২৭ বছৰৰ মূৰত দিল্লী দখল কৰিলে বিজেপিয়ে । দিল্লীৰ এই বিজয়ক ঐতিহাসিক জয় আখ্যা প্ৰধানমন্ত্ৰী নৰেন্দ্ৰ মোদীৰ । এই বিজয়ৰ বাবে প্ৰধানমন্ত্ৰী নৰেন্দ্ৰ মোদীয়ে ছ’চিয়েল মিডিয়াত এটা পোষ্ট শ্বেয়াৰ কৰি দিল্লীবাসীক কৃতজ্ঞতা জ্ঞাপন কৰিছে ।
‘উন্নয়ন জিকিল, সুশাসন জিকিল’
প্ৰধানমন্ত্ৰী মোদীয়ে এক্সত এটা পোষ্ট শ্বেয়াৰ কৰি লিখিছে, ‘জনশক্তি সৰ্বোচ্চ ! উন্নয়ন জয়ী, সুশাসন জয়ী… বিজেপিক এক ঐতিহাসিক বিজয় দিয়াৰ বাবে দিল্লীৰ সকলো ভাতৃ-ভগ্নীলৈ মোৰ প্ৰণাম আৰু অভিনন্দন । আপোনালোকে মোক দিয়া অজস্ৰ আশীৰ্বাদ আৰু মৰমৰ বাবে আপোনালোক সকলোৰে ওচৰত গভীৰ কৃতজ্ঞতা জ্ঞাপন কৰিলোঁ ।
जनशक्ति सर्वोपरि!
विकास जीता, सुशासन जीता।
दिल्ली के अपने सभी भाई-बहनों को @BJP4India को ऐतिहासिक जीत दिलाने के लिए मेरा वंदन और अभिनंदन! आपने जो भरपूर आशीर्वाद और स्नेह दिया है, उसके लिए आप सभी का हृदय से बहुत-बहुत आभार।
दिल्ली के चौतरफा विकास और यहां के लोगों का जीवन उत्तम…— Narendra Modi (@narendramodi) February 8, 2025
তেওঁ কয়, ‘দিল্লীৰ সৰ্বাংগীন উন্নয়ন সুনিশ্চিত কৰাৰ বাবে আৰু ইয়াৰ জনসাধাৰণৰ জীৱন উন্নত কৰাৰ বাবে আমি কোনো ত্ৰুটি নাৰাখো, এয়া আমাৰ নিশ্চয়তা । ইয়াৰ সমান্তৰালকৈ আমি সুনিশ্চিত কৰিম যে এখন উন্নত ভাৰত সৃষ্টিৰ ক্ষেত্ৰত দিল্লীয়ে গুৰুত্বপূৰ্ণ ভূমিকা পালন কৰে । এই বৃহৎ আদেশৰ বাবে দিনে নিশাই কাম কৰা মোৰ সকলো বিজেপি কৰ্মীক লৈ মই অতি গৌৰৱান্বিত । এতিয়া আমি দিল্লীবাসীক আৰু অধিক সবলভাৱে সেৱা আগবঢ়াবলৈ উৎসৰ্গিত হৈ থাকিম ।
‘এয়া অহংকাৰ আৰু অৰাজকতাৰ পৰাজয়’
কেন্দ্ৰীয় গৃহমন্ত্ৰী অমিত শ্বাহে কয়, ‘দিল্লীত মিছাৰ ৰাজত্ব শেষ হ’ল । এয়া অহংকাৰ আৰু অৰাজকতাৰ পৰাজয় । ‘মোদী কি গ্যাৰাণ্টী’ৰ প্ৰতি দিল্লীবাসীৰ বিশ্বাস আৰু মোদীজীৰ উন্নয়নৰ দৃষ্টিভংগীৰ এই জয় । এই বৃহৎ আদেশৰ বাবে দিল্লীবাসীলৈ আন্তৰিক কৃতজ্ঞতা । মোদীজীৰ নেতৃত্বত বিজেপিয়ে নিজৰ সকলো প্ৰতিশ্ৰুতি পূৰণ কৰি দিল্লীক বিশ্বৰ ১ নম্বৰ ৰাজধানী হিচাপে গঢ়ি তুলিবলৈ দৃঢ়প্ৰতিজ্ঞ ।‘
‘আপ-দা মুক্ত দিল্লী’
কেন্দ্ৰীয় স্বাস্থ্যমন্ত্ৰী তথা বিজেপিৰ ৰাষ্ট্ৰীয় সভাপতি জে পি নাড্ডাই লিখিছে, “আপ-দা মুক্ত দিল্লী ! আজি দিল্লী বিধানসভা নিৰ্বাচনৰ ফলাফলত ভাৰতীয় জনতা পাৰ্টিৰ ব্যাপক বিজয় প্ৰধানমন্ত্ৰী মোদীৰ সক্ষম নেতৃত্বত সেৱা, সুশাসন, দুখীয়াৰ কল্যাণ, অন্ত্যোদয় আৰু উন্নয়নমুখী নীতিৰ প্ৰতি জনসাধাৰণৰ অদম্য সমৰ্থনৰ জয় । প্ৰতিটো বুথত অক্লান্তভাৱে কাম কৰা আমাৰ বিজেপি কৰ্মী আৰু ৰাজ্যিক নেতৃত্বলৈ মোৰ আন্তৰিক অভিনন্দন আৰু শুভেচ্ছা জ্ঞাপন কৰিলোঁ ।“
