ৰাজ্যসভাত বৃহস্পতিবাৰে ৱাকফ সংশোধনী বিধেয়ক ২০২৫ত ৱাকফ ব’ৰ্ডত স্বচ্ছতা বৃদ্ধিকে ধৰি কেইবাটাও গুৰুত্বপূৰ্ণ বিধান সন্নিবিষ্ট কৰা হৈছে।
য’ত দীৰ্ঘদিনীয়া আলোচনাৰ অন্তত ৯৫টা ভোটৰ বিপৰীতে ১২৮টা ভোটত অনুমোদন জনোৱা হয়।এই বিধেয়কখনৰ সন্দৰ্ভত চৰকাৰে দাবী কৰে যে এই সম্প্ৰদায়ৰ মহিলাসকলৰ লগতে দেশৰ দৰিদ্ৰ আৰু পাছমাণ্ডা মুছলমানসকলৰ অৱস্থা উন্নত কৰাত যথেষ্ট সহায় কৰিব।
ইয়াৰ লগে লগে সংসদে ৱাকফ (সংশোধনী) বিল, ২০২৫ আৰু মুছলিম ৱাকফ (বাতিল) বিল, ২০২৪ত অনুমোদন জনায়।বুধবাৰে পুৱা প্ৰায় ২ বজাত লোকসভাই গৃহীত কৰে। একে সময়তে উচ্চ সদনে বিৰোধীয়ে অনা বহু সংশোধনী নাকচ কৰে।
ৰাজ্যসভাত ৱাকফ বিধেয়ক সন্দৰ্ভত ১৩ ঘণ্টা ধৰি চলিছিল বিতৰ্ক-
১৩ ঘণ্টাৰো অধিক সময় ধৰি চলি থকা বিধেয়কখনৰ ওপৰত হোৱা আলোচনাৰ উত্তৰত সংখ্যালঘু পৰিক্ৰমা মন্ত্ৰী কিৰেন ৰিজিজুৱে কয় যে ২০০৬ চনত দেশত ৪.৯ লাখ ৱাকফৰ সম্পত্তি আছিল আৰু এইবোৰৰ পৰা মুঠ আয় আছিল মাত্ৰ ১৬৩ কোটি টকা।
২০১৩ চনত সাল-সলনি কৰাৰ পিছত আয় বৃদ্ধি পালে মাত্ৰ ৩ কোটি টকা।তেওঁ কয় যে আজি দেশত মুঠ ৮.৭২ লাখ ৱাকফ সম্পত্তি আছে।
তেওঁ কয় যে বিধেয়কখনত ৱাকফৰ সম্পত্তি পৰিচালনা কৰা, ইয়াৰ প্ৰশাসন আৰু ইয়াক নিৰীক্ষণ কৰা মুতাৱাল্লীৰ বাবে এটা ব্যৱস্থা আছে।ৰিজিজুৱে কয়, “চৰকাৰে কোনো ধৰণে ৱাকফৰ সম্পত্তি পৰিচালনা বা হস্তক্ষেপ নকৰে।”
বিধেয়কখনক লৈ বিয়পি থকা ভুল ধাৰণাবোৰ সকলো ভিত্তিহীন-
তেওঁ কয় যে এই বিধেয়কৰ জৰিয়তে ৱাকফ বিষয়ত মুছলমানৰ বাহিৰে অন্য লোকৰ হস্তক্ষেপ নহ’ব আৰু এই সন্দৰ্ভত প্ৰচাৰিত হোৱা সকলো ধাৰণা ভিত্তিহীন।
জেপিচিৰ প্রতিবেদন অনুসৰি চৰকাৰে বিধেয়কখনত বহু সালসলনি কৰা হৈছে। ইয়াৰ ভিতৰত জিলা দণ্ডাধীশতকৈ উচ্চ পদবীৰ বিষয়াই ৱাকফ হিচাপে ঘোষণা কৰা চৰকাৰী ভূমিৰ তদন্ত কৰিব লাগে বুলি পৰামৰ্শ দিয়াটোও অন্যতম।
গৃহীত হোৱাৰ পিছত এই আইনখনৰ নতুন নাম হ’ব-
এই বিধেয়কখন গৃহীত হোৱাৰ পাছত যিখন আইনখন বলবৎ হ’ব, সেই আইনখনক নতুন নাম দিয়া হৈছে ‘ইউমিড’ (ইউনিফাইড ৱাকফ মেনেজমেণ্ট এম্পাৱাৰমেণ্ট, ইফিচিয়েন্সি এণ্ড ডেভেলপমেণ্ট) এক্ট, ২০১৬ বুলি, এই ক্ষেত্ৰত কাৰো আপত্তি থাকিব নালাগে।
তেওঁ স্পষ্ট কৰি দিয়ে যে যদি ৱাকফ সম্পৰ্কীয় বিষয়টো সমাধান হৈছে তেন্তে এই বিধেয়কখনৰ বিধানসমূহ এনে গোচৰৰ ক্ষেত্ৰত প্ৰযোজ্য নহ’ব। কিন্তু যদি কোনো বিষয় আদালতত বিচাৰাধীন হৈ থাকে তেন্তে তাৰ বাবে একো কৰিব নোৱাৰি।
তেওঁ কয় যে এই বিধেয়কখনৰ বিধানসমূহে দেশৰ দৰিদ্ৰ মুছলমানসকলৰ কল্যাণৰ দিশত আগবাঢ়ি যাব আৰু ৱাকফ ব’ৰ্ডৰ অধীনত থকা সম্পত্তিসমূহৰ উন্নত ব্যৱস্থাপনাৰ বাবে তেওঁলোকৰ উত্থানত সহায় কৰিব।
পৰিষদত কাক কাক কৰা হ’ব অন্তৰ্ভুক্ত –
তেওঁ কয় যে কেন্দ্ৰীয় ৱাকফ পৰিষদত ২২ জন সদস্য থাকিব। ইয়াত চাৰিজনতকৈ অধিক অমুছলমান সদস্য নাথাকিব।
ইয়াত তিনিজন সংসদ সদস্য (সাংসদ), মুছলমান সম্প্ৰদায়ৰ ১০ জন সদস্য, উচ্চতম ন্যায়ালয় আৰু উচ্চ ন্যায়ালয়ৰ দুজন প্ৰাক্তন ন্যায়াধীশ, ইয়াৰ উপৰিও ৰাষ্ট্ৰীয় খ্যাতিৰ এজন অধিবক্তা, বিভিন্ন ক্ষেত্ৰৰ চাৰিজন সুনাম ব্যক্তি, অতিৰিক্ত সচিব আৰু ভাৰত চৰকাৰৰ যুটীয়া সম্পাদক থাকিব। তেওঁ কয় যে মুছলমান সম্প্ৰদায়ৰ ১০ জন সদস্যৰ ভিতৰত দুজন মহিলা হ’ব লাগিব।