চেম্পিয়নছ ট্ৰফীৰ ছেমি ফাইনেল খেলৰ সময়ত ৰোজা পালন নকৰা আৰু শক্তিবৰ্ধক পানীয় খোৱাৰ বাবে ভাৰতীয় পেচ বলাৰ মহম্মদ ছামীক ধৰ্মীয় নেতাসকলে লক্ষ্য কৰি লৈছে।
সৰ্বভাৰতীয় মুছলিম জামাতৰ ৰাষ্ট্ৰীয় সভাপতি মৌলানা শ্বাহবুদ্দিন ৰাজভিয়ে কয় যে ইছলামত ৰোজা বাধ্যতামূলক । কিন্তু ইচ্ছাকৃতভাৱে ৰোজা নৰখাটো আটাইতকৈ ডাঙৰ পাপ”।
মৌলানা শ্বাহবুদ্দিন ৰাজৱীয়ে কৈছিল যে মহম্মদ ছামীয়ে ৰোজ নাৰাখি এটা ডাঙৰ পাপ কৰিছে। চৰিয়াৰ দৃষ্টিত, মহম্মদ ছামী এজন অপৰাধী। তেওঁ কৈছিল যে মহম্মদ ছামীয়ে তেওঁৰ পাপৰ বাবে আল্লাৰ পৰা ক্ষমা বিচাৰিব লাগে।
তেওঁ লগতে কয় যে তেওঁ খেলৰ সময়ত মহম্মদ ছামীয়ে পানী খাইছিল। তেওঁ যেতিয়া খেলিছে তাৰ অৰ্থ এয়াই য়ে মহম্মদ ছামী স্বাস্থ্যৱান। সুস্থ হৈ থাকিবও ৰোজা নাৰাখি মহম্মদ ছামীয়ে পাপ কৰিছে। তেওঁ আল্লাহক উত্তৰ দিব লাগিব”।
দৰাচলতে, ডুবাইত খেলা ভাৰত বনাম অষ্ট্ৰেলিয়াৰ ছেমিফাইনেল খেলখনৰ সময়ত মহম্মদ ছামীয়ে এনাৰ্জি ড্ৰিংক পান কৰা এখন ফটো সামাজিক মাধ্যমত ভাইৰেল হৈ পৰিছিল।
যাৰ পিছত বহু লোকে তেওঁক ট্ৰল কৰিছিল। এই বিতৰ্কৰ পিছত, এতিয়া মুছলিম জামাতৰ ৰাষ্ট্ৰীয় সভাপতি মৌলানা শ্বাহবুদ্দিন ৰাজভিয়ে মহম্মদ ছামীক সমালোচনা কৰিছে।
দৰাচলতে, বৰ্তমান ডুবাইত যথেষ্ট গৰম পৰিছে। এনে পৰিস্থিতিত, পানী আৰু শক্তিবৰ্ধক পানীয় অবিহনে খেলা সম্ভৱ নহয়। ইফালে, মহম্মদ ছামীৰ প্ৰশিক্ষকে ছামীৰ ট্ৰলিংক লৈ তীব্ৰ প্ৰতিক্ৰিয়া ব্যক্ত কৰিছে।
ছামীৰ প্ৰশিক্ষক বদৰুদ্দিন চিদ্দিকীয়ে কৈছিল যে তেওঁ দেশৰ বাবে ৰোজা ভংগ কৰিছিল।তেওঁ ধৰ্মীয় নেতাসকলক পৰামৰ্শ দিছিল যে দেশ প্ৰথমে আহে।
অযোধ্যাৰ সাধুসকলে মহম্মদ ছামীৰ বিৰুদ্ধে হোৱা ট্ৰলিংক লৈ অসন্তুষ্টি ব্যক্ত কৰি কয় যে মৌলানা শ্বাহবুদ্দিনে মহম্মদ ছামীৰ মনোবল হ্ৰাস কৰিবলৈ চেষ্টা কৰি আছে।
খেলুৱৈজনৰ আটাইতকৈ ডাঙৰ কৰ্তব্য হ’ল খেল আৰু দেশৰ বাবে ভাল প্ৰদৰ্শন কৰা। ৯ মাৰ্চত চেম্পিয়নছ ট্ৰফীৰ ফাইনেলত ভাল প্ৰদৰ্শন কৰাটো তেওঁলোকৰ বিশ্বাসৰ সৰ্বশ্ৰেষ্ঠ কাৰ্য হ’ব।
