেন বুটৰ দৌৰত মেছিক অতিক্ৰম
