জম্মু-কাশ্মীৰৰ পেহেলগামত সংঘটিত সন্ত্ৰাসবাদী আক্ৰমণৰ পিছত ভাৰতীয় বায়ুসেনাৰ গৰুড় কামাণ্ডো ইউনিটে পুনৰবাৰ শিৰোনাম দখল কৰিছে।
এইটো সেইটো স্পেচিয়েল যোদ্ধা, যাক দেশৰ আটাইতকৈ বিপজ্জনক অভিযানৰ বাবে সাজু কৰা হয়।সন্ত্ৰাসবাদ হওক বা প্ৰাকৃতিক দুৰ্যোগ প্ৰতিটো ফ্ৰণ্টত গৰুড় কামাণ্ডো দৃঢ়তাৰে থিয় দিয়ে।
এই গৰুড় কামাণ্ডো কি, কেনেকৈ নিযুক্তি লোৱা হয় আৰু কেনেদৰে লয় প্ৰশিক্ষণ জানো আহক।
২০০৪ চনৰ ছেপ্টেম্বৰ মাহত গৰুড় কামাণ্ডো বাহিনী স্থাপন কৰা হৈছিল।ইয়াৰ উদ্দেশ্য আছিল বায়ুসেনাৰ সম্পত্তি সুৰক্ষিত কৰা, বিশেষকৈ যেতিয়া কাশ্মীৰ উপত্যকাত বায়ুসেনাৰ ঘাটিত আক্ৰমণৰ ঘটনা বৃদ্ধি পাইছিল।
এই শক্তি কেৱল যুদ্ধৰ বাবে নহয়, প্ৰতিৰক্ষাৰ,নিৰাপত্তা আৰু চোৰাংচোৱাৰ দৰে অভিযানতো তেওঁলোকক মাষ্টাৰ বুলি গণ্য কৰা হয়।
কেনেকৈ নিযুক্তি দিয়া হয় গৰুড় কামাণ্ডো?
নন-কমিচনেড পদ (এয়াৰমেন)ৰ বাবে বাছনি আৰম্ভ হয় বায়ুসেনাৰ সাধাৰণ নিযুক্তি প্ৰক্ৰিয়াৰ পৰা। ইয়াৰ ভিতৰত শাৰীৰিক পৰীক্ষা, সাক্ষাৎকাৰ আৰু মানসিক পৰীক্ষা আদি অন্তৰ্ভুক্ত।
এবাৰ বিফল হ’লে দ্বিতীয়বাৰৰ বাবে ইয়াত সুযোগ নাপায়। কমিচন অফিচাৰ হ’বলৈ হ’লে পৰীক্ষাৰ্থীয়ে এএফচিএটি পৰীক্ষাত উত্তীৰ্ণ হ’ব লাগিব।
ইয়াৰ পিছত তেওঁলোকক হায়দৰাবাদৰ এয়াৰ ফৰ্চ একাডেমীত বিশেষ প্ৰশিক্ষণ দিয়া হয়।এই প্ৰক্ৰিয়াই নেতৃত্বৰ ক্ষমতা আৰু কৌশলগত চিন্তাধাৰাক শক্তিশালী কৰে।
কেনেদৰে হয় গৰুড় কামাণ্ডোৰ প্ৰশিক্ষণ
গৰুড় কামাণ্ডোৰ প্ৰশিক্ষণ অত্যন্ত কঠিন।ইয়াৰ ভিতৰত শাৰীৰিক সহনশীলতা, মানসিক শক্তি, অস্ত্ৰ পৰিচালনা, স্কাই ড্ৰাইভিং, জংঘল যুদ্ধ আৰু নগৰীয়া অভিযানৰ দৰে কেইবাটাও মডিউল অন্তৰ্ভুক্ত কৰা হৈছে।
এই প্ৰশিক্ষণ মাহৰ পিছত মাহ ধৰি চলি থাকে আৰু সেই সকল হে সফল হয়, যি প্ৰতিটো পৰিস্থিতিত মানসিক আৰু শাৰীৰিকভাৱে সুস্থিৰ হৈ থাকে।
