চন্দ্ৰলৈ মহাকাশচাৰী প্ৰেৰণৰ পৰিকল্পনা ২০২৭ চনলৈ পিছুৱাই দিয়া হৈছে।নাছাই পুনৰবাৰ কাৰিকৰী সমস্যাৰ উদ্ধৃতি দি পুনৰ চন্দ্ৰলৈ মানৱ নিয়াৰ লক্ষ্যৰে দুটা ফ্লেগশ্বিপ প্ৰজেক্টত বিলম্ব ঘটালে। সংস্থাটোৰ আৰ্টেমিছ দ্বিতীয় আৰু তৃতীয় অভিযান এতিয়া ক্ৰমে অহা বছৰ আৰু পিছৰ বছৰত অনুষ্ঠিত হোৱাৰ সম্ভাৱনা আছে, যিটো প্ৰথমতে পৰিকল্পনা কৰাতকৈ প্ৰায় দুবছৰ পিছত।
২০১৭ চনত আৰম্ভ হোৱা এই আৰ্টেমিছ মিছনৰ নামকৰণ কৰা হৈছিল এপ’ল’ৰ যমজ ভগ্নী গ্ৰীক চন্দ্ৰ দেৱীৰ নামেৰে। ১৯৬৯ চনত প্ৰথমজন পুৰুষক চন্দ্ৰত স্থান দিয়াৰ বাবে কৰা ঐতিহাসিক প্ৰচেষ্টাৰ প্ৰতি শ্ৰদ্ধাঞ্জলি জনাই সংস্থাটোৱে এই নামটো ব্যৱহাৰ কৰিবলৈ বাছি লৈছিল, কিয়নো শেহতীয়া প্ৰকল্পটোৱে প্ৰথমগৰাকী মহিলাক চন্দ্ৰপৃষ্ঠত স্থান দিয়াৰ লক্ষ্য লৈছে।
আৰ্টেমিছ কাৰ্যসূচীত আংশিকভাৱে পুনৰ ব্যৱহাৰযোগ্য অৰিয়ান মহাকাশযান – আমেৰিকা যুক্তৰাষ্ট্ৰৰ লকহিড মাৰ্টিন আৰু ইউৰোপীয় এয়াৰবাছে উৎপাদন কৰাৰ লগতে আমেৰিকাত নিৰ্মিত মহাকাশ উৎক্ষেপণ ব্যৱস্থা (এছএলএছ)ৰকেট ব্যৱহাৰ কৰা হ’ব।আমেৰিকাৰ মহাকাশ সংস্থাটোৱে বৃহস্পতিবাৰে কয় যে তেওঁলোকে “চন্দ্ৰত পুনৰ অৱতৰণ কৰাৰ লক্ষ্যত উপনীত হোৱাৰ সময়ত আমাৰ মহাকাশচাৰীসকলে কিমান বিপদৰ সন্মুখীন হ’ব সেয়া বুজিবলৈ ব্যাপক পৰীক্ষা কৰিছে।” ইয়াত লগতে কোৱা হৈছে যে পৰীক্ষাত অৰিয়ান হিট-শ্বিল্ডৰ সমস্যাৰ মূল কাৰণ চিনাক্ত কৰা হৈছে।
নাছাৰ মতে, আৰ্টেমিছ দ্বিতীয় অভিযান এতিয়া ২০২৬ চনৰ এপ্ৰিল মাহত অনুষ্ঠিত হ’ব, আনহাতে আৰ্টেমিছ তৃতীয় অভিযান অতি সোনকালে ২০২৭ চনৰ মাজভাগত হ’ব বুলি আশা কৰা হৈছে।
