‘ না সন্মান পালো না সমৰ্থন…’; যুৱৰাজ সিঙে প্ৰকাশ কৰিলে ক্ৰিকেট এৰাৰ প্ৰকৃত কাৰণ
বহু বছৰ পিছত ক্ৰিকেটৰ পৰা অৱসৰ লোৱাৰ আঁৰৰ কাৰণ উদঙালে যুৱৰাজ সিঙে। ক’লে কৰ্কট ৰোগৰ পিছত অহা সমস্যাৰ কথা।
যুৱৰাজ সিঙক ভাৰতৰ মহান অলৰাউণ্ডাৰৰ ভিতৰত গণ্য কৰা হয়। যুৱৰাজ সিঙে নিজৰ উজ্জ্বল প্ৰদৰ্শনেৰে বহুবাৰ টিম ইণ্ডিয়াক জয়ৰ সোৱাদ দিছিল।
কিন্তু এই যুৱৰাজ সিঙে ২০১৯ চনৰ জুন মাহত এদিনীয়া বিশ্বকাপৰ মাজতে অৱসৰৰ কথা ঘোষণা কৰিছিল আৰু অৱসৰৰ বহু বছৰৰ পাছত এতিয়া তেওঁ নিজৰ সিদ্ধান্তৰ আঁৰৰ কাৰণৰ পৰা পৰ্দা আতৰাইছে।
যুৱৰাজে কয় যে তেওঁ সেই সময়ত নিজকে বিচ্ছিন্ন অনুভৱ কৰিছিল। যুৱৰাজ সিঙে অনুভৱ কৰিছিল যে তেওঁৰ খেলক কোনেও সন্মান কৰা নাই।
২০১৯ চনত আই পি এল আৰু আন্তঃৰাষ্ট্ৰীয় ক্ৰিকেট দুয়োটাৰে পৰা যুৱৰাজ সিঙে অৱসৰ গ্ৰহণ কৰিছিল।২০১৭ চনৰ চেম্পিয়নছ ট্ৰফীত খেলিছিল যদিও পৰৱৰ্তী সময়ত তেওঁক বাদ দিয়া হৈছিল।
এটা সাক্ষাৎকাৰ যুৱৰাজ সিঙে কয় যে, “সঁচা কথা ক’বলৈ গ’লে সেই সময়ত মোৰ খেল উপভোগ কৰা নাছিলোঁ। মই নিজকে সুধিলোঁ যে মই কিয় খেলি আছো।তেতিয়া মই না কাৰোৰে পৰা সমৰ্থন পাইছিলো না সন্মান”।
” তেতিয়া ভাবিলোঁ যেতিয়া মই আগবাঢ়িব পৰা নাই তেনেহলে নিজকে কিয় জোৰ কৰিম।আনহাতে এই খেলখনে মোক বহুত দিছে।যিটো কাম কৰি আনন্দ পোৱা নাই সেইটোত কিয় লাগি থাকো”।
“মই কিয় খেলিব লাগে। মই কি প্ৰমাণ কৰিব লাগিব? মই শাৰীৰিক আৰু মানসিকভাৱে ইয়াতকৈ বেছি কৰিব নোৱাৰো।এই কথাত মোৰ অশান্তি লাগিছিল। আৰু যিদিনা মই ৰৈ দিলোঁ, সেইদিনা মই নিজকে অনুভৱ কৰিবলৈ ধৰিলোঁ”।
যুৱৰাজ সিঙে কয় যে যেতিয়া তেওঁ অনুভৱ কৰিছিল যে সেয়া আৰু সম্ভৱ নহয়, তেতিয়াই তেওঁ ক্ৰিকেটৰ পৰা অৱসৰ লোৱাৰ সিদ্ধান্ত লৈছিল।
ক্ৰিকেটৰ পিছত গলফ খেলাৰ অভিজ্ঞতা শ্বেয়াৰ কৰি যুৱৰাজে কয় যে এই খেল তেওঁৰ বাবে স্বাধীনতাৰ দৰে।যিটো তেওঁ কেৱল নিজৰ বাবে খেলে।
লগতে পঢ়ক: টি-২০ বিশ্বকাপৰ পূৰ্বে মেচ ফিক্সিং ; এৰন জ’নছক নিষিদ্ধ ICC ৰ