ৰাছিয়া আৰু ইউক্ৰেইনৰ মাজত যুদ্ধ চলি আছে। দুয়োখন দেশে ইসিনে সিখনৰ ওপৰত নিৰন্তৰ আক্ৰমণ চলাই আছে।
ইফালে, ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিয়ে কয় যে তেওঁ বুধবাৰে আমেৰিকাৰ ৰাষ্ট্ৰপতি ডনাল্ড ট্ৰাম্পৰ সৈতে কথা পাতিবলৈ পৰিকল্পনা কৰিছে।
ট্ৰাম্প আৰু জেলেনস্কিয়ে যুদ্ধবিৰতিৰ চুক্তিকে ধৰি কেইবাটাও গুৰুত্বপূৰ্ণ বিষয় আলোচনা কৰিব বুলি আশা কৰা হৈছে।
ইয়াৰ পূৰ্বে ক্ৰেমলিনে কৈছিল যে ৰাছিয়াৰ ৰাষ্ট্ৰপতি ভ্লাদিমিৰ পুটিনে আমেৰিকা যুক্তৰাষ্ট্ৰৰ ৰাষ্ট্ৰপতি ডনাল্ড ট্ৰাম্পৰ প্ৰস্তাৱত সন্মত হৈছিল।
যিয়ে ৰাছিয়া আৰু ইউক্ৰেইনক ৩০ দিনৰ বাবে ইজনে সিজনৰ শক্তি আন্তঃগাঁথনিৰ ওপৰত আক্ৰমণ বন্ধ কৰিবলৈ আহ্বান জনাইছিল।
ক্ৰেমলিনে এক বিবৃতি জাৰি কৰি কয় যে ৰাছিয়া-ইউক্ৰেইন যুদ্ধ সন্দৰ্ভত দুয়োজন নেতাই ফোনযোগে বিতং আলোচনা কৰিছিল।
