আধৰুৱা হৈ ৰ’ল জাপানৰ চন্দ্ৰ মিছন
শুকুৰবাৰে চন্দ্ৰত অৱতৰণ কৰিবলৈ গৈ দুৰ্ঘটনাগ্ৰস্ত হয় এখন ব্যক্তিগত জাপানীজ লেণ্ডাৰ।টকিঅ’স্থিত কোম্পানী ispace এ লেণ্ডাৰখনৰ সৈতে যোগাযোগ হেৰুৱাৰ কেইবা ঘণ্টাৰ পিছত এই অভিযানটো বিফল বুলি ঘোষণা কৰে।
লঞ্চ কন্ট্ৰ’লাৰে লেণ্ডাৰৰ সৈতে যোগাযোগ কৰিবলৈ কেইবাবাৰো চেষ্টা কৰিছিল যদিও কোনো বাৰ্তা নাপালে ইয়াৰ পিছত তেওঁ ক’লে যে তেওঁ মিছনটো শেষ কৰিছে।
প্ৰথম মিছনটোও হৈছিল বিফল
মহাকাশযানখনৰ মিনি ৰোভাৰখন চন্দ্ৰত অৱতৰণ কৰাৰ মাত্ৰ দুই মিনিটৰ পূৰ্বে যোগাযোগ নোহোৱা হৈছিল।তেতিয়ালৈকে এনে লাগিছিল যেন চন্দ্ৰৰ কক্ষপথৰ পৰা নামি অহাৰ প্ৰক্ৰিয়াটো সুচাৰুৰূপে চলি আছে।
ispace ৰ মুখ্য কাৰ্যবাহী বিষয়া তথা প্ৰতিষ্ঠাপক তাকেছি হাকামাডাই এই অভিযানত অৰিহণা যোগোৱা সকলোৰে ওচৰত ক্ষমা বিচাৰিছিল।
এইটো আছিল ispace ৰ দ্বিতীয়টো চন্দ্ৰ অভিযান।কোম্পানীটোৱে চন্দ্ৰত উপনীত হোৱাৰ প্ৰথম প্ৰচেষ্টাও দুবছৰ পূৰ্বে বিফল হৈছিল, তাৰ পিছত ইয়াৰ লেণ্ডাৰৰ নাম ‘ৰেজিলিয়েন্স’ ৰখা হৈছিল।
চন্দ্ৰ অভিযানত অব্যাহত থাকিব কাম
‘Resilience’ চন্দ্ৰৰ ধূলি সংগ্ৰহ কৰিবলৈ বেলচা থকা ৰোভাৰ আৰু চন্দ্ৰৰ ধূলিময় পৃষ্ঠত ৰাখিবলৈ ছুইডেনৰ এজন শিল্পীয়ে নিৰ্মাণ কৰা ৰঙা খেলনা এটা ঘৰো লৈ গৈছিল।
জাপানৰ কোম্পানীটোৰ বিষয়াসকলে কয় যে এইটো কোৱা এতিয়াও সোনকাল হ’ব যে একে সমস্যাৰ বাবেই দুয়োটা মিছন বিফল হ’ল নেকি?
হাকামাদাই সাংবাদিকৰ আগত কয়,”এইটো দ্বিতীয়বাৰৰ বাবে আমি অৱতৰণ কৰিব পৰা নাই।গতিকে, আমি এই কথাটো অতি গুৰুত্বসহকাৰে ল’ব লাগিব।” তেওঁ কয় যে কোম্পানীটোৱে চন্দ্ৰ অভিযানত আৰু অধিক কাম কৰিব।
লগতে পঢ়ক: অভিনেতা ডীনো মৌৰ্যাৰ বাসগৃহত ইডিৰ অভিযান; বান্দ্ৰা অঞ্চলত তদন্ত অব্যাহত
