নেপালৰ প্ৰধানমন্ত্ৰী সুশিলা কাৰ্কিৰ সৈতে বাৰ্তালাপ প্ৰধানমন্ত্ৰী মোদীৰ
বৃহস্পতিবাৰে নেপালৰ প্ৰধানমন্ত্ৰী সুশীলা কাৰ্কিৰ সৈতে বাৰ্তালাপ কৰে প্ৰধানমন্ত্ৰী নৰেন্দ্ৰ মোদীয়ে । বাৰ্তালাপৰ সময়ত প্ৰধানমন্ত্ৰী মোদীয়ে শান্তি আৰু স্থিতিশীলতা ঘূৰাই অনাৰ প্ৰচেষ্টাত ভাৰতৰ অটল সমৰ্থন পুনৰ দৃঢ়তাৰে প্ৰকাশ কৰে ।
সামাজিক মাধ্যমত প্ৰধানমন্ত্ৰী মোদীয়ে কয়, ‘নেপালৰ অন্তৱৰ্তীকালীন চৰকাৰৰ প্ৰধানমন্ত্ৰী সুশিলা কাৰ্কিৰ কথা পাতিলোঁ । শেহতীয়াকৈ হোৱা কৰুণ জীৱনহানিৰ বাবে আন্তৰিক শোক প্ৰকাশ কৰাৰ লগতে শান্তি আৰু স্থিতিশীলতা পুনৰুদ্ধাৰৰ তেওঁলোকৰ প্ৰচেষ্টাক ভাৰতে সমৰ্থন জনাইছো । লগতে কাইলৈ তেওঁলোকৰ ৰাষ্ট্ৰীয় দিৱস উপলক্ষে তেখেত আৰু নেপালৰ জনসাধাৰণলৈ মই আন্তৰিক শুভেচ্ছা জনাইছো ।”
যোৱা সপ্তাহত হিংসাত্মক প্ৰতিবাদে নেপাল কঁপাইছিল, যাৰ ফলত প্ৰধানমন্ত্ৰী কে পি শৰ্মা অলিয়ে পদত্যাগ কৰিবলৈ বাধ্য হৈছিল । জেনেৰেচন জেড বা জেন জেড গোটৰ নেতৃত্বত প্ৰতিবাদকাৰীয়ে ৰাজনৈতিক নেতাৰ ঘৰ, সংসদকে ধৰি গুৰুত্বপূৰ্ণ চৰকাৰী ভৱন, বাণিজ্যিক প্ৰতিষ্ঠান, শ্বপিং কমপ্লেক্স আদিত জুই লগাই দিয়ে । ১২ ছেপ্টেম্বৰত অন্তৱৰ্তীকালীন চৰকাৰৰ প্ৰধানমন্ত্ৰীৰ দায়িত্ব গ্ৰহণ কৰিছিল সুশিলা কাৰ্কীয়ে ।
লগতে পঢ়ক : দিল্লী বিশ্ববিদ্যালয় ছাত্ৰ সংসদৰ নিৰ্বাচন… আজি ২১ জন প্ৰাৰ্থীৰ ভাগ্য নিৰ্ণয় কৰিব ২.৮০ লাখ ছাত্ৰ-ছাত্ৰীয়ে
