ড’নাল্ড ট্ৰাম্পৰ ডাঙৰ মন্তব্য

ভাৰত আৰু আমেৰিকাৰ মাজত হোৱা বাণিজ্যিক চুক্তি আৰু শুল্কক লৈ চৌদিশে হাহাকাৰ হৈছে।আমেৰিকাৰ ৰাষ্ট্ৰপতি ড’নাল্ড ট্ৰাম্পে সেই প্ৰতিবেদনসমূহক আদৰণি জনাইছে,য’ত কোৱা হৈছে যে ভাৰতে সম্ভৱতঃ ৰাছিয়াৰ পৰা খাৰুৱা তেল ক্ৰয় কৰা বন্ধ কৰিব পাৰে।

যেতিয়া ট্ৰাম্পক সোধা হৈছিল যে তেওঁ ভাৰতৰ ওপৰত কোনো ধৰণৰ জৰিমনা বা প্ৰধানমন্ত্ৰী নৰেন্দ্ৰ মোদীৰ সৈতে কথা পাতিবৰ বাবে কিবা পৰিকল্পনা কৰিছে নেকি? ইয়াৰ উত্তৰত ট্ৰাম্পে কয় যে মই শুনিছো যে ভাৰতে আৰু ৰাছিয়াৰ পৰা তেল ক্ৰয় নকৰে।

আমেৰিকাৰ ৰাষ্ট্ৰপতি ড’নাল্ড ট্ৰাম্পে কয় যে, “মোৰ লাগিছে যে ভাৰতে এতিয়া আৰু ৰাছিয়াৰ পৰা তেল ক্ৰয় নকৰে।মই এইটোৱে শুনিছো, মই নাজানো যে এইটো শুদ্ধ নে ভুল। এইটো ভাল পদক্ষেপ। আমি চাম কি হয়”।

ট্ৰাম্পৰ এই মন্তব্য সেই সময়ত আহিছে যেতিয়া আমেৰিকাই ৰাছিয়া-ইউক্ৰেইন যুদ্ধৰ মাজতে ৰাছিয়াৰ পৰা তেল বিক্ৰীৰ পৰা হোৱা আয়ক সীমিত কৰিবলৈ বিশ্বব্যাপী হেঁচা প্ৰয়োগ কৰিছে।

উল্লেখ্য যে, ভাৰত বিশ্বৰ তৃতীয় বৃহত্তম তেল আমদানিকাৰক হয় আৰু পশ্চিমীয়া নিষেধাজ্ঞাৰ পিছত ভাৰতে ২০২২ চনৰ পৰা ৰাছিয়াৰ পৰা ৰেহাই মূল্যত তেল ক্ৰয় কৰি আহিছে।

জানিব পৰা মতে, ভাৰত চৰকাৰৰ তেল কোম্পানীসমূহে বৰ্তমান ৰাছিয়াৰ পৰা তেল ক্ৰয় কৰা বন্ধ কৰি দিছে।ইয়াৰ কাৰণ হ’ল ৰাছিয়াই দিয়া ৰেহাই হ্ৰাস আৰু পঠিওৱাৰ সমস্যা। অৱশ্যে ভাৰত চৰকাৰে এই কথা এতিয়াও আনুষ্ঠানিকভাৱে নিশ্চিত কৰা নাই।

লগতে পঢ়ক: ধৰ্ষণৰ গোচৰত দোষী সাব্যস্ত JDS নেতা তথা প্ৰাক্তন সাংসদ প্ৰজ্বল ৰেভান্না …

ইলন মাস্ক আৰু সকলোৱে আগবাঢ়ি যাওক

বৃহস্পতিবাৰে আমেৰিকাৰ ৰাষ্ট্ৰপতি ড’নাল্ড ট্ৰাম্পে এক বৃহৎ বক্তব্য প্ৰদান কৰে।তেওঁ মাস্কৰ সৈতে হোৱা সকলো বিবাদ অস্বীকাৰ কৰি সেই বাতৰিসমূহ খণ্ডন কৰিছে, য’ত কোৱা হৈছিল যে তেওঁ ইলন মাস্কৰ কোম্পানীবোৰ ধ্বংস কৰিব বিচাৰে।

তেওঁ কয় যে তেওঁ বিচাৰে টেছলাৰ মুখ্য কাৰ্যবাহী বিষয়া (চিইঅ’) গৰাকী “পূৰ্বৰ দৰেই সমৃদ্ধিশালী হওক”। এটা পোষ্টত ট্ৰাম্পে কয় যে তেওঁ সকলো ব্যৱসায়িক প্ৰতিষ্ঠানেই উন্নতি বিচাৰে কাৰণ ইয়াৰ ফলত অৱশেষত দেশখনক উপকৃত হ’ব।

ট্ৰাম্পে কৈছিল যে, “সকলোৱে কৈছে যে মই এলেনৰ কোম্পানীসমূহে আমেৰিকা চৰকাৰৰ পৰা পোৱা বৃহৎ ৰাজসাহায্যৰ কিছুমান, যদি সম্পূৰ্ণ নহয়, তেন্তে কাঢ়ি লৈ ধ্বংস কৰিম।তেনেকুৱা নহয়!”

তেওঁ আৰু কয় যে, “মই বিচাৰো যে এলেন আৰু আমাৰ দেশৰ সকলো ব্যৱসায়, আগৰ তুলনাত অধিক লাভৱান হওক!”

“তেওঁলোকে যিমানেই ভাল কৰিব সিমানেই আমেৰিকাই ভাল কাম কৰিব আৰু এইটো আমাৰ সকলোৰে বাবে ভাল।আমি প্ৰতিদিনে ৰেকৰ্ড বনাই আছো, আৰু মই তেনেকৈয়ে ৰাখিব বিচাৰো!”

স্পেচএক্সৰ প্ৰতিষ্ঠাপকে আমেৰিকাৰ ৰাষ্ট্ৰপতিৰ ‘ৱান বিগ বিউটিফুল বিল’ক সমালোচনা কৰাৰ পিছত ট্ৰাম্প আৰু মাস্কৰ মাজত মতানৈক্য আৰম্ভ হৈছিল।

ইয়াত স্বাস্থ্যসেৱা আৰু খাদ্য কাৰ্যসূচী কৰ্তনৰ প্ৰস্তাৱ দিয়া হৈছিল।এই বিধেয়কখনক সমালোচনা কৰি মাস্কে কৈছিল যে ইয়াৰ দ্বাৰা আমেৰিকাত লাখ লাখ চাকৰি নাইকিয়া হ’ব আৰু ইয়াৰ ফলত উপকাৰতকৈ অধিক ক্ষতি হ’ব।

লগতে পঢ়ক: WWE ৰ কিংবদন্তি হাল্ক হোগানৰ মৃত্যু; ৭১ বছৰ বয়সত শেষ নিশ্বাস ত্যাগ

BRICS ক ধমকি ডনাল্ড ট্ৰাম্পৰ

আমেৰিকাৰ ৰাষ্ট্ৰপতি ডনাল্ড ট্ৰাম্পে শুকুৰবাৰে এটা ঐতিহাসিক পদক্ষেপ গ্ৰহণ কৰি, ‘আমেৰিকাৰ ষ্টেবলকইনৰ বাবে ৰাষ্ট্ৰীয় উদ্ভাৱনক গাইডিং আৰু প্ৰতিষ্ঠা কৰা’ অৰ্থাৎ ‘জিনিয়াছ এক্ট’ত স্বাক্ষৰ কৰি ইয়াক আইনলৈ ৰূপান্তৰিত কৰিলে।

এই আইনখনৰ উদ্দেশ্য হৈছে আমেৰিকাক ডিজিটেল মুদ্ৰাৰ ক্ষেত্ৰত বিশ্বৰ আগশাৰীৰ দেশ হিচাপে গঢ়ি তোলা আৰু বিশ্বৰ বিত্তীয় ব্যৱস্থাত আমেৰিকান ডলাৰৰ আধিপত্য আৰু অধিক শক্তিশালী কৰা।

ট্ৰাম্পে ধেমালিতে কয় যে, ‘এই এক্টৰ নামটো মোৰ নামেৰে ৰখা হৈছে। এইখন সঁচাকৈয়ে এখন আচৰিত আইন!’ এই উপলক্ষে তেওঁ BRICSৰ দেশসমূহক (ব্ৰাজিল, ৰাছিয়া, ভাৰত, চীন, দক্ষিণ আফ্ৰিকা) কঠোৰভাৱে সকীয়াই দিছিল যে ডলাৰৰ শক্তিক প্ৰত্যাহ্বান জনোৱাৰ যিকোনো প্ৰচেষ্টা অসাৰ হ’ব।

GENIUS আইনত স্বাক্ষৰ কৰাৰ সময়ত ট্ৰাম্পে BRICS ৰ দেশসমূহক তীক্ষ্ণ সমালোচনা কৰি কয় যে, ‘ব্ৰিকছ নামৰ এটা সৰু গোট আছে, যিটো দ্ৰুতগতিত দুৰ্বল হৈ আহিছে’।

‘এই দেশসমূহে ডলাৰৰ শক্তি আৰু আধিপত্যক প্ৰত্যাহ্বান জনাবলৈ চেষ্টা কৰিছিল। মই স্পষ্টকৈ ক’লোঁ যে আমি যিকোনো ব্ৰিকছ দেশৰ ওপৰত ১০ শতাংশ শুল্ক আৰোপ কৰিম।ইয়াৰ পিছত পিছদিনা তেওঁলোকৰ সভালৈ প্ৰায় কোনো নাহিল।’

ট্ৰাম্পে আকৌ এবাৰ সেই কথাৰ ভাবুকি দি কয় যে, যদি ব্ৰিকছে ডলাৰ দুৰ্বল কৰাৰ চেষ্টা কৰে, তেন্তে তেওঁলোকৰ মিত্ৰতা অতি সোনকালে শেষ হ’ব।

তেওঁ সকীয়াই দিলে যে, ‘যদি আমি ডলাৰৰ বিশ্বব্যাপী সংৰক্ষিত মুদ্ৰা হিচাপে মৰ্যাদা হেৰুৱাওঁ, তেন্তে বিশ্বযুদ্ধত পৰাস্ত হোৱাৰ দৰে হ’ব।আৰু আমি কেতিয়াও এনেকুৱা হ’বলৈ নিদিওঁ।’

জিনিয়াছ আইনখনৰ লক্ষ্য হৈছে ডলাৰ-পেগ কৰা ষ্টেবলকইনৰ বাবে এক স্পষ্ট আৰু সহজ নিয়ন্ত্ৰণ ফ্ৰেম সৃষ্টি কৰা।ট্ৰাম্পে ইয়াক ইণ্টাৰনেটৰ জন্মৰ পিছত বিত্তীয় প্ৰযুক্তিৰ আটাইতকৈ ডাঙৰ বিপ্লৱ বুলি অভিহিত কৰে।

তেওঁ কয় যে, ‘এই আইনখনে আমেৰিকাক ক্ৰিপ্টো আৰু ডিজিটেল মুদ্ৰাৰ জগতৰ ৰজা কৰি তুলিব।আমি প্ৰতিশ্ৰুতি দিছিলো যে আমেৰিকা ক্ৰিপ্টো ৰাজধানী হ’ব,আৰু আজি আমি সেই প্ৰতিশ্ৰুতি পূৰণ কৰিলোঁ’।

লগতে পঢ়ক: কাইলৈ অনলাইনত হ’ব INDIA মিত্ৰজোঁটৰ অনলাইন বৈঠক; কোন কোন দলে কৰিব অংশগ্ৰহণ

ৰাছিয়াক ভাবুকি ট্ৰাম্পৰ

আমেৰিকাৰ ৰাষ্ট্ৰপতি ড’নাল্ড ট্ৰাম্পে পুটিনক ৫০ দিনৰ ভিতৰত ইউক্ৰেইনৰ যুদ্ধৰ অন্ত পেলাবলৈ কৈছে। ট্ৰাম্পে ভাবুকি দি কৈছে যে যদি যুদ্ধ বন্ধ নকৰে তেতিয়াহলে  ৰাছিয়াৰ ওপৰত ১০০ শতাংশ শুল্ক আৰোপ কৰিব।

ইউক্ৰেইনলৈ অধিক অস্ত্ৰ প্ৰেৰণৰ বাবেও নাটোৰ মিত্ৰ দেশসমূহৰ সৈতে চুক্তিবদ্ধ হোৱাৰ কথা ঘোষণা কৰিছে আমেৰিকাৰ ৰাষ্ট্ৰপতিগৰাকীয়ে।

সোমবাৰে অভাল অফিচত নাটোৰ মহাসচিব মাৰ্ক ৰুটেৰ সৈতে হোৱা বৈঠকৰ সময়ত, এই যুদ্ধৰ অন্ত পেলাবলৈ চুক্তিৰ দিশত অগ্ৰগতি লাভ নকৰাৰ বাবে ৰাছিয়াক লৈ অসন্তুষ্ট বুলি কয় আমেৰিকাৰ ৰাষ্ট্ৰপতিগৰাকীয়ে।

আমেৰিকাই ইউক্ৰেইনক দিব অধিক অস্ত্ৰ

ভাৰত আৰু পাকিস্তান, ৰুৱাণ্ডা আৰু কংগো গণতান্ত্ৰিক গণৰাজ্যৰ মাজত সংঘাতৰ উদ্ধৃতি দি, ট্ৰাম্পে দাবী কৰে যে আমি বাণিজ্যৰ জৰিয়তে যুদ্ধ সমাধান কৰাত অতি সফল হৈছো।

সোমবাৰে হোয়াইট হাউছত এখন বৈঠকৰ সময়ত, ট্ৰাম্পে ইউক্ৰেইনক পেট্ৰিয়াট মিছাইল চিষ্টেমকে ধৰি অস্ত্ৰ প্ৰেৰণৰ পৰিকল্পনাও নিশ্চিত কৰিছে।

ৰাষ্ট্ৰপতিগৰাকীয়ে কয় যে নাটোৰ মিত্ৰ দেশসমূহে আমেৰিকাৰ পৰা কোটি কোটি টকাৰ সামৰিক সঁজুলি ক্ৰয় কৰি ইউক্ৰেইনলৈ প্ৰেৰণ কৰিব।

ট্ৰাম্পে কয় যে, “মই জাৰ্মানী আৰু নাটোৰ বেছিভাগ ডাঙৰ দেশৰ সৈতে কথা পাতিছো আৰু তেওঁলোক ইয়াক লৈ অতিশয় উৎসাহিত”।

লগতে পঢ়ক: ‘তেওঁলোকে কথা ভালকৈ পাতে কিন্তু নিশাৰ আন্ধাৰত বোনা নিক্ষেপ কৰে’; ৰাছিয়াৰ ৰাষ্ট্ৰপতিৰ ওপৰত ক্ষুব্ধ ট্ৰাম্প