বলীউডৰ বিখ্যাত গায়ক উদিত নাৰায়ণ, যি তেওঁৰ সুমধুৰ কণ্ঠৰ বাবে জনাজাত।’পেহলা নাছা’, ‘জাদু তেৰি নাজাৰ’, ‘চান্দ চুপা বাদল মে’, আৰু ‘দিল তো পাগল হে’ৰ দৰে সুন্দৰ গানবোৰত কণ্ঠদান কৰিছিল।
তেওঁৰ হিট গানে দৰ্শকৰ হৃদয়ত এক বিশেষ স্থান দখল কৰিছে। অৱশ্যে, শেহতীয়াকৈ কণ্ঠশিল্পী গৰাকী এক ডাঙৰ বিতৰ্কত সোমাই পৰিছে।
তেওঁৰ এটা ভিডিঅ’ সামাজিক মাধ্যমত ভাইৰেল হৈ আছে, যাৰ পিছত সকলোৱে তেওঁৰ প্ৰতি ক্ষোভ প্ৰকাশ কৰিছে। ভিডিঅ’টোত, উদিত নাৰায়ণক এটা অনুষ্ঠানৰ সময়ত দুগৰাকী মহিলা অনুৰাগীক চুম্বন কৰা দেখা গৈছে, যিয়ে বহু অনুৰাগীক বিচলিত কৰিছে।
৬৯ বছৰীয়া উদিত নাৰায়ণে এই ভিডিঅ’টোত মঞ্চত প্ৰদৰ্শন কৰি আছিল। এই সময়ছোৱাত, এগৰাকী মহিলা অনুৰাগী তেওঁৰ ওচৰলৈ আহিছিল আৰু চেলফি ল’বলৈ আৰম্ভ কৰিছিল।
তাৰ পিছত কণ্ঠশিল্পী গৰাকীয়ে যুৱতী গৰাকীৰ গালত চুমা খাইছিল। তাৰ পিছত, আন এগৰাকী মহিলাই তেওঁৰ সৈতে চেলফি লবলৈ লওতেই পুনৰ মহিলাগৰাকীক চুমা খালে উদিত নাৰায়ণে।
তাৰ পিছতেই বহু অনুৰাগীয়ে তেওঁৰ এই কাণ্ডক লৈ সামাজিক মাধ্যমত কণ্ঠশিল্পী গৰাকীক তীক্ষ্ণ সমালোচনা কৰিছে।
