কাৰ্গিল বিজয় দিৱস

কাৰ্গিলৰ বীৰ শ্বহীদ সকলক আজি ৰাষ্ট্ৰপতি দ্ৰৌপদী মুৰ্মু, প্ৰধানমন্ত্ৰী মোদী আৰু সমগ্ৰ ৰাষ্ট্ৰই শ্ৰদ্ধাঞ্জলি জ্ঞাপন কৰিছে । ৰাষ্ট্ৰপতি দ্ৰৌপদী মূৰ্মূৱে কয় যে আজিৰ দিনটো ভাৰতীয় সেনাৰ বীৰ জোৱানসকলৰ অসাধাৰণ বীৰত্ব, সাহস আৰু দৃঢ়তাৰ প্ৰতীক । এই দিৱস উপলক্ষে প্ৰধানমন্ত্ৰী নৰেন্দ্ৰ মোদীয়ে দেশবাসীক সম্ভাষণ জনায় । দেশৰ আত্মসন্মান ৰক্ষা কৰা শ্বহীদসকলক স্মৰণ কৰি তেওঁ কয় যে মাতৃভূমিৰ বাবে মৃত্যুবৰণ কৰা জোৱানসকলৰ আত্মাই ভৱিষ্যত প্ৰজন্মকো অনুপ্ৰাণিত কৰিব ।

কাৰ্গিলৰ শ্বহীদসকলক স্মৰণ ৰাষ্ট্ৰপতি দ্ৰৌপদী মুৰ্মুৰ-

১৯৯৯ চনত পাকিস্তানৰ আগ্ৰাসনৰ প্ৰতি ভাৰতীয় সেনাই যি ধৰণে প্ৰত্যুত্তৰ দিছিল সেই কথা সোঁৱৰি ৰাষ্ট্ৰপতি দ্ৰৌপদী মুৰ্মুৱে কাৰ্গিল বিজয় দিৱসৰ দিনটোত কয় যে জোৱানসকলৰ নিষ্ঠা আৰু সৰ্বোচ্চ ত্যাগে দেশবাসীক সদায় অনুপ্ৰাণিত কৰিব ।

প্ৰধানমন্ত্ৰী নৰেন্দ্ৰ মোদীৰ শ্ৰদ্ধাঞ্জলি-

২৬ বছৰ পূৰ্বে কাৰ্গিল যুদ্ধত ভাৰতৰ বিজয়ৰ কথা উল্লেখ কৰি প্ৰধানমন্ত্ৰী নৰেন্দ্ৰ মোদীয়ে বীৰ শ্বহীদসকলক ভৱিষ্যত প্ৰজন্মৰ বাবে প্ৰেৰণাৰ উৎস বুলি অভিহিত কৰে ।

কাৰ্গিল শ্বহীদলৈ প্ৰতিৰক্ষা মন্ত্ৰীৰ শ্ৰদ্ধাঞ্জলি-

প্ৰতিৰক্ষা মন্ত্ৰী ৰাজনাথ সিঙেও বীৰ শ্বীহসকলৰ ত্যাগক শ্ৰদ্ধাঞ্জলি জ্ঞাপন কৰে । তেওঁ এক্স হেণ্ডেলত এটা পোষ্টত লিখিছে, ‘কাৰ্গিল বিজয় দিৱসত অত্যন্ত কঠিন পৰিস্থিতিতো দেশৰ সন্মান ৰক্ষাৰ ক্ষেত্ৰত অসাধাৰণ সাহস, ধৈৰ্য্য আৰু দৃঢ়তা প্ৰদৰ্শন কৰা বীৰ জোৱানসকলক আন্তৰিক শ্ৰদ্ধাঞ্জলি জনাইছো । কাৰ্গিল যুদ্ধৰ সময়ত তেওঁলোকৰ পৰম ত্যাগ আমাৰ সশস্ত্ৰ বাহিনীৰ অটল সংকল্পৰ চিৰন্তন সোঁৱৰণী । তেওঁলোকৰ সেৱাৰ বাবে ভাৰত সদায় ঋণী হৈ থাকিব ।’

কাৰ্গিলৰ শ্বহীদসকলক স্মৰণ গৃহমন্ত্ৰী অমিত শ্বাহৰ-

২৬ বছৰ পূৰ্বে পাকিস্তানক উপযুক্ত প্ৰত্যুত্তৰ দিয়া ভাৰতৰ বীৰ শ্বহীদসকলক স্মৰণ কৰি গৃহমন্ত্ৰী অমিত শ্বাহে লিখিছে, অপাৰেচন বিজয় শত্ৰুক আঁঠু ল’বলৈ বাধ্য কৰাৰ এক অমৰ নিদৰ্শন ।

লগতে পঢ়ক : বিশ্বজুৰি মোদীৰ যাদু; ট্ৰাম্প আৰু মেলনীক পিছ পেলাই আটাইতকৈ জনপ্ৰিয় নেতা হিচাপে পৰিগণিত

২১ জুলাইৰ পৰা ২১ আগষ্টলৈ চলিব সংসদৰ বৰ্ষাকালীন অধিৱেশন

২১ জুলাইৰ পৰা আৰম্ভ হ’ব সংসদৰ বৰ্ষাকালীন অধিৱেশন । ২১ আগষ্টলৈকে চলিব এই অধিৱেশন । এই তথ্য বুধবাৰে প্ৰদান কৰে সংসদীয় পৰিক্ৰমা মন্ত্ৰী কিৰেন ৰিজিজুৱে । পূৰ্বে ১২ আগষ্টত অধিৱেশন সমাপ্ত হ’বলগীয়া আছিল যদিও এতিয়া এসপ্তাহৰ বাবে বৃদ্ধি কৰা হৈছে । পহলগাম আক্ৰমণৰ পিছত চলি থকা এই সংসদ অধিৱেশন অতি উত্তাল হোৱাৰ সম্ভাৱনা আছে ।

কেন্দ্ৰীয় মন্ত্ৰী কিৰেন ৰিজিজুৱে মঙলবাৰে সামাজিক মাধ্যমত যে ভাৰতৰ ৰাষ্ট্ৰপতি দ্ৰৌপদী মুৰ্মুৱে ২০২৫ চনৰ ২১ জুলাইৰ পৰা ২১ আগষ্টলৈ সংসদৰ বৰ্ষাকালীন অধিৱেশন আহ্বান কৰিবলৈ চৰকাৰৰ প্ৰস্তাৱত অনুমোদন জনাইছে । কিন্তু স্বাধীনতা দিৱস উদযাপনৰ কথা মনত ৰাখি ১৩ আৰু ১৪ আগষ্টত কোনো বৈঠক অনুষ্ঠিত নহয় ।

তিনিমাহতকৈ অধিক সময়ৰ ব্যৱধানৰ অন্তত ২১ জুলাইৰ পুৱা ১১ বজাত দুয়োটা সংসদ সদনৰ বৈঠক অনুষ্ঠিত হোৱাৰ কথা । ইয়াৰ পূৰ্বে ৰিজিজুৱে সংবাদ মাধ্যমৰ আগত কয় যে প্ৰতিৰক্ষা মন্ত্ৰী ৰাজনাথ সিঙৰ নেতৃত্বত গঠিত সংসদীয় পৰিক্ৰমা কেবিনেট কমিটীয়ে এই তাৰিখৰ পৰামৰ্শ দিছিল । তেওঁ কয় যে ৰাষ্ট্ৰপতিয়ে এই পৰামৰ্শত অনুমোদন জনাইছে । এই অধিৱেশনত বহু গুৰুত্বপূৰ্ণ বিধেয়ক আৰু বিষয় আলোচনা হোৱাৰ সম্ভাৱনা আছে ।

অপাৰেচন সিন্দুৰৰ পিছৰ এই প্ৰথম অধিবেশন উত্তাল হোৱাৰ সম্ভাৱনা আছে । আগন্তুক অধিৱেশনৰ সময়ত এলাহাবাদ উচ্চ ন্যায়ালয়ৰ ন্যায়াধীশ যশৱন্ত বাৰ্মাৰ বিৰুদ্ধেও মহাভিযোগ দাখিলৰ প্ৰস্তাৱ অনাৰ প্ৰস্তুতি চলোৱা হৈছে । সংসদীয় পৰিক্ৰমা মন্ত্ৰী কিৰেন ৰিজিজুক ন্যায়াধীশ যশৱন্ত বাৰ্মাৰ বিৰুদ্ধে মহাভিযোগ প্ৰক্ৰিয়া আৰম্ভ কৰাৰ সন্দৰ্ভত বিৰোধী দলসমূহৰ সৈতে আলোচনাৰ দায়িত্ব দিয়া হৈছে ।

লগতে পঢ়ক : ৰাষ্ট্ৰীয় ক্ৰীড়া নীতি ২০২৫ত অনুমোদন কেবিনেটৰ; হ’ব এইসমূহ ঐতিহাসিক পৰিৱৰ্তন