চাঞ্চল্যকৰ ; চলন্ত ট্ৰাকৰ পৰা পৰি মৃত্যু সহ-চালকৰ

কাছাৰৰ দিগৰখালত এক চাঞ্চল্যকৰ ঘটনা সংঘটিত হৈছে। এখন চলন্ত ট্ৰাকৰ পৰা পৰি মৃত্যু সহ-চালকৰ ৷মৃত সহ- চালকৰ নাম জছিম উদ্দিন ৷দিগৰখালত নিৰ্মীয়মান টোলগেটৰ সম্মুখত সংঘটিত হৈছে ঘটনাটো ৷

জানিব পৰা মতে মেঘালয়ৰ পৰা বৰাক অভিমুখী NL01 AH 1159 নম্বৰৰ এখন ট্ৰাক দ্ৰুত গতিত আহি থকাৰ সময়তে টোলগেটৰ সম্মুখত হঠাৎ চলন্ত ট্ৰাকখনৰ পৰা তলত বাগৰি পৰে সহচালকক জছিম উদ্দিন ৷

ঘটনাত থিতাতেই মৃত্যু হয় জছিমৰ ৷জছিমৰ ঘৰ কাটিগড়া জালালপুৰৰ ৰংপুৰত বুলি জানিব পৰা গৈছে ৷ঘটনাৰ পাছত ট্ৰাক এৰি পলায়ন কৰে চালকে ৷

কিন্তু চলন্ত ট্ৰাকখনৰ পৰা জছিম কেনেকৈ তলত পৰিবলৈ পালে তাক লৈ এতিয়া ৰহস্যৰ সৃষ্টি হৈছে। আৰক্ষীয়ে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে SMCH ত প্ৰেৰণ কৰিছে ৷