পূৱ থাইলেণ্ডত সংঘটিত হৈছে এক ভয়ংকৰ পথ দুৰ্ঘটনা। দুৰ্ঘটনাটো ইমানেই ভয়ংকৰ আছিল যে ইয়াৰ ফলত ১৮ জনকৈ লোকে প্ৰাণ হেৰুৱাইছে।
খবৰ অনুসৰি বুধবাৰে ৰাতিপুৱা এখন চাৰ্টাৰ্ড বাছে হঠাতে নিয়ন্ত্ৰণ হেৰুৱায় আৰু পথৰ পৰা বাগৰি পৰে। যাৰ ফলত ১৮ জন লোকৰ মৃত্যু হয় আৰু ৩১ জন আহত হয়।
আহত সকলক ততাতৈকায়ৈ ওচৰৰ চিকিৎসালয়ত ভৰ্তি কৰোৱা হৈছে, যাৰ ভিতৰত কেইবাজনো লোকৰ অৱস্থা গুৰুতৰ বুলি জানিব পৰা গৈছে।
তথ্য অনুসৰি, দুৰ্ঘটনাটো প্ৰাচিনবুৰি প্ৰদেশত সংঘটিত হৈছিল। বাছখনৰ লোকসকল উত্তৰ থাইলেণ্ডৰ পৰা উপকূলীয় ৰয়ং প্ৰদেশৰ স্থানীয় চৰকাৰৰ সৈতে সম্পৰ্কিত এটা অধ্যয়নৰ বাবে ভ্ৰমণত আহিছিল।জানিব পৰা মতে আৰক্ষীয়ে পথ দুৰ্ঘটনাটোৰ সন্দৰ্ভত তদন্ত আৰম্ভ কৰিছে।
