চৰাইদেউৰ সাপেখাতীত এক ভয়ংকৰ পথ দুৰ্ঘটনা সংঘটিত হৈছে। এখন তীব্ৰবেগী স্কৰপিঅ’ বাহনে মহতিয়াই নিয়ে এজন চাইকেল আৰোহীক। জানিব পৰা মতে চাইকেলেৰে সামগ্ৰী বিক্ৰী কৰিবলৈ গৈ আছিল লোকজন। হঠাৎ পিছফালৰ পৰা অহা AR-01K-5655 নম্বৰৰ স্কৰপিঅ’ বাহনখনে মহতিয়াই নিয়ে চাইকেল আৰোহী গৰাকীক। দুৰ্ঘটনাটোৰ ফলত থিতাতে নিহত হয় চাইকেল আৰোহী গৰাকী। দুৰ্ঘটনা সংঘটিত কৰিয়েই পলায়ন চেষ্টা কৰিছিল স্কৰপিঅ’ বাহনে। কিন্তু ৰাইজে খেদি খেদি ধৰিবলৈ সক্ষম হয় বাহনখন। সাপেখাতীৰ ৫২ নং বি ৰাষ্ট্ৰীয় ঘাইপথত এই দুৰ্ঘটনা সংঘটিত হয়। পিছত ৰাইজে স্কৰপিঅ’ চালকক কৰায়ত্ত কৰি গতাই দিয়ে আৰক্ষীক
