ৰাষ্ট্ৰপতি ভৱনত গণৰাজ্য দিৱস উপলক্ষে বিশিষ্ট অতিথিসকলৰ বাবে ‘এট হোম’ অভ্যৰ্থনা অনুষ্ঠানৰ আয়োজন কৰে ৰাষ্ট্ৰপতি দ্ৰৌপদী মুৰ্মুৱে । য’ত বহু বিশেষ অতিথিয়ে অংশগ্ৰহণ কৰে । ৰাষ্ট্ৰপতি দ্ৰৌপদী মুৰ্মুৰ উদ্যোগত এইয়া আছিল দ্বিতীয়টো ‘এট হোম’ কাৰ্যসূচী ।
একে সময়তে ৰাষ্ট্ৰপতি ভৱনে ছ’চিয়েল মিডিয়াত কৰা এটা পোষ্টত লিখিছে- ৰাষ্ট্ৰপতি দ্ৰৌপদী মুৰ্মুৱে ৭৬ সংখ্যক গণৰাজ্য দিৱস উপলক্ষে ৰাষ্ট্ৰপতি ভৱনত “এট হোম” অভ্যৰ্থনা অনুষ্ঠানৰ আয়োজন কৰে । গুৰুত্বপূৰ্ণ বিশিষ্ট ব্যক্তিসকলৰ উপৰিও বিভিন্ন ক্ষেত্ৰত উল্লেখযোগ্য অৱদান আগবঢ়োৱা কেইবাগৰাকী বিশিষ্ট নাগৰিকে চৰকাৰৰ বিভিন্ন উন্নয়নমূলক কাৰ্যসূচীৰ হিতাধিকাৰীসকলৰ সৈতে অংশগ্ৰহণ কৰে । অনুষ্ঠানৰ সময়ত প্ৰদৰ্শিত জীৱন্ত কলাত্মক আৰু সাংস্কৃতিক উপাদানসমূহ অতিথিসকলে উপভোগ কৰে ।
ইণ্ডোনেছিয়াৰ ৰাষ্ট্ৰপতি, প্ৰধানমন্ত্ৰী মোদীৰ অংশগ্ৰহণ-
ইণ্ডোনেছিয়াৰ ৰাষ্ট্ৰপতি, প্ৰধানমন্ত্ৰী নৰেন্দ্ৰ মোদী, উপ-ৰাষ্ট্ৰপতি জগদীপ ধনখড়, দিল্লীৰ উপ-ৰাজ্যপাল ভি কে ছাক্সেনা, লোকসভাৰ অধ্যক্ষ ওম বিৰলা, কেন্দ্ৰীয় মন্ত্ৰী ধৰ্মেন্দ্ৰ প্ৰধান আৰু বৈদেশিক পৰিক্ৰমা মন্ত্ৰী ড০ এছ জয়শংকৰে এই অনুষ্ঠানত অংশগ্ৰহণ কৰিছে ।
এই কেন্দ্রীয় মন্ত্রীসকলেও কার্যসূচীত অংশগ্রহণ কৰে-
একে সময়তে গণৰাজ্য দিৱসৰ দিনা ৰাষ্ট্ৰপতি ভৱনত ৰাষ্ট্ৰপতি দ্ৰৌপদী মুৰ্মুৱে আয়োজন কৰা ‘এট হোম’ অভ্যৰ্থনা অনুষ্ঠানত অংশগ্ৰহণ কৰে কেন্দ্ৰীয় মন্ত্ৰী অশ্বিনী বৈষ্ণৱ আৰু পীয়ুষ গোৱেলে ।
তথ্য আৰু সম্প্ৰচাৰ মন্ত্ৰালয়ৰ উদ্যোগত দুপৰীয়াৰ আহাৰ-
একে সময়তে প্ৰধানমন্ত্ৰী মোদীৰ ৰেডিঅ’ অনুষ্ঠান ‘মন কি বাত’ত অংশগ্ৰহণ কৰাসকলৰ বাবে তথ্য আৰু সম্প্ৰচাৰ মন্ত্ৰালয়ে দুপৰীয়াৰ আহাৰৰ আয়োজন কৰে ।
