কোনো কাৰণ নোহোৱাকৈ শ্বাহৰুখ খানক কিং খান বুলি কোৱা নহয় । শ্বাহৰুখ খান কেৱল বলীউডত তেওঁৰ ৰাজত্ব আৰু উপাৰ্জনৰ ক্ষেত্ৰতে নহয় কৰ পৰিশোধৰ ক্ষেত্ৰতো শীৰ্ষস্থানত আছে । যদি আমি কৰ পৰিশোধৰ বাবে দেশৰ শীৰ্ষ পাঁচজন ব্যক্তিলৈ চাওঁ, শ্বাহৰুখ খানৰ নাম প্ৰথমে আহে ।
শ্বাহৰুখ খান শীৰ্ষ কৰদাতা-
২০২৩-২৪ বিত্তীয় বৰ্ষত শ্বাহৰুখ খানে মুঠ ৯২ কোটি টকা কৰ পৰিশোধ কৰিছে, যাৰ ফলত তেওঁ সৰ্বাধিক কৰদাতা হৈ পৰিছে । লক্ষণীয় যে যোৱা বছৰ শ্বাহৰুখৰ তিনিখন ছবি মুক্তি পাইছিল: ‘পাঠান’, ‘জাৱান’, আৰু ‘ডংকী’ । বক্স অফিচত ‘পাঠান’ আৰু ‘জাৱান’এ নতুন অভিলেখ স্থাপন কৰিছিল ।
তামিল চলচ্চিত্ৰ উদ্যোগৰ পৰা আহিছে দ্বিতীয় সৰ্বোচ্চ কৰদাতা অভিনেতা বিজয়-
উপাৰ্জন আৰু কৰ পৰিশোধৰ ক্ষেত্ৰত দ্বিতীয় স্থানত থকা ব্যক্তিজন বলীউডৰ নহয়, তেওঁ হৈছে তামিল চলচ্চিত্ৰ উদ্যোগৰ । আমি G.O.AT অভিনেতা বিজয়ৰ বিষয়ে কথা কৈছো, যিয়ে শেহতীয়াকৈ এটা ৰাজনৈতিক দল প্ৰতিষ্ঠা কৰি চলচ্চিত্ৰ তথা অভিনয়ৰ পৰা আঁতৰি যোৱাৰ ইংগিত দিছে । বিজয়ে প্ৰায় ৮০ কোটি টকা কৰ পৰিশোধ কৰিছে, যাৰ ফলত তেওঁ শ্বাহৰুখ খানৰ পিছত দ্বিতীয় সৰ্বাধিক কৰ পৰিশোধ কৰা চেলিব্ৰিটি হৈ পৰিছে ।
তিনি নম্বৰত বলীউডৰ ভাইজান-
কৰ আদায়ৰ ক্ষেত্ৰত তৃতীয় স্থান লাভ কৰিছে ছলমান খানে, যিয়ে পুনৰবাৰ ‘বিগ বছ’ৰ আয়োজক হৈ মানুহৰ হৃদয়ত জয় কৰিছে । ২০২৩-২০২৪ বিত্তীয় বৰ্ষত ছলমান খানে মুঠ ₹৭৫ কোটি কৰ হিচাপে পৰিশোধ কৰিছিল আৰু এইদৰে কৰদাতাৰ তালিকাত তেওঁ তৃতীয় স্থানত আছিল ।
বিগ বিয়ে লাভ কৰিছে চতুৰ্থ স্থান-
অভিনয়ৰ শ্বাহেনশ্বাহ বুলি পৰিচিত তথা বিগত ২৪ বছৰ ধৰি ‘কৌন বনেগা কৰোড়পতি’ হষ্ট কৰি অহা অমিতাভ বচ্চনে কৰদাতা হিচাপে চতুৰ্থ স্থান লাভ কৰিছে । তেওঁ ছলমান খানতকৈ চাৰি কোটি টকা কম কৰ পৰিশোধ কৰিছিল, অৰ্থাৎ বিগ বিয়ে ৭১ কোটি টকা কৰ পৰিশোধ কৰি শীৰ্ষ ৫-ত তেওঁৰ স্থান নিশ্চিত কৰিছিল ।
শীৰ্ষ ৫ ৰ ভিতৰত পঞ্চম স্থান লাভ ক্ৰিকেটাৰ বিৰাট কোহলীৰ-
ব্যক্তি হিচাপে সৰ্বাধিক কৰদাতাৰ শীৰ্ষ ৫ গৰাকীৰ তালিকাত বলীউডৰ তিনিজন আৰু দক্ষিণৰ এজন অভিনেতা অন্তৰ্ভুক্ত হোৱাৰ বিপৰীতে এজন অ-অভিনেতাই পঞ্চম স্থান লাভ কৰিছে । তেওঁ আন কোনো নহয়, বিখ্যাত ক্ৰিকেটাৰ তথা বলীউডৰ অভিনেত্ৰী অনুষ্কা শৰ্মাৰ স্বামী বিৰাট কোহলী । ৬৬ কোটি টকা কৰ হিচাপে দি তেওঁ এই তালিকাত পঞ্চম স্থান দখল কৰে ।
