আমেৰিকাকে ধৰি সমগ্ৰ বিশ্বতে পুনৰবাৰ মেটা সেৱা বিচ্ছিন্ন হোৱাৰ খবৰ প্ৰকাশ পাইছে । বুধবাৰে গভীৰ নিশা হঠাৎ কাম কৰা বন্ধ হৈ যায় ফেচবুক আৰু ইনষ্টাগ্ৰামৰ । ইয়াৰ বাবে লাখ লাখ লোকে অভিযোগ কৰিবলৈ আৰম্ভ কৰে । লগে লগে ফেচবুক আৰু ইনষ্টাগ্ৰামে কাম নকৰাৰ খবৰ সকলোতে প্ৰকাশ পায় ।
আউটেজ ট্ৰেকিং ৱেবছাইট DownDetector.com ৰ তথ্য অনুসৰি ফেচবুকৰ এক লাখৰো অধিক ব্যৱহাৰকাৰী আৰু ইনষ্টাগ্ৰামৰ প্ৰায় ৭০ হাজাৰ ব্যৱহাৰকাৰীয়ে সেৱা বন্ধ হোৱাৰ অভিযোগ উত্থাপন কৰিছে । কিন্তু কম সময়ৰ ভিতৰতে ফেচবুক আৰু ইনষ্টাগ্ৰামৰ সেৱা পুনৰুদ্ধাৰ হয় ।
এই সন্দৰ্ভত মেটাই টুইট কৰি তথ্য দিছে । প্ৰতিষ্ঠানটোৱে কয় যে ‘আমি জানো যে এটা কাৰিকৰী সমস্যাই কিছুমান ব্যৱহাৰকাৰীৰ আমাৰ এপসমূহত প্ৰৱেশ কৰাৰ ক্ষমতাত প্ৰভাৱ পেলাইছে । আমি অতি সোনকালে কামবোৰ স্বাভাৱিক অৱস্থালৈ ঘূৰাই অনাৰ কাম কৰি আছো আৰু যিকোনো অসুবিধাৰ বাবে ক্ষমা বিচাৰিছো ।‘
