আজি ৰাষ্ট্ৰীয় চিকিৎসক দিৱস
প্ৰতি বছৰে ভাৰতত ১ জুলাই তাৰিখে ৰাষ্ট্ৰীয় চিকিৎসক দিৱস (National Doctor’s Day) পালন কৰা হয় । মানৱ জীৱন ৰক্ষা, ৰোগৰ বিৰুদ্ধে যুঁজ দিয়া আৰু এখন সুস্থ সমাজ গঢ়াত অৰিহণা যোগোৱা দেশৰ সকলো চিকিৎসকৰ প্ৰতি সন্মান জনাই ৰাষ্ট্ৰীয় চিকিৎসক দিৱস পালন কৰা হয় । ভাৰতৰ দৰে বৈচিত্ৰ্যপূৰ্ণ দেশত চিকিৎসকৰ ভূমিকা কেৱল এজন ৰোগীৰ চিকিৎসাত সীমাবদ্ধ নহয় । বৰঞ্চ ডাক্তৰসকলে সমাজত সজাগতা অনাৰ কাম কৰে আৰু পুৰণি কুৰীতি ভাঙি নতুন দৃষ্টিভংগী বিয়পোৱাৰ কাম কৰে ।
ৰাষ্ট্ৰীয় চিকিৎসক দিৱসত ভাৰতৰ বিভিন্ন অঞ্চলত চিকিৎসকসকলক সম্বৰ্ধনা জনোৱাৰ উদ্দেশ্যে বহু ধৰণৰ কাৰ্যসূচীৰ আয়োজন কৰা হয় । জানক এই দিৱসৰ ইতিহাস আৰু গুৰুত্ব ।
ৰাষ্ট্ৰীয় চিকিৎসক দিৱসৰ ইতিহাস-
১৯৯১ চনৰ পৰা ভাৰতত আৰম্ভ হয় ৰাষ্ট্ৰীয় চিকিৎসক দিৱস । পশ্চিম বংগৰ এগৰাকী বিখ্যাত চিকিৎসক তথা মুখ্যমন্ত্ৰী ড০ বিধান চন্দ্ৰ ৰায়ৰ স্মৃতিত এই দিৱস পালন কৰা হয় । ডাঃ বি চি ৰয়ৰ জন্ম ১৮৮২ চনৰ ১ জুলাইত হৈছিল আৰু ১৯৬২ চনৰ ১ জুলাইত তেওঁৰ মৃত্যু হয় । ডাঃ বি চি ৰয় কেৱল এজন বিখ্যাত চিকিৎসকই নাছিল, সামাজিক আৰু ৰাজনৈতিক ক্ষেত্ৰতো তেওঁৰ বৰঙণি আগবঢ়াইছিল ।
ডাঃ বি চি ৰয় ভাৰতীয় চিকিৎসা পৰিষদ আৰু ইণ্ডিয়ান মেডিকেল এছ’চিয়েশ্যন (আই এম এ)ৰ প্ৰতিষ্ঠাপক সদস্যও আছিল । ভাৰতত আধুনিক চিকিৎসা শিক্ষাৰ বিকাশৰ ক্ষেত্ৰত তেওঁ গুৰুত্বপূৰ্ণ ভূমিকা পালন কৰিছিল । প্ৰতি বছৰে ১ জুলাইত এই দিৱস পালন কৰি ডাঃ বি চি ৰয়ৰ সামাজিক কামক সন্মান জনোৱাৰ লগতে তেওঁলৈ শ্ৰদ্ধাঞ্জলি জ্ঞাপন কৰা হয় । ১৯৯১ চনৰ পৰা প্ৰতি বছৰে এই দিৱসটো বিশেষ বিষয়বস্তুৰে পালন কৰি অহা হৈছে ।
২০২৫ বৰ্ষৰ বিষয়বস্তু-
ভাৰতীয় চিকিৎসা সংস্থাই প্ৰতি বছৰে এক বিশেষ বিষয়বস্তুৰে চিকিৎসক দিৱস পালন কৰে । বছৰটোৰ চিকিৎসাজনিত প্ৰত্যাহ্বানৰ ওপৰত ভিত্তি কৰি এই বিষয়বস্তুৰ সিদ্ধান্ত লোৱা হয় । এইবাৰৰ বিষয়স্তু “বিহাইণ্ড দ্য মাস্ক: হু হিলছ দ্য হিলাৰ” । এই বিষয়বস্তুৰ লক্ষ্য এতিয়া চিকিৎসকৰ মানসিক স্বাস্থ্যৰ প্ৰতি মানুহক সজাগ কৰা ।
ৰাষ্ট্ৰীয় চিকিৎসক দিৱস কিয় পালন কৰা হয়-
-ৰাষ্ট্ৰীয় চিকিৎসক দিৱস পালনৰ উদ্দেশ্য কেৱল চিকিৎসকৰ দ্বাৰা ৰোগীৰ চিকিৎসাৰ বাবেই উৎসৰ্গা কৰা নহয় । এই দিনটোৱে কয় যে চিকিৎসক কেৱল এই ৰোগৰ চিকিৎসাই নহয়, তেওঁলোক এজন ৰোগীৰ আশা ।
-স্বাস্থ্য আৰু চিকিৎসা সেৱাৰ গুৰুত্ব সম্পৰ্কে সাধাৰণ জনতাক সজাগ কৰাৰ বাবে ৰাষ্ট্ৰীয় চিকিৎসক দিৱস এক বিশেষ সুযোগ । এই বিশেষ দিনটোৱে চিকিৎসকসকলক সোঁৱৰাই দিয়ে যে তেওঁলোকে কেৱল ব্যৱসায় কৰাই নহয়, এটা সেৱাহে কৰিছে, যিটো নৈতিক কামৰ সৈতে জড়িত । ৰাষ্ট্ৰীয় চিকিৎসক দিৱসে যুৱক-যুৱতীসকলক চিকিৎসক আৰু অন্যান্য চিকিৎসা ক্ষেত্ৰত কেৰিয়াৰ গঢ়িবলৈ অনুপ্ৰাণিত কৰে ।
ৰাষ্ট্ৰীয় চিকিৎসক দিৱসৰ গুৰুত্ব-
ভাৰতৰ দৰে বৈচিত্ৰময় দেশত স্বাস্থ্যসেৱা আৰু চিকিৎসা এতিয়াও এক প্ৰত্যাহ্বানমূলক বিষয় । বিশেষকৈ গ্ৰাম্য অঞ্চলত, য’ত আজিও মানুহে চিকিৎসাৰ সুবিধাতকৈ অন্ধবিশ্বাস আৰু ঘৰুৱা উপায়হে বেছি পছন্দ কৰে । ৰাষ্ট্ৰীয় চিকিৎসক দিৱসে আমাক সোঁৱৰাই দিয়ে যে বগা কোট পিন্ধা চিকিৎসকে কেৱল ৰোগীৰ চিকিৎসা কৰাই নহয় সমাজলৈও ডাঙৰ অৱদান আগবঢ়াই । কৰ’না মহামাৰীয়ে স্পষ্ট কৰি দিলে যে চিকিৎসকসকল সঁচা অৰ্থত ফ্ৰণ্টলাইন যোদ্ধা । কৰ’না মহামাৰীৰ সময়ত চিকিৎসকে সংক্ৰমিত ৰোগীক তেওঁলোকৰ জীৱনৰ প্ৰতি কোনো গুৰুত্ব নিদিয়াকৈ চিকিৎসা কৰাই নহয়, পৰিয়ালৰ সদস্যসকল ৰোগীৰ লগত নথকা সময়ত তেওঁলোকৰ হাতত ধৰি জীয়াই থকাৰ সাহসো দিছিল ।
এই দিনটোৱে আমাক জনায় যে এজন ব্যক্তিৰ কোনো ৰোগৰ পৰা আৰোগ্য লাভ কৰাটো কেৱল ঔষধ আৰু চিকিৎসাৰ ওপৰত নিৰ্ভৰ নকৰে বৰঞ্চ ৰোগী আৰু চিকিৎসকৰ মাজত থকা আস্থাৰ ওপৰতো নিৰ্ভৰ কৰে । এই আস্থাক অধিক শক্তিশালী কৰাৰ বাবে ৰাষ্ট্ৰীয় চিকিৎসক দিৱস এক মাধ্যম ।
লগতে পঢ়ক : দাঁতৰ বিষত ভুগিছে নেকি ? ঘৰুৱা উপায়ে কৰিব সহায়
