ইউক্ৰেইনত ৰাছিয়াৰ বিমান আক্ৰমণ

দেওবাৰে ৰাছিয়াই ড্ৰোন আৰু মিছাইল ব্যৱহাৰ কৰি ইউক্ৰেইনত এক ভয়ংকৰ আক্ৰমণ চলায়। এই আক্ৰমণত কমেও চাৰিজন লোকৰ মৃত্যু হয়।

ৰাজধানী কিয়ভক লক্ষ্য কৰি এই আক্ৰমণ চলাইছিল।উল্লেখে যে যোৱা মাহত কিয়ভত সংঘটিত বিমান আক্ৰমণৰত ২১ জন লোকৰ মৃত্যু হোৱাৰ পিছত এইটোৱে প্ৰথম বৃহৎ আক্ৰমণ।

চহৰখনৰ আৱাসিক এলেকাত লক্ষ্য কৰি লোৱা এই আক্ৰমণত দহজন লোক আহত হয়।

লগতে পঢ়ক: ডিচেম্বৰত ভাৰত ভ্ৰমণ কৰিব ৰাষ্ট্ৰপতি পুটিনে; জনালে ৰুছ বিদেশ মন্ত্ৰীয়ে

ইউক্ৰেইনত ৰাছিয়াৰ আটাইতকৈ ডাঙৰ এয়াৰ ষ্ট্ৰাইক

ইউক্ৰেইনৰ ৰাজধানী কিয়েভত ৰাছিয়াই নতুনকৈ আক্ৰমণ চলাইছে । এই আক্ৰমণত পেচাৰস্কি জিলাৰ কেবিনেট ভৱনত অগ্নিকাণ্ড সংঘটিত হয় । ইউক্ৰেইনৰ সামৰিক প্ৰশাসনৰ মুৰব্বীয়ে দেওবাৰে ছ’চিয়েল মিডিয়াত এই তথ্য প্ৰদান কৰে । প্ৰকাশিত এক প্ৰতিবেদন অনুসৰি প্ৰত্যক্ষদৰ্শীয়ে ইউক্ৰেইন চৰকাৰৰ মূল ভৱনৰ পৰা ক’লা ধোঁৱা ওলোৱা দেখিছিল ।

৮০০ৰো অধিক ড্ৰোন নিক্ষেপ কৰে ৰাছিয়াই-

ইউক্ৰেইনে জনোৱা মতে, ৰাছিয়াই কিয়েভত নিশাটোৰ ভিতৰতে আক্ৰমণ চলাইছিল, য’ত এটি নৱজাতককে ধৰি তিনিজন লোকৰ মৃত্যু হোৱাৰ বিপৰীতে ১৮জন লোক আহত হৈছে । চৰকাৰী মুখ্য কাৰ্যালয়কে ধৰি ৰাজধানীৰ কেইবাটাও অট্টালিকাত জ্বলি উঠে । কিয়েভৰ মেয়ৰে কয় যে এই আক্ৰমণ আৰম্ভ হৈছিল চহৰখনত ড্ৰ’ন আক্ৰমণৰ পৰা আৰু তাৰ পিছতে ক্ষেপণাস্ত্ৰ আক্ৰমণ হৈছিল ।

ইউক্ৰেইনৰ প্ৰধানমন্ত্ৰী ইউলিয়া শ্বিৰিডেংকোৱে কয় যে যুদ্ধৰ সময়ত প্ৰথমবাৰৰ বাবে শত্ৰুৰ আক্ৰমণত ইউক্ৰেইন চৰকাৰৰ মূল ভৱন ক্ষতিগ্ৰস্ত হৈছে । ইউক্ৰেইনৰ বায়ুসেনাই জনোৱা মতে, ৰাছিয়াই নিশাৰ ভিতৰতে ইউক্ৰেইনলৈ ৮০৫টা ড্ৰোন আৰু ১৩টা ক্ষেপণাস্ত্ৰ নিক্ষেপ কৰিছে তেওঁ কয় যে ড্ৰোন আক্ৰমণত এটি শিশু আৰু এগৰাকী যুৱতী নিহত হোৱাৰ বিপৰীতে এগৰাকী গৰ্ভৱতী মহিলাকে ধৰি পাঁচজন লোকক চিকিৎসালয়ত ভৰ্তি কৰা হৈছে । ইয়াৰ পূৰ্বে ড্নিপাৰ নদীৰ পূব দিশৰ আশ্ৰয় শিবিৰত এগৰাকী বৃদ্ধাৰ মৃত্যু হৈছিল, য’ত আন দুজন লোকৰ মৃত্যু হোৱাৰ বাতৰি পোৱা গৈছিল ।

দ্বিতীয়টো বৃহৎ আক্ৰমণ-

দেওবাৰৰ এই আক্ৰমণ হৈছে যোৱা দুসপ্তাহৰ ভিতৰত কিয়েভক লক্ষ্য কৰি ৰাছিয়াৰ দ্বিতীয়টো বৃহৎ ড্ৰোন আৰু মিছাইল আক্ৰমণ । শান্তি আলোচনাৰ আশাক লৈ এই আক্ৰমণে সংকট আৰু অধিক গভীৰ কৰি তুলিছে ।

লগতে পঢ়ক : অক্টোবৰত হ’ব পাৰে ট্ৰাম্প-জিনপিঙৰ বৈঠক… দক্ষিণ কোৰিয়া ভ্ৰমণৰ বাবে সাজু হৈছে আমেৰিকাৰ ৰাষ্ট্ৰপতি

জেলেনস্কিৰ সৈতে বাৰ্তালাপ প্ৰধানমন্ত্ৰী মোদীৰ

সোমবাৰে ইউক্ৰেইনৰ ৰাষ্ট্ৰপতি ভ্লাদিমিৰ জেলেনস্কিয়ে প্ৰধানমন্ত্ৰী নৰেন্দ্ৰ মোদীৰ সৈতে ফোনযোগে বাৰ্তালাপ কৰে । তেওঁ ছ’চিয়েল মিডিয়া প্লেটফৰ্ম এক্সত পোষ্ট কৰি এই বিষয়ে অৱগত কৰে । জেলেনস্কিয়ে এক্স পোষ্টত কয় যে, ‘ভাৰতৰ প্ৰধানমন্ত্ৰী নৰেন্দ্ৰ মোদীৰ সৈতে এক দীঘলীয়া আৰু গুৰুত্বপূৰ্ণ কথা-বতৰা হয়, য’ত দ্বিপাক্ষিক সহযোগিতা আৰু বিশ্ব কূটনৈতিক পৰিস্থিতিৰ বিষয়ে বিতংভাৱে আলোচনা কৰা হয় ।’

ভাৰতৰ প্ৰধানমন্ত্ৰীগৰাকীয়ে ইউক্ৰেইনৰ জনসাধাৰণলৈ আগবঢ়োৱা সহায়ৰ বাবে তেওঁ কৃতজ্ঞতা জ্ঞাপন কৰে ।  জেলেনস্কিয়ে কয় যে তেওঁ প্ৰধানমন্ত্ৰী নৰেন্দ্ৰ মোদীক শেহতীয়াকৈ ৰাছিয়াৰ আক্ৰমণৰ বিষয়ে অৱগত কৰিছিল, বিশেষকৈ জাপোৰিজিয়াৰ এটা বাছ আস্থানত হোৱা আক্ৰমণৰ বিষয়ে, য’ত কেইবা ডজন লোক আহত হৈছিল । তেওঁ কয়, ‘যি সময়ত যুদ্ধৰ অন্ত পেলোৱাৰ কূটনৈতিক সম্ভাৱনা থকা যেন লাগে, সেই সময়ত ৰাছিয়াই কেৱল নিজৰ আগ্ৰাসন আৰু হত্যাকাণ্ড অব্যাহত ৰখাৰ ইচ্ছা দেখুৱাইছে ।’

প্ৰধানমন্ত্ৰী মোদীয়ে এক্সৰ এটা পোষ্টত কয়, ‘ৰাষ্ট্ৰপতি জেলেনস্কিৰ সৈতে বাৰ্তালাপ কৰি মই সুখী আৰু শেহতীয়া পৰিস্থিতিৰ ওপৰত তেওঁৰ মতামত জানিলো । সংঘাতৰ আগতীয়া আৰু শান্তিপূৰ্ণ সমাধানৰ প্ৰয়োজনীয়তা সম্পৰ্কে ভাৰতৰ দৃঢ় স্থিতি তেওঁৰ আগত অৱগত কৰিলোঁ । এই ক্ষেত্ৰত ভাৰতে সকলো ধৰণৰ অৱদান আগবঢ়োৱাৰ লগতে ইউক্ৰেইনৰ সৈতে দ্বিপাক্ষিক সম্পৰ্ক অধিক শক্তিশালী কৰাৰ বাবে প্ৰতিশ্ৰুতিবদ্ধ ।’

জেলেনস্কিয়ে কয় যে প্ৰধানমন্ত্ৰী মোদীয়ে ইউক্ৰেইনৰ শান্তি প্ৰচেষ্টাক সমৰ্থন কৰে । তেওঁ কয়, ‘ভাৰতে ইউক্ৰেইনৰ সৈতে জড়িত সকলো সিদ্ধান্তত ইউক্ৰেইনৰ অংশগ্ৰহণ বাধ্যতামূলক বুলি একমত । ইয়াৰ অবিহনে যিকোনো চুক্তি অৰ্থহীন হৈ পৰিব আৰু কোনো ফল পোৱা নাযাব । ইউক্ৰেইনৰ ৰাষ্ট্ৰপতিগৰাকীয়ে কয় যে ভাৰতৰ প্ৰধানমন্ত্ৰীৰ সৈতে ৰাছিয়াৰ বিৰুদ্ধে নিষেধাজ্ঞাৰ বিষয়েও বিতংভাৱে আলোচনা কৰে ।

জেলেনস্কিয়ে কয় যে প্ৰধানমন্ত্ৰী মোদীৰ সৈতে হোৱা আলোচনাত তেওঁ ৰাছিয়াৰ শক্তি, বিশেষকৈ তেল ৰপ্তানিৰ ওপৰত বাধা আৰোপ কৰাৰ প্ৰয়োজনীয়তাৰ ওপৰত গুৰুত্ব আৰোপ কৰিছিল যাতে ৰাছিয়াই যুদ্ধৰ বাবে পুঁজিৰ ক্ষমতা হ্ৰাস কৰিব পাৰে । তেওঁ কয়, ‘ৰাছিয়াক প্ৰভাৱিত কৰিব পৰা প্ৰতিজন নেতাই মস্কোক স্পষ্ট বাৰ্তা দিব লাগে ।’ দুয়োগৰাকী নেতাই ছেপ্টেম্বৰ মাহত ৰাষ্ট্ৰসংঘৰ সাধাৰণ পৰিষদৰ সময়ত ব্যক্তিগত বৈঠক অনুষ্ঠিত কৰিবলৈ সন্মত হয় । জেলেনস্কিয়ে কয় যে তেওঁ প্ৰধানমন্ত্ৰী মোদীক ইউক্ৰেইন ভ্ৰমণলৈ নিমন্ত্ৰণ জনাইছে, ভাৰতৰ প্ৰধানমন্ত্ৰীয়েও তেওঁক ভাৰত ভ্ৰমণলৈ আমন্ত্ৰণ জনাই । এই সন্দৰ্ভত দুয়োজন নেতাই একমত হয় ।

লগতে পঢ়ক : ৰাছিয়া-ইউক্ৰেইন যুদ্ধ সন্দৰ্ভত ভ্লাদিমিৰ পুটিনৰ সৈতে সাক্ষাৎ-আলোচনা কৰিব ট্ৰাম্পে; ১৫ আগষ্টত হ’ব বৈঠক