২০২৫ বৰ্ষত মুক্তি পাব বহু প্ৰত্যাশিত ৱেব ছিৰিজ, য’ত ড্ৰামা, ছাচপেন্স, থ্ৰিলাৰ, কমেডী আৰু আন বহুতো থাকিব । এই তালিকাত আৰিয়ান খানৰ পৰা মনোজ বাজপেয়ীলৈকে ৱেব চিৰিজ মুক্তি পাব ।
আৰিয়ান খান নিৰ্দেশিত প্ৰথমখন ছবি-
প্ৰথমে বলীউডৰ বাদশ্বাহ শ্বাহৰুখ খানৰ পুত্ৰ আৰিয়ান খানৰ আগন্তুক ৱেব ছিৰিজৰ কথা জানক । সংবাদ মাধ্যমৰ খবৰ অনুসৰি এই ছিৰিজত আৰিয়ানে অভিনয় নকৰে যদিও তেওঁ পৰিচালনা কৰিছে । এই ছিৰিজটো ২০২৫ চনত মুক্তি পাব । এই ছিৰিজটো প্ৰযোজনা কৰিব গৌৰী খানে । শেহতীয়াকৈ নেটফ্লিক্সে ঘোষণা কৰিছে যে ২০২৫ চনত নেটফ্লিক্স আৰু ৰেড চিলিজ এণ্টাৰটেইনমেণ্টে গৌৰী খানৰ দ্বাৰা প্ৰযোজিত আৰু আৰিয়ান খানৰ পৰিচালিত বলীউডৰ এক অনন্য ছিৰিজৰ সৈতে আহি আছে ।
পাতল লোক ছিজন ২-
জয়দীপ আহলাৱত আৰু গুল পানাগ অভিনীত বহু প্ৰত্যাশিত অপৰাধমূলক ড্ৰামা ‘পাতল লোক’ৰ দ্বিতীয় ছিজনো ২০২৫ চনত মুক্তি পাব । শেহতীয়াকৈ প্ৰাইম ভিডিঅ’ই ইয়াৰ পোষ্টাৰ মুকলি কৰি ঘোষণা কৰিছে যে এই ক্ৰাইম ড্ৰামা ১৭ জানুৱাৰীত মুক্তি পাব । ২০২০ চনত মুক্তি পাইছিল ইয়াৰ প্ৰথম ছিজন । ইয়াৰ সফলতাই ব্ৰেকআউট পাৰফৰ্মাৰ হিচাপে আত্মপ্ৰকাশ কৰা আহলাৱতৰ বাবে দেশজুৰি খ্যাতি কঢ়িয়াই আনিছিল ।
দ্য ফেমিলী মেন ৩-
মনোজ বাজপেয়ী, প্ৰিয়ামণি আৰু শ্বৰীব হাছমী অভিনীত জনপ্ৰিয় ৱেব ছিৰিজ দ্য ফেমিলি মেন অহা বছৰ ষ্ট্ৰীম হ’ব । সংবাদ মাধ্যমৰ বাতৰি অনুসৰি ডিচেম্বৰৰ ভিতৰত ইয়াৰ প্ৰডাকশ্যন সম্পূৰ্ণ হ’ব, আনহাতে পোষ্ট প্ৰডাকচনৰ কাম ৯-১২ মাহলৈকে চলিব । ২০২৫ চনত মুক্তি পাব পাৰে ইয়াৰ তৃতীয় ছিজন ।
দ্য ৰৌশনছ-
হৃতিক ৰোশন, ৰাকেশ ৰোশন আৰু ৰাজেশ ৰোশনক দেখা যাব The Roshans ছিৰিজত । এই তথ্যচিত্ৰ-ছিৰিজটো ২০২৫ চনৰ ১৭ জানুৱাৰীত নেটফ্লিক্সত মুক্তি পাব । ছিৰিজটোৱে দৰ্শকক লৈ যাব ৰোশন পৰিয়ালৰ জীৱন, সংগ্ৰাম আৰু বিজয়ৰ যাত্ৰালৈ ।
ব্লেক ৱাৰেণ্ট
ছেক্ৰেড গেমছ আৰু চি টি আৰ এলৰ বাবে সুপৰিচিত বিক্ৰমাদিত্য মটৱানে এতিয়া তেওঁৰ আগন্তুক ৱেব ছিৰিজ ব্লেক ৱাৰেণ্টৰ জৰিয়তে অনুৰাগীক ভাৰতৰ আটাইতকৈ কুখ্যাত কাৰাগাৰ তিহাৰ জেলৰ কঠোৰ বাস্তৱতাৰ ভিতৰলৈ লৈ যাবলৈ সাজু হৈছে । এই ছিৰিজত শশী কাপুৰৰ নাতি জাহান কাপুৰে অভিনয় কৰিছে । ইয়াৰ প্ৰিমিয়াৰ হ’ব নেটফ্লিক্সত ২০২৫ চনৰ ১০ জানুৱাৰীত । এই ছিৰিজত পৰমবীৰ সিং চিমা, অনুৰাগ ঠাকুৰ আৰু সিদ্ধান্ত গুপ্তাক মূল চৰিত্ৰত দেখা যাব ।
