পুটিন উভতিল… এতিয়া জেলেনস্কিৰ দিল্লী ভ্ৰমণৰ প্ৰস্তুতি…
পুটিনৰ পিছত এইবাৰ ভাৰতলৈ আহিব ইউক্ৰেইনৰ ৰাষ্ট্ৰপতি জেলেনস্কি ! নতুন বৰ্ষত কৰিব পাৰে ভাৰত ভ্ৰমণ।
ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সফল দিল্লী ভ্ৰমণৰ পিছত ভাৰতে আন এক কূটনৈতিক পদক্ষেপ গ্ৰহণ কৰিছে।ভাৰতে এতিয়া ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিক দিল্লীত আতিথ্য প্ৰদানৰ পৰিকল্পনাত কাম কৰি আছে ।
কূটনৈতিক মহলত ইয়াক ভাৰতৰ বৈদেশিক নীতিত এক ভাৰসাম্য ৰক্ষাৰ কাম বুলি গণ্য কৰা হৈছে।অনুমান কৰা হৈছে যে ২০২৬ চনৰ জানুৱাৰী মাহত জেলেনস্কিয়ে দিল্লী ভ্ৰমণ কৰিব পাৰে,অৱশ্যে এই ভ্ৰমণৰ তাৰিখ এতিয়াও চূড়ান্ত হোৱা নাই ।
ভাৰতে কেইবা সপ্তাহ ধৰি ইউক্ৰেইনৰ ৰাষ্ট্ৰপতিৰ কাৰ্যালয়ৰ সৈতে সংস্পৰ্শত আছে। ৰাষ্ট্ৰপতি পুটিনৰ নতুন দিল্লী ভ্ৰমণৰ আগৰে পৰাই ভাৰতৰ এই প্ৰচেষ্টা অব্যাহত আছে ।
ভাৰত আৰু ইউক্ৰেইনৰ বিষয়াসকলৰ মাজত এই সন্দৰ্ভত কেইবা সপ্তাহ ধৰি আলোচনা চলি আছে,আৰু নতুন দিল্লী পুটিনৰ ভাৰত ভ্ৰমণৰ পূৰ্বেও ইউক্ৰেইনৰ ৰাষ্ট্ৰপতিৰ কাৰ্যালয়ৰ সৈতে যোগাযোগত আছিল ।
ইউক্ৰেইনৰ ৰাষ্ট্ৰপতি গৰাকীৰ এই ভ্ৰমণে ৰাছিয়া-ইউক্ৰেইন যুদ্ধৰ দুয়োপক্ষৰ সৈতে জড়িত হৈ থাকিবলৈ ভাৰতৰ প্ৰচেষ্টাক অধিক শক্তিশালী কৰিব।ভাৰতে কেইবামাহো ধৰি এই নীতি পালন কৰি আহিছে ।
এই কাৰণেই ২০২৪ চনৰ জুলাই মাহত যেতিয়া প্ৰধানমন্ত্ৰী নৰেন্দ্ৰ মোদীয়ে মস্কোলৈ গৈ পুটিনক সাক্ষাৎ কৰিছিল,আনহাতে , ইয়াৰ মাত্ৰ এমাহৰ পাছত আগষ্ট মাহত প্ৰধানমন্ত্ৰী মোদীয়ে ইউক্ৰেইন ভ্ৰমণ কৰিছিল।
ইউক্ৰেইনৰ ৰাষ্ট্ৰপতি জেলেনস্কিৰ প্ৰস্তাৱিত ভ্ৰমণৰ সময় আৰু পৰিসৰ কেইবাটাও কাৰকৰ ওপৰত নিৰ্ভৰ কৰিব।ইয়াৰ আটাইতকৈ গুৰুত্বপূৰ্ণ কথাটো হ’ল আমেৰিকাৰ ৰাষ্ট্ৰপতি ড’নাল্ড ট্ৰাম্পৰ শান্তি পৰিকল্পনা কেনেকৈ আগবাঢ়ি যায় আৰু যুদ্ধক্ষেত্ৰত কি হয়।
লগতে পঢ়ক: ভাৰতৰ বুকুৱেদি বোৱাই দিয়া হ’ব ৰাছিয়াৰ তেল