য’ত মানুহে নিজৰ জীৱন বিপন্ন কৰি মাউণ্ট এভাৰেষ্টত আৰোহণ কৰে, তাত ধনৰ লোভত পৰিচালিত একাংশ ব্যক্তিয়ে এক বিপদজনক খেল খেলাৰ অভিযোগ উত্থাপন হৈছে

মাউণ্ট এভাৰেষ্ট আৰোহণ কৰিবলৈ যোৱা পৰ্বতাৰোহীৰ সৈতে জড়িত প্ৰৱঞ্চনাৰ এটা ডাঙৰ গোচৰ পোহৰলৈ আহিছে । য’ত মানুহে নিজৰ জীৱন বিপন্ন কৰি মাউণ্ট এভাৰেষ্টত আৰোহণ কৰে, তাত ধনৰ লোভত পৰিচালিত একাংশ ব্যক্তিয়ে এক বিপদজনক খেল খেলাৰ অভিযোগ উত্থাপন হৈছে । দুই কোটি ডলাৰৰ বীমা কেলেংকাৰি সংঘটিত কৰিবলৈ পৰ্বতাৰোহীক বিষক্ৰিয়া কৰাৰ অভিযোগ উত্থাপন হৈছে এভাৰেষ্ট শ্বেৰপাৰ বিৰুদ্ধে । বিষক্ৰিয়াৰ উদ্দেশ্য পৰ্বাতাৰোহীক হত্যা কৰা নহয়, বৰঞ্চ ইচ্ছাকৃতভাৱে তেওঁলোকক অসুস্থ কৰি মোটা অংকৰ ধন ঘটাৰ উদ্দেশ্য আছিল ।

কাঠমাণ্ডু পোষ্টত প্ৰকাশিত এক প্ৰতিবেদন অনুসৰি এই বিষয়ত নেপাল আৰক্ষীয়ে কেৱল এজন বা দুজন নহয়, ৩২জন লোকৰ বিৰুদ্ধে গোচৰ ৰুজু কৰিছে । ইয়াৰ ভিতৰত ট্ৰেকিং কোম্পানী, হেলিকপ্টাৰ অপাৰেটৰ, চিকিৎসালয়ৰ জ্যেষ্ঠ বিষয়া আদিও অন্তৰ্ভুক্ত আছে । এই আটাইকেইজনৰ বিৰুদ্ধে সংগঠিত অপৰাধ আৰু জালিয়াতিৰ অভিযোগ উত্থাপন হৈছে ।

তদন্তত যিখিনি পোহৰলৈ আহিছে সেয়া ভয়ংকৰ । তদন্তকাৰী বিষয়াসকলে প্ৰকাশ কৰে যে ট্ৰেকিং এজেন্সীৰ সৈতে কাম কৰা একাংশ শ্বেৰপাই পৰ্তাৰোহীৰ খাদ্যত গোপনে বেকিং চ’ডা মিহলাইছিল । অত্যধিক পৰিমাণৰ বেকিং চ’ডা খালে পৰ্বতাৰোহীসকল অসুস্থ হৈ পৰিব, যাৰ ফলত পেটৰ তীব্ৰ বিষ আৰু বমি হ’ব । এই লক্ষণসমূহ অতিশয় উচ্চতাত দেখা দিয়া ৰোগ বা খাদ্যৰ বিষক্ৰিয়াৰ দৰেই হয় ।

যেতিয়া এজন পৰ্বতাৰোহী অসুস্থ হৈ পৰে তেতিয়া তেওঁলোকক তৎক্ষণাত জৰুৰীকালীন হেলিকপ্টাৰেৰে তললৈ নামিবলৈ হেঁচা প্ৰয়োগ কৰা হয় । পাহাৰত হেলিকপ্টাৰ ভাড়া বহু বেছি হয় । পৰ্বতাৰোহীসকল নিজৰ জীৱন ৰক্ষাৰ বাবে তললৈ নামিবলৈ ইচ্ছুক হ’লেও ইয়াৰ আচল উদ্দেশ্য আছিল আন্তঃৰাষ্ট্ৰীয় বীমা কোম্পানীসমূহৰ পৰা ধন আদায় কৰা । এই ব্যক্তিসকলে ভুৱা হেলিকপ্টাৰ আৰু চিকিৎসালয়ৰ বিল আৰু চিকিৎসাৰ নথি প্ৰস্তুত কৰিছিল, তাৰ পিছত বীমা কোম্পানীসমূহৰ পৰা বৃহৎ পৰিমাণৰ ধন আদায় কৰিছিল । এই ধন শ্বেৰপা, হেলিকপ্টাৰ কোম্পানী, ট্ৰেকিং এজেন্সী আৰু চিকিৎসালয়ৰ মাজত ভাগ কৰা হৈছিল ।

এই কেলেংকাৰী উন্মোচিত হৈছিল জানুৱাৰী মাহত যেতিয়া তিনিটা বৃহৎ উদ্ধাৰ কোম্পানীৰ ছয়জন বিষয়াক গ্ৰেপ্তাৰ কৰা হৈছিল । তদন্তত প্ৰকাশ পাইছে যে এটা কোম্পানীয়ে চৰম পৰ্যায়লৈ গৈছিল । ইয়াত ১২৪৮টা উদ্ধাৰৰ দাবী কৰা হৈছে, ইয়াৰে ১৭১টা সম্পূৰ্ণ প্ৰৱঞ্চনামূলক । কেৱল এই কোম্পানীটোৱেই সংস্থাটোক এক কোটি ডলাৰৰ ওপৰত প্ৰতাৰণা কৰিছিল । আন এটা কোম্পানীয়েও ৭৫টা ভুৱা উদ্ধাৰৰ ৰিপৰ্ট দি প্ৰায় ৮০ লাখ ডলাৰ দাবী কৰিছিল, আনহাতে তৃতীয়টো কোম্পানীয়ে ১০ লাখ ডলাৰৰ ওপৰৰ ভুৱা দাবী কৰিছিল ।

এই কেলেংকাৰীয়ে নেপালৰ পৰ্যটন খণ্ডক বিশ্বজুৰি বদনামী কৰি তুলিছে । কেইবাটাও বৃহৎ আন্তঃৰাষ্ট্ৰীয় বীমা কোম্পানীয়ে এতিয়া নেপাল ভ্ৰমণ কৰা পৰ্যটকৰ বীমা কৰা বন্ধ কৰি দিছে । ইয়াৰ পূৰ্বেও চৰকাৰে মধ্যভোগীক নিৰ্মূল কৰিবলৈ নিয়ম প্ৰণয়ন কৰিছিল যদিও নেপাল আৰক্ষীৰ বিষয়াসকলে কয় যে যদিহে দোষীৰ বিৰুদ্ধে কঠোৰ ব্যৱস্থা গ্ৰহণ নকৰে এনে কেলেংকাৰীৰ ধাৰাবাহিকতা অব্যাহত থাকিব ।

লগতে পঢ়ক : আমেৰিকাৰ অত্যধুনিক এফ-৩৫ যুদ্ধ বিমান ধ্বংস কৰাৰ দাবী ইৰাণৰ

বলেন্দ্ৰ শ্বাহে শনিবাৰে ভাৰতৰ প্ৰধানমন্ত্ৰী নৰেন্দ্ৰ মোদীক অভিনন্দন বাৰ্তাৰ বাবে ধন্যবাদ জ্ঞাপন কৰে

নেপালৰ নতুন প্ৰধানমন্ত্ৰী বলেন্দ্ৰ শ্বাহে শনিবাৰে ভাৰতৰ প্ৰধানমন্ত্ৰী নৰেন্দ্ৰ মোদীক অভিনন্দন বাৰ্তাৰ বাবে ধন্যবাদ জ্ঞাপন কৰে । প্ৰধানমন্ত্ৰী বলেন্দ্ৰ শ্বাহে দুয়োখন দেশৰ সম্পৰ্কৰ অধিক উন্নতিৰ আশা প্ৰকাশ কৰে । শুকুৰবাৰে প্ৰধানমন্ত্ৰী মোদীয়ে নেপালৰ প্ৰধানমন্ত্ৰী হিচাপে শপত গ্ৰহণ কৰাৰ বাবে বলেন্দ্ৰ শ্বাহক অভিনন্দন জনোৱাৰ লগতে দুয়োখন দেশৰ নাগৰিকৰ সুবিধাৰ্থে দুয়োখন দেশৰ বন্ধুত্বক অধিক উচ্চতালৈ লৈ যোৱাৰ বাবে তেওঁৰ সৈতে কাম কৰাৰ ইচ্ছা প্ৰকাশ কৰে ।

প্ৰধানমন্ত্ৰী মোদীক ধন্যবাদ জনাই নেপালৰ প্ৰধানমন্ত্ৰীৰ কাৰ্যালয়ে কয়, “প্ৰধানমন্ত্ৰী নৰেন্দ্ৰ মোদী, আপোনাৰ সৌজন্যতাসূচক বাক্য আৰু শুভেচ্ছাৰ বাবে ধন্যবাদ । আমাৰ জনসাধাৰণৰ মংগলৰ বাবে আমাৰ সম্পৰ্কৰ বহু দিশ আগুৱাই নিয়াৰ বাবে আপোনাৰ সৈতে কাম কৰিবলৈ আগ্ৰহী ।”

ছ’চিয়েল মিডিয়া প্লেটফৰ্ম এক্সত বলেন্দ্ৰ শ্বাহক অভিনন্দন জনাই প্ৰধানমন্ত্ৰী মোদীয়ে লিখিছে, “নেপালৰ প্ৰধানমন্ত্ৰী হিচাপে শপত গ্ৰহণ কৰাৰ বাবে বলেন্দ্ৰ শ্বাহক বহুত অভিনন্দন । আপোনাৰ এই নিযুক্তিয়ে নেপালৰ জনসাধাৰণে আপোনাৰ নেতৃত্বৰ ওপৰত যি আস্থা ৰাখিছে, সেই আস্থাক প্ৰতিফলিত কৰিছে । আমাৰ দুয়োখন দেশৰ জনসাধাৰণৰ পাৰস্পৰিক লাভৰ বাবে ভাৰত-নেপালৰ বন্ধুত্ব আৰু সহযোগিতাক আৰু অধিক উচ্চতালৈ লৈ যোৱাৰ বাবে আপোনালোকৰ সৈতে ঘনিষ্ঠভাৱে কাম কৰিবলৈ আগ্ৰহী ।”

লগতে পঢ়ক : আমেৰিকা-ইৰাণ-ইজৰাইল সংঘাতত জপিয়াই পৰিল হৌথী, হৰমুজৰ পাছত বন্ধ হ’ব নেকি আন এক জলপথ ?

শুকুৰবাৰে নেপালৰ প্ৰধানমন্ত্ৰী হিচাপে শপত গ্ৰহণ কৰিব ৰাষ্ট্ৰীয় স্বতন্ত্ৰ পাৰ্টিৰ নেতা বলেন্দ্ৰ শ্বাহে

শুকুৰবাৰে নেপালৰ প্ৰধানমন্ত্ৰী হিচাপে শপত গ্ৰহণ কৰিব ৰাষ্ট্ৰীয় স্বতন্ত্ৰ পাৰ্টিৰ নেতা বলেন্দ্ৰ শ্বাহে । ইয়াৰ পূৰ্বে বৃহস্পতিবাৰে অস্থায়ী সংসদ ভৱনত অনুষ্ঠিত এক অনুষ্ঠানত নেপালৰ প্ৰতিনিধি সদনৰ নতুন সদস্যই শপত গ্ৰহণ কৰে ।

প্ৰতিনিধি সদনৰ জ্যেষ্ঠ সদস্য অৰ্জুন নৰসিং কেচিয়ে সাংসদসকলক শপত গ্ৰহণ কৰে । ৬৩জন সাংসদে নেপালী ভাষাৰ বাহিৰেও নিজৰ মাতৃভাষাত শপত গ্ৰহণ কৰে । ইফালে ফেডাৰেল পাৰ্লিয়ামেণ্টৰ সচিবালয়ে দলসমূহৰ আসনৰ সংখ্যাৰ ওপৰত ভিত্তি কৰি আসনৰ ব্যৱস্থা কৰে । এই ব্যৱস্থাৰ অধীনত নেপালী কংগ্ৰেছ, নেপাল কমিউনিষ্ট পাৰ্টি (ইউএমএল) আৰু নেপাল কমিউনিষ্ট পাৰ্টি (এনচিপি)ৰ সাংসদসকলক একে শাৰীত বহিবলৈ দিয়া হৈছিল, য’ত তেওঁলোকে শপত গ্ৰহণ কৰিছিল । শপত ল’বলৈ বিভিন্ন পৰম্পৰাগত সাজ-পোছাক পৰিধান কৰি সিংহ দৰবাৰত উপস্থিত হয় সাংসদসকল ।

ৰাষ্ট্ৰীয় স্বতন্ত্ৰ পাৰ্টিৰ কেন্দ্ৰীয় সমিতিয়ে সৰ্বসন্মতিক্ৰমে সংসদীয় দল গঠনৰ প্ৰস্তাৱ গৃহীত কৰিছে । দলৰ মুখপাত্ৰ তথা সাংসদ মনীষ ঝাই জনোৱা মতে চলি থকা কেন্দ্ৰীয় সমিতিৰ বৈঠকতো বলেন্দ্ৰ শ্বাহক সংসদীয় দলৰ নেতা হিচাপে নিৰ্বাচিত কৰাৰ প্ৰস্তাৱ গৃহীত কৰা হৈছে ।

লগতে পঢ়ক : পশ্চিম এছিয়া সংকটঃ আজি মুখ্যমন্ত্ৰীসকলৰ সৈতে বৈঠকত মিলিত হ’ব প্ৰধানমন্ত্ৰী মোদী