ভাৰতীয় ক্ৰিকেট দলৰ অন্যতম বৃহৎ মেচ বিজয়ী ভাৰতীয় প্ৰাক্তন অল ৰাউণ্ডাৰ যুৱৰাজ সিঙে আজি ৪৩ সংখ্যক জন্মদিন উদযাপন কৰিছে । বিধ্বংসী বেটিঙেৰে কিংবদন্তি বলাৰকো নিৰ্দয় প্ৰহাৰ কৰা যুৱৰাজে এনে বহু অভিলেখ গঢ়িছিল, যিবোৰ ক্ৰিকেট জগতে সদায় মনত ৰাখিব । খেলুৱৈগৰাকীৰ জন্মদিনত ৫টা এনে ৰেকৰ্ডৰ বিষয়ে জানক…
এটা অভাৰত ৬টা ছয় কোবোৱা প্ৰথমজন বেটছমেন-
যেতিয়াই এটা অভাৰত ৬টা ছয় কোবোৱা বেটছমেনৰ কথা আহে, তেতিয়াই যুৱৰাজ সিঙৰ কথা উল্লেখ কৰা হ’ব । ২০০৭ চনৰ টি-২০ বিশ্বকাপৰ সময়ত ইংৰাজ পেচাৰ ষ্টুৱাৰ্ট ব্ৰডৰ বিৰুদ্ধে ৬টা ছয় কোবোৱা যুৱৰাজে ৰেকৰ্ড বুকত নিজৰ নাম পঞ্জীয়ন কৰে । মেচখনত যুৱৰাজৰ জুই জ্বলি উঠিছিল আৰু এণ্ড্ৰু ফ্লিনটফৰ সৈতে হোৱা বাকযুদ্ধই তেওঁৰ উগ্ৰ ফৰ্ম প্ৰদৰ্শনত ডাঙৰ ভূমিকা পালন কৰিছিল ।
দ্ৰুততম অৰ্ধশতকৰ অভিলেখ-
২০০৭ চনৰ টি-২০ বিশ্বকাপত ইংলেণ্ডৰ বিৰুদ্ধে খেলা মেচখনত যুৱৰাজে মাত্ৰ ১২টা বলত অৰ্ধশতক অৰ্জন কৰিছিল, যিটো টি-২০ বিশ্বকাপৰ বেটছমেনৰ সৰ্বাধিক দ্ৰুততম অৰ্ধশতক । তাৰ পাছত ১৫ বছৰ পাৰ হৈ গ’ল কিন্তু আন্তঃৰাষ্ট্ৰীয় পৰ্যায়ত এই অভিলেখ এতিয়াও ভংগ হোৱা নাই ।
অধিকাংশ এদিনীয়া শতক-
নিম্ন ক্ৰমত বেটিং কৰাৰ বাবে পৰিচিত সেই বেটছমেনসকলৰ ভিতৰত যুৱৰাজ সিং অন্যতম । তথাপিও তেওঁৰ আক্ৰমণাত্মক স্থিতি আৰু খেলৰ শৈলীৰ বাবে বেটৰ সৈতে অবিশ্বাস্য অৱদান আগবঢ়োৱাত সদায় আগবাঢ়ি আছিল । ৫ নম্বৰত বেটিং কৰি যুৱৰাজে ৭টা আন্তঃৰাষ্ট্ৰীয় শতক আৰু সমগ্ৰ কেৰিয়াৰত ১৫০ ৰানৰ সৰ্বোত্তম স্ক’ৰেৰে টিম ইণ্ডিয়াৰ হৈ ১৭টা শতক অৰ্জন কৰে । ৫ নম্বৰত বেটিং কৰি সৰ্বাধিক আন্তঃৰাষ্ট্ৰীয় শতক অৰ্জন কৰাৰ অভিলেখ যুৱৰাজ সিঙৰ নামত আছে ।
আই পি এলৰ এটা ছিজনত সৰ্বাধিক হেট্ৰিক-
আই পি এলৰ এটা ছিজনত সৰ্বাধিক হেট্ৰিক লোৱাৰ অভিলেখ আছে যুৱৰাজ সিঙৰ নামত । ২০১২ চনত পুনেলৈ অহাৰ পূৰ্বে যুৱৰাজ আই পি এলৰ প্ৰাৰম্ভিক পৰ্যায়ত পঞ্জাৱ ফ্ৰেঞ্চাইজিৰ অংশ আছিল । ২০০৯ চনৰ আই পি এলৰ সময়ত একেটা ছিজনতে দুটা হেট্ৰিক কৰা কিংবদন্তিগৰাকী মাৰাত্মক ফৰ্মত আছিল । ইয়াৰ লগে লগে তেওঁ হৈ পৰে আই পি এলৰ ছিজনত সৰ্বাধিক দুটা হেট্ৰিক অৰ্জন কৰা ক্ৰিকেটাৰ । তেওঁৰ এই অভিলেখ আজিও অটুট হৈ আছে ।
৩টা আই চি চি ইভেণ্টত প্লেয়াৰ অৱ দ্য মেচ লাভ কৰা প্ৰথমজন খেলুৱৈ-
বিশ্ব টেষ্ট চেম্পিয়নশ্বিপ আৰম্ভ হোৱাৰ পূৰ্বে আন্তঃৰাষ্ট্ৰীয় ক্ৰিকেটত আই চি চিৰ তিনিটা ইভেণ্ট আছিল । তিনিওটা ইভেণ্টৰ নকআউট খেলত যুৱৰাজ সিঙে এক উৎকৃষ্ট অভিলেখ গঢ়ি তুলিছিল । তেওঁ চেম্পিয়নছ ট্ৰফী, ৫০ অভাৰৰ বিশ্বকাপ আৰু টি-২০ বিশ্বকাপ নকআউটত প্লেয়াৰ অৱ দ্য মেচৰ বঁটা লাভ কৰে । তিনিওটা আই চি চিৰ ইভেণ্টৰ নকআউটত এই বঁটা লাভ কৰা প্ৰথম খেলুৱৈ হিচাপে পৰিগণিত হয় যুৱৰাজ ।
