প্ৰধানমন্ত্ৰী নৰেন্দ্ৰ মোদীৰ সৈতে টেলিফোনিক বাৰ্তালাপৰ অন্তত এইবাৰ ভাৰত ভ্ৰমণৰ কথা ঘোষণা কৰিছে বিশ্বৰ আটাইতকৈ ধনী ব্যক্তি তথা টেছলাৰ চি ই অ’ ইলন মাস্কে । শুকুৰবাৰে (১৮ এপ্ৰিল) দুয়োৰে মাজত বহু বিষয়ত আলোচনা হয়, তাৰ পিছত মাস্কে এতিয়া এক্সত ভাৰত ভ্ৰমণৰ কথা উল্লেখ কৰিছে ।
মাস্কৰ সৈতে হোৱা বাৰ্তালাপক লৈ প্ৰধানমন্ত্ৰী মোদীৰ টুইট-
ইলন মাস্কৰ সৈতে ফোনত হোৱা কথা-বতৰাৰ পিছত প্ৰধানমন্ত্ৰী মোদীয়ে এক্সত পোষ্ট কৰে যে আমি চলিত বৰ্ষৰ আৰম্ভণিতে ৱাশ্বিংটন ডি.চিত আমাৰ বৈঠকৰ সময়ত আলোচনা কৰা বিষয়সমূহকে ধৰি বহুতো বিষয়ৰ ওপৰত আলোচনা কৰিলোঁ । আমি প্ৰযুক্তি আৰু উদ্ভাৱনৰ খণ্ডসমূহত গভীৰ অংশীদাৰিত্বৰ বিষয়ে আলোচনা কৰিলোঁ । এই ক্ষেত্ৰত ভাৰতে আমেৰিকাৰ সৈতে অংশীদাৰিত্বৰ প্ৰতি দায়বদ্ধ হৈ থাকিব ।
প্ৰধানমন্ত্ৰী আৰু মাস্কৰ মাজত হোৱা আলোচনা দুয়োখন দেশৰ বাবে অতি গুৰুত্বপূৰ্ণ, কিয়নো দিল্লী আৰু ৱাশ্বিংটনে পাৰস্পৰিক শুল্ক সম্পৰ্কীয় মতানৈক্য সমাধান আৰু বাণিজ্যিক চুক্তিত উপনীত হোৱাৰ দিশত কাম কৰি আছে।
ভাৰত ভ্ৰমণৰ কথা ঘোষণা মাস্কৰ-
প্ৰধানমন্ত্ৰী মোদীৰ সৈতে কথা পতাৰ পিছত ইলন মাস্কে টুইট কৰি কৃতজ্ঞতা প্ৰকাশ কৰে । এক্সত মাস্কে লিখিছে- ‘প্ৰধানমন্ত্ৰী মোদীৰ সৈতে কথা পতাটো এক সন্মানৰ কথা আছিল । এই বছৰৰ শেষৰ ফালে ভাৰত ভ্ৰমণৰ বাবে আগ্ৰহী !’
It was an honor to speak with PM Modi.
I am looking forward to visiting India later this year! https://t.co/TYUp6w5Gys— Elon Musk (@elonmusk) April 19, 2025
ভাৰতৰ পৰা কি আশা কৰিছে ইলন মাস্কে ?
ভাৰত বিশ্বৰ সৰ্ববৃহৎ বজাৰ । ইয়াত বৃহৎ সংখ্যক লোকে ইলেক্ট্ৰিক বাহন ক্ৰয় কৰিছে । টেছলাই ভাৰতীয় বজাৰতো প্ৰৱেশ কৰি তাত নিজৰ উপস্থিতি প্ৰতিষ্ঠা কৰিব বিচাৰে । মাস্কে আশা কৰিছে যে ভাৰতে টেছলাৰ গাড়ীৰ আমদানি শুল্কত কিছু সকাহ দিব, যাৰ ফলত গাড়ী কোম্পানীয়ে ভাৰতত দীৰ্ঘম্যাদীভাৱে থকাৰ পৰিকল্পনাত সহায় কৰিব ।
প্ৰধানমন্ত্ৰী মোদীৰ আমেৰিকা ভ্ৰমণৰ সময়ত মাস্কক সাক্ষাৎ কৰিছিল । ইয়াৰ পিছত টেছলাই ভাৰতত শ্ব’ৰুম আৰু ডেলিভাৰী সম্পৰ্কীয় কামৰ বাবে নিযুক্তি আৰম্ভ কৰা বুলি জানিব পৰা গৈছে ।
