নেপালত বলেন্দ্ৰ শ্বাহৰ নেতৃত্বত দুই তৃতীয়াংশ সংখ্যাগৰিষ্ঠতাৰ চৰকাৰ গঠন হোৱা একমাহ নহৌওতেই সমগ্ৰ দেশতে প্ৰতিবাদৰ সূত্ৰপাত হৈছে।
বলেন্দ্ৰ শ্বাহ চৰকাৰৰ নীতিগত সিদ্ধান্তৰ বিৰুদ্ধে নেপালত জনসাধাৰণৰ ক্ষোভৰ ব্যাপক জোৱাৰ উঠিছে।কাঠমাণ্ডুৰ ৰাজপথৰ পৰা ক্ষমতাৰ কেন্দ্ৰ সিংদুৰবৰলৈ প্ৰতিবাদৰ শ্লোগান শুনা গৈছে। হাজাৰ হাজাৰ বিদ্যালয়ৰ ছাত্ৰ-ছাত্ৰীয়ে ইউনিফৰ্ম পিন্ধি ৰাজপথলৈ ওলাই আহি প্ৰতিবাদ সাব্যস্ত কৰিছে। ছাত্ৰ সংগঠনসমূহে চৰকাৰৰ ওপৰত আলোচনাত লিপ্ত হোৱাৰ পৰিৱৰ্তে দমনমূলক স্থিতি গ্ৰহণ কৰা আৰু ছাত্ৰ সন্থাক বৰ্খাস্ত কৰাৰ সন্দৰ্ভত অভিযোগ উত্থাপন হৈছে।
ইয়াৰ ওপৰি ভাৰতৰ পৰা অনা ১০০ টকাতকৈ অধিক মূল্যৰ সামগ্ৰীৰ ওপৰত বাধ্যতামূলক শুল্ক শুল্ক আৰোপ কৰাৰ সিদ্ধান্তই সীমান্ত অঞ্চলৰ ৰাইজৰ মাজত ব্যাপক ক্ষোভৰ সৃষ্টি হৈছে।প্ৰতিবাদকাৰীসকলে কয় যে এই নীতি সাধাৰণ জনতাৰ ওপৰত অপ্ৰয়োজনীয় আৰ্থিক বোজা।
গৃহমন্ত্ৰী চুডান গুৰুংও এই প্ৰতিবাদৰ এক প্ৰধান কেন্দ্ৰবিন্দু।তেওঁৰ অবৈধ সম্পত্তি আৰু সন্দেহজনক ব্যৱসায়িক লেনদেনক লৈও পদত্যাগৰ দাবী তীব্ৰতৰ হৈ পৰিছে।ৰাজনৈতিক দল আৰু অসামৰিক গোটসমূহে দাবী কৰে যে চৰকাৰে জনবিৰোধী নীতি জাপি দিছে। অব্যাহত থকা প্ৰতিবাদৰ মাজতে গৃহমন্ত্ৰী চুডান গুৰুঙৰ বিৰুদ্ধে দুৰ্নীতিৰ গুৰুতৰ অভিযোগ উত্থাপন হৈছে।গৃহমন্ত্ৰী গৰাকীৰ ওপৰত আয়তকৈ বেছি সম্পত্তি আৰু শ্বেয়াৰ বজাৰত মধ্যস্থতাকাৰীৰ সৈতে মিলি সন্দেহজনক ব্যৱসায় কৰাৰো অভিযোগ উত্থাপন কৰা হৈছে।
