দক্ষিণ কোৰিয়াৰ দক্ষিণ অঞ্চলত খৰালি বতৰ আৰু প্ৰচণ্ড বতাহৰ ফলত হোৱা অগ্নিকাণ্ডত এতিয়ালৈকে ১৬ জন লোকৰ মৃত্যু হৈছে । এই অগ্নিকাণ্ডত ঊনৈশজন লোক আহত হোৱা বুলি চৰকাৰী তথ্যত প্ৰকাশ পাইছে ।
শুকান বতাহৰ ফলত কেইবাটাও অঞ্চলত সংঘটিত হোৱা বনজুই নিৰ্বাপন কৰিবলৈ অগ্নিনিৰ্বাপক বাহিনীয়ে মঙলবাৰে আণ্ডং চহৰ আৰু অন্যান্য দক্ষিণ-পূব চহৰৰ কৰ্তৃপক্ষই মানুহক ঘৰৰ পৰা ওলাই যাবলৈ নিৰ্দেশ দিয়ে । এই অগ্নিকাণ্ডৰ ফলত ৪৩ হাজাৰ বিঘাৰো অধিক ভূমি ক্ষতিগ্ৰস্ত হৈছে । তদুপৰি উইছয়ঙৰ ১৩০০ বছৰীয়া বৌদ্ধ মন্দিৰ গৌনছাও এই জুইত জাহ যায় । অৱশ্যে ইয়াৰ ফলত কোনো লোক আহত হোৱাৰ কোনো তথ্য পোৱা হোৱা নাই । শিলৰ বুদ্ধ প্ৰতিমূৰ্তিকে ধৰি মন্দিৰৰ কিছু ধন-সম্পত্তি, কাঠৰ অট্টালিকাবোৰ জুই লগাৰ আগতেই খালী কৰা হয় ।
৫৫০০ৰো অধিক লোকে ঘৰ এৰিবলগীয়া হয়-
দক্ষিণ কোৰিয়াৰ আভ্যন্তৰীণ আৰু সুৰক্ষা মন্ত্ৰালয়ৰ তথ্য অনুসৰি এণ্ডং, উইচেং, ছানচেয়ং আৰু উলছান চহৰত ৫৫০০ৰো অধিক লোকে ঘৰ খালী কৰিবলৈ বাধ্য হৈছে । দক্ষিণ কোৰিয়াৰ বিষয়াসকলে পূৰ্বে কয় যে অগ্নিনিৰ্বাপক বাহিনীয়ে আটাইতকৈ ডাঙৰ জুই নিৰ্বাপন কৰিছে যদিও শুকান বতৰৰ বাবে তেওঁলোকৰ প্ৰচেষ্টাত বাধাৰ সৃষ্টি হয় আৰু পুনৰ জুই বিয়পি পৰে ।
জুই নিৰ্বাপনৰ বাবে ৯০০০ অগ্নিনিৰ্বাপক বাহিনী আৰু ১৩০ খনতকৈও অধিক হেলিকপ্টাৰ নিয়োগ-
প্ৰায় ৯,০০০ অগ্নিনিৰ্বাপক বাহিনী, ১৩০ খনতকৈও অধিক হেলিকপ্টাৰ আৰু শ শ বাহন নিয়োগ কৰা হয় । কিন্তু নিশাৰ ভিতৰতে প্ৰচণ্ড বতাহৰ ফলত অগ্নিনিৰ্বাপক বাহিনীৰ প্ৰচেষ্টা আংশিকভাৱে বন্ধ হৈ পৰে, যাৰ ফলত আণ্ডং আৰু উইছং কাউন্টিৰ কৰ্তৃপক্ষই কেইবাখনো গাঁও আৰু ইয়াৰ আশে-পাশে থকা বাসিন্দাসকলক বিশ্ববিদ্যালয়, নিৰাপদ স্থান বা অস্থায়ী আশ্ৰয় শিবিৰলৈ স্থানান্তৰিত হবলৈ নিৰ্দেশ দিয়ে । ইয়াৰ ভিতৰত আছিল স্কুল আৰু ইনড’ৰ জিম, কিয়নো প্ৰচণ্ড বতাহৰ বাবে উইছংত জুই বিয়পি পৰিছিল ।
