ধুবুৰীৰ গোলকগঞ্জত নিশা এক ভয়ংকৰ পথ দুৰ্ঘটনা সংঘটিত হৈছে।মাজ নিশা ধুবুৰীৰ আগমনীৰ গড়েৰহাটত সংঘটিত হৈছে এই ভয়ংকৰ পথ দুৰ্ঘটনাটো।
চাৰি বন্ধুয়ে মটেৰঝাৰৰ পৰা AS-01AE-8360 নম্বৰৰ তীব্ৰ বেগী WEGNER বাহনেৰে পশ্চিম বংগ অভিমুখে গৈ থকাৰ সময়তেই গড়েৰহাট বজাৰত ধুবুৰী অভিমুখে ৰখাই থোৱা এখন আল্ট্ৰা ট্ৰাকত খুন্দা মাৰে।
দুৰ্ঘটনাটোৰ ফলত বাহন চালক সহ তিনিগৰাকীৰ থিতাতে মৃত্যু হয় যদিওঁ এজন গুৰুত্বৰ ভাবে আহত হয়। আহত জনৰ অৱস্থা অতি সংকটজনক হোৱাত ধুবুৰী চিকিৎসা মহাবিদ্যালয়লৈ প্ৰেৰণ কৰে।
ইয়াৰে মৃত চালক জনৰ নাম বিকাশ কলিতা বুলি জানিব পৰা গৈছে। আন তিনিগৰাকীৰ পৰিচয় বৰ্তমানলৈকে লাভ কৰা নাই ।
পিছত ঘটনাস্থলীত আগমনী আৰক্ষী উপস্থিত হৈ স্থানীয় ৰাইজৰ সহযোগত মৃতদেহ কেইটা আগমনী সমূহীয়া স্বাস্থ্য কেন্দ্ৰলৈ লৈ যোৱা হয়।
