এছিয়া কাপ ২০২৫ৰ বাবে ভাৰতীয় দল ঘোষণা
অপেক্ষাৰ অন্তত এছিয়া কাপৰ বাবে ঘোষণা কৰা হৈছে ভাৰতীয় দল । দলটোৰ অধিনায়কত্ব সূৰ্যকুমাৰ যাদৱৰ হাতত অৰ্পণ কৰা হৈছে । মুখ্য নিৰ্বাচক অজিত আগৰকাৰে বি চি চি আইৰ সচিব দেৱজিৎ শইকীয়াৰ সৈতে বৈঠকত মিলিত হৈ মঙলবাৰে (১৯ আগষ্ট) দল ঘোষণা কৰে । টি-২০ ফৰ্মেটত অনুষ্ঠিত হ’বলগীয়া এছিয়া কাপত শুভমন গীলক উপ-অধিনায়কত্ব প্ৰদান কৰা হৈছে ।
একে সময়তে ইংলেণ্ড ভ্ৰমণত দুৰ্দান্ত প্ৰদৰ্শন কৰা মহম্মদ ছিৰাজক দলৰ পৰা বাদ দিয়া হৈছে । ইংলেণ্ডৰ বিৰুদ্ধে ৫খন খেলৰ টেষ্ট শৃংখলাত ছিৰাজে ২৩টা উইকেট দখল কৰিছিল ।
এছিয়া কাপ ২০২৫ৰ বাবে দলত কোনে কোনো লাভ কৰিলে স্থান ?
দলৰ অধিনায়ক হিচাপে থাকিব সূৰ্যকুমাৰ যাদৱে । শীৰ্ষ ক্ৰমত খেলিব তিলক বাৰ্মা আৰু অভিষেক শৰ্মাই । অভিষেক শৰ্মাই ইনিংছ মুকলি কৰিব, তিলক বাৰ্মা আৰু সূৰ্য্যকুমাৰে ক্ৰমে তিনি আৰু চাৰি নম্বৰত বেটিং কৰিব । শুভমন গীলেও দলত স্থান লাভ কৰিছে, গতিকে তেওঁ কোনটো স্থানত খেলিব সেয়া হ’ব লক্ষ্যণীয় ।
সঞ্জু চেমছন আৰু জিতেশ শৰ্মাই উইকেটকীপাৰ বেটছমেন হিচাপে এছিয়া কাপৰ দলত স্থান লাভ কৰিছে । অভিষেক শৰ্মাৰ সৈতে অ’পেনিং কৰা দেখা যাব সঞ্জু চেমছনক । সঞ্জু চেমছনৰ বেকআপ হিচাপে জিতেশ দলৰ অংশ ।
ফাষ্ট বলিঙৰ নেতৃত্ব লব যশপ্ৰীত বুমৰাহে । ইয়াৰ উপৰিও অৰ্শদীপ সিঙেও দলত স্থান লাভ কৰিছে । তৃতীয় বিশেষজ্ঞ বেগী বলাৰ হিচাপে অগ্ৰাধিকাৰ লাভ কৰিছে হৰ্ষিত ৰাণাই । প্ৰসিদ্ধ কৃষ্ণ আৰু মহম্মদ ছিৰাজ নিৰ্বাচনৰ দৌৰত নামিছিল যদিও সুযোগ লাভত ব্যৰ্থ হয় ।
মুখ্য প্ৰশিক্ষক গৌতম গম্ভীৰে অল ৰাউণ্ডাৰৰ পোষকতা কৰি আহিছে । এনে পৰিস্থিতিত হাৰ্দিক পাণ্ডিয়া, শিৱম ডুবে আৰু অক্ষৰ পেটেলে অল ৰাউণ্ডাৰ হিচাপে দলত স্থান লাভ কৰিছে । হাৰ্দিক আৰু শিৱম বেটিং অল ৰাউণ্ডাৰ ।
এছিয়া কাপৰ বাবে ভাৰতীয় দল-
সূৰ্যকুমাৰ যাদৱ, শুবমান গীল, অভিষেক শৰ্মা, তিলক বাৰ্মা, হাৰ্দিক পাণ্ডিয়া, শিৱম ডুবে, অক্ষৰ পেটেল, জিতেশ শৰ্মা, বৰুণ চক্ৰৱৰ্তী, অৰ্শদীপ সিং, কুলদীপ যাদৱ, সঞ্জু চেমছন, হৰ্ষিত ৰাণা, ৰিংকু সিং, যশপ্ৰীত বুমৰাহ ।
ষ্টেণ্ডবাইঃ প্ৰসিদ্ধ কৃষ্ণ, ৱাশ্বিংটন সুন্দৰ, ৰিয়ান পৰাগ, ধ্ৰুৱ জুৰেল, যশস্বী জয়ছোৱাল ।
দলত স্থান নাপালে এইসকল তাৰকাই-
শ্ৰেয়াছ আয়াৰ, যশস্বী জয়ছোৱাল, ৰবি বিষ্ণোই আৰু ৱাশ্বিংটন সুন্দৰ ।
কেতিয়া অনুষ্ঠিত হ’ব এছিয়া কাপ, জানক ভাৰতৰ সূচী-
৯ ছেপ্টেম্বৰৰ পৰা অনুষ্ঠিত হ’ব এছিয়া কাপ ২০২৫ ক্ৰিকেট প্ৰতিযোগিতা । ২৮ ছেপ্টেম্বৰলৈ অনুষ্ঠিত হ’ব এই টুৰ্ণামেন্ট । ভাৰতীয় দলটোৱে এছিয়া কাপত পাকিস্তান, ওমান আৰু ইউ এ ইৰ সৈতে গ্ৰুপ এত স্থান লাভ কৰিছে । টি-২০ ফৰ্মেটত অনুষ্ঠিত হ’বলগা এছিয়া কাপ এইবাৰ সংযুক্ত আৰব আমিৰশ্বাহী (ইউ এ ই) আবুধাবি আৰু ডুবাইৰ দুখন চহৰত অনুষ্ঠিত হ’ব ।
গ্ৰুপ বিত শ্ৰীলংকা, বাংলাদেশ, হংকং আৰু আফগানিস্তান আছে । ১০ ছেপ্টেম্বৰত ডুবাইত ইউ এ ইৰ বিৰুদ্ধে প্ৰথমখন খেল খেলিব ভাৰতীয় দলে । দলটোৰ পৰৱৰ্তী মেচ ১৪ ছেপ্টেম্বৰত ডুবাইত পাকিস্তানৰ বিৰুদ্ধে । ভাৰতীয় দলটোৱে ১৯ ছেপ্টেম্বৰত আবুধাবিত ওমানৰ বিৰুদ্ধে গ্ৰুপৰ অন্তিমখন খেল খেলিব । এছিয়া কাপত দুয়োটা গ্ৰুপৰ শীৰ্ষ ২ টা দলে ছুপাৰ-৪ পৰ্যায়ত প্ৰৱেশ কৰিব । তাৰ পিছত ছুপাৰ-৪ পৰ্যায়ৰ শীৰ্ষ ২ দলৰ মাজত খিতাপৰ মেচ অনুষ্ঠিত হ’ব ।
লগতে পঢ়ক : ৪ আই চি চি ট্ৰফী, ২৭ হাজাৰ ৰান… আন্তঃৰাষ্ট্ৰীয় ক্ৰিকেটত ১৭ বছৰ সম্পূৰ্ণ কিং কোহলীৰ
