পৃথিৱীত খুন্দা মাৰিব পাৰে সৌৰ ধুমুহাই
প্ৰায়ে দেখা যায় যে আমাৰ সৌৰজগতত পৃথিৱীৰ পৰা হাজাৰ লাখ কিলোমিটাৰ দূৰত্বত ঘটি থকা পৰিঘটনাবোৰে পৃথিৱীতো প্ৰত্যক্ষ প্ৰভাৱ পেলায়।
তেনে এটা সৌৰ ধুমুহা পৃথিৱীৰ ফালে আগবাঢ়িছে যাৰ গতি আৰু দিশ দুয়োটাৰ বিষয়ে এতিয়াও বিজ্ঞানীসকল অজ্ঞাত, যাৰ বাবে তেওঁলোকৰ উত্তেজনা বৃদ্ধি পাইছে।
মহাকাশ বিজ্ঞানীসকলৰ মতে পৃথিৱীৰ ফালে গতি কৰা এই সৌৰ ধুমুহাই আমাৰ ওপৰতো বৃহৎ প্ৰভাৱ পেলাব পাৰে। ইয়াৰ প্ৰত্যক্ষ প্ৰভাৱ ইণ্টাৰনেট নেটৱৰ্ক, মোবাইল যোগাযোগ আৰু পাৱাৰ গ্ৰীডত পৰিব বুলি মহাকাশ বিজ্ঞানীসকলে আশংকা প্ৰকাশ কৰিছে।
এই সতৰ্কবাণী আমেৰিকাৰ মহাকাশ বতৰ প্ৰেডিকশ্বনৰ দ্বাৰা জাৰি কৰিছে। এনে হ’লে ব্লেকআউটৰ পৰিস্থিতিৰো সৃষ্টি হ’ব পাৰে, যাৰ ফলত পৃথিৱীৰ বহু ঠাইত কেইবাদিনো অন্ধকাৰৰ সৃষ্টি হ’ব পাৰে আৰু যোগাযোগো হেৰুৱাব পাৰে।
বাঢ়িছে বিপদ
বিজ্ঞানীসকলৰ মতে সূৰ্য্যৰ পৰা এক শক্তিশালী ক’ৰ’নেল মাছ ইজেকচন ওলাইছে যিটো এতিয়া পৃথিৱীৰ ফালে আগবাঢ়িছে।
চিএমই হৈছে সূৰ্য্যৰ বাহিৰৰ বায়ুমণ্ডলৰ পৰা প্লাজমা আৰু চুম্বকীয় ক্ষেত্ৰৰ প্ৰবল তৰংগ যিয়ে পৃথিৱীৰ চুম্বকীয় ক্ষেত্ৰক প্ৰভাৱিত কৰিব পাৰে।
ইয়াৰ উপৰিও সংস্থাটোৱে কয় যে চিএমই বা ক’ৰ’নেল মাছ ইজেকচনে পৃথিৱীত খুন্দা মৰাৰ সম্ভাৱনা আছে যদিও ইয়াৰ গতিৰ বিষয়ে এতিয়াও ছাচপেন্স আছে।
ক’ত পৰিব প্ৰভাৱ
এই সৌৰ ধুমুহা পৃথিৱীৰ পৰা ১০ লাখ মাইল দূৰত অৱস্থিত সৌৰ মানৱ নিৰীক্ষণ কেন্দ্ৰৰ মাজেৰে পাৰ হ’ব, তাৰ পিছতহে ইয়াৰ প্ৰকৃত শক্তি আৰু দিশৰ মূল্যায়ন কৰিব পৰা যাব।
কিন্তু ইয়াৰ ফলত কোনখন দেশ অধিক প্ৰভাৱিত হ’ব সেই সম্পৰ্কে তথ্য এতিয়াও দিয়া হোৱা নাই। কিন্তু পৃথিৱীত উপস্থিত সঁজুলি আৰু আধুনিক প্ৰযুক্তিৰ সহায়ত ইয়াৰ প্ৰভাৱ কম কৰিব পৰা যায়।
