পাকিস্তানী অভিনেতা ফাৱাদ খানে নিজৰ নতুন হিন্দী ছবি ‘আবিৰ গুলাল’ৰ জৰিয়তে বলীউডলৈ পুনৰ উভতি আহিছে। এই ছবিখনৰ ট্ৰেইলাৰটো ১ এপ্ৰিলত মুক্তি পাইছিল।
ট্ৰেইলাৰটোৰ মুক্তিৰ পিছতে ফাৱাদ খানৰ অনুৰাগীসকল অতিশয় আনন্দিত হৈ পৰিছে।এই ছবিখনত ফাৱাদৰ সৈতে ভানী কাপুৰক দেখা যাব।
কিন্তু ছবিখনৰ টিজাৰ মুক্তি পোৱাৰ পিছৰে পৰা বিপদত পৰিছে ফাৱাদ খানৰ।ৰাজ থাকৰেৰ মহাৰাষ্ট্ৰ নৱনিৰ্মান সেনাই ‘আবিৰ গুলাল’ ছবিখন মুক্তিৰ বিৰোধিতা কৰিছে।
এম এন এছৰ মুখপাত্ৰ আমেয়া খোপকাৰে কয় যে তেওঁ এই ছবিখন মুক্তিৰ সম্পূৰ্ণ বিৰোধী।আমেয়াই কয়, ‘এই ছবিখনৰ মুক্তিৰ বিষয়ে আমি আজিহে গম পাইছিলো যেতিয়া নিৰ্মাতাসকলে এই ছবিখন ঘোষণা কৰিছিল।
কিন্তু আমি স্পষ্টকৈ ক’ব বিচাৰো যে এই ছবিখন মহাৰাষ্ট্ৰত মুক্তি পাবলৈ নিদিওঁ কাৰণ ইয়াত এজন পাকিস্তানী অভিনেতা দেখা গৈছে।এই ছবিখন আমাৰ ৰাজ্যত কোনো কাৰণতে মুক্তি নাপাব।
বৰ্তমান আমি ছবিখনৰ বিষয়ে অধিক তথ্য সংগ্ৰহ কৰি আছো আৰু অতি সোনকালে সম্পূৰ্ণ বিবৃতি প্ৰকাশ কৰিম।এই সন্দৰ্ভত আমেয়া খোপকাৰেও টুইট কৰিছে।
লগতে এম এন এছে সতৰ্কবাণী দি কয়, ‘আমি পাকিস্তানী অভিনেতাৰ কাম ভাৰতত মুক্তি পাবলৈ নিদিওঁ। পাকিস্তানে সদায় আমাৰ দেশত হোৱা সন্ত্ৰাসবাদী আক্ৰমণক সমৰ্থন কৰে আৰু এইটো আমাৰ দেশৰ বিৰুদ্ধে।
গতিকে আমি ইয়াত পাকিস্তানী শিল্পীৰ কৰ্মৰাজি মুকলি হ’বলৈ নিদিওঁ আৰু তেওঁলোকক আৰ্থিক সুবিধা, নাম আৰু খ্যাতি অৰ্জন কৰিবলৈও নিদিওঁ।
