প্ৰায় দুই ঘণ্টাৰ বাবে সমগ্ৰ বিশ্বজুৰি বিকল হৈ পৰিছিল ফেচবুক। তাৰ পিছতেই ব্যৱহাৰকাৰী সকলৰ মাজত হাহাকাৰ পৰিস্থিতিৰ সৃষ্টি হৈছিল।
ছচিয়েল নেটৱৰ্কিং ছাইট ফেচবুক সমগ্ৰ বিশ্বতে বিকল হৈ পৰিছে। দেওবাৰে দুপৰীয়াৰ পিছত ফেচবুকত সমস্যা আৰম্ভ হয়, যাৰ ফলত ব্যৱহাৰকাৰীসকলে ফেচবুক লগ ইন কৰিব পৰা নাই। ইয়াৰ বাবে ব্যৱহাৰকাৰীৰ মাজত অসুবিধাৰ সৃষ্টি হৈছে। যেতিয়া লোকে ছচিয়েল মিডিয়া ছাইট ফেচবুকত লগ ইন কৰিবলৈ চেষ্টা কৰিছিল, তেতিয়া তেওঁলোকে একেধৰণৰ বাৰ্তা দেখিবলৈ পাইছিল।
১৯ জুলাইৰ পুৱা হঠাতে ফেচবুকৰ সৈতে জড়িত অভিযোগসমূহ তীব্ৰ গতিত বৃদ্ধি পোৱা দেখা গৈছে। বহু ব্যৱহাৰকাৰীয়ে এক্স (X) সহ অন্যান্য ছচিয়েল মিডিয়া প্লেটফৰ্মত পোষ্ট কৰি জনায় যে ফেচবুকৰ সেৱাসমূহ স্বাভাৱিক ৰূপত চলি থকা নাই।
ডাউনডিটেক্টৰত ব্যৱহাৰকাৰীৰ ৰিপৰ্টৰ পৰা দেখা গৈছে যে প্ৰতিবেদন কৰা মূল সমস্যাসমূহ তিনিটা ক্ষেত্ৰৰ সৈতে জড়িত, যাৰ ভিতৰত ৫০% ৱেবছাইট এক্সেছ, ২০% লগইন সমস্যা আৰু ২০% ফীড তথা টাইমলাইনৰ সমস্যা অন্তৰ্ভুক্ত। মেটাৰ মালিকানাধীন ফেচবুক প্লেটফৰ্মে পোষ্ট, গ্ৰুপ, মাৰ্কেটপ্লেচ আৰু নিউজ ফীড সেৱাৰ জৰিয়তে সমগ্ৰ বিশ্বৰ ব্যৱহাৰকাৰীসকলক সংযোগ কৰে।
অৱশ্যে বৰ্তমানলৈকে, মেটাৰ তৰফৰ পৰা ফেচবুকত দেখা দিয়া কোনো সমস্যাৰ সন্দৰ্ভত আনুষ্ঠানিক মন্তব্য প্ৰকাশ কৰা নাই আৰু কোনো স্বতন্ত্ৰ ষ্টেটাছ ছাইটেও এনে কোনো সমস্যাৰ কথা জনোৱা নাই।
