আল্লু অৰ্জুন অভিনীত ছবি ‘পুষ্পা ২: দ্য ৰুল’এ সমগ্ৰ বিশ্বতে বক্স অফিচত শাসন চলাইছে । ৫ ডিচেম্বৰত মুক্তি পোৱা ছবিখনক লৈ দৰ্শকৰ উন্মাদনা শীৰ্ষত । এনে পৰিস্থিতিত বক্স অফিচত বিপুল মুনাফা লাভ কৰিছে ‘পুষ্পা ২: দ্য ৰুলে’ । বিশ্বব্যাপী বক্স অফিচত ৬০০ কোটি টকাৰ ক্লাবত যোগদান কৰিছে ছবিখনে ।
‘পুষ্পা ২: দ্য ৰুল’এ বিশ্বজুৰি মুঠ ৬২১ কোটি টকা উপাৰ্জন কৰিছে । ‘পুষ্পা ২: দ্য ৰুলে’ সৰ্বনিম্ন সময়ৰ ভিতৰতে বিশ্বব্যাপী বক্স অফিচত ৬০০ কোটি টকাৰ ক্লাবত প্ৰৱেশ কৰা ভাৰতীয় ছবিৰ অভিলেখ গঢ়িবলৈ সক্ষম হৈছে ।
তিনিদিনত উপাৰ্জন কৰিলে ৬২১ কোটি-
‘পুষ্পা ২: দ্য ৰুল’ৰ প্ৰডাকচন হাউচ মিথ্ৰি অফিচিয়েলে ছবিখনৰ তিনিদিনীয়া বিশ্বব্যাপী সংগ্ৰহ ইনষ্টাগ্ৰামত শ্বেয়াৰ কৰিছে । ইয়াৰ লগতে কেপচনত লিখা আছিল – মই ‘পুষ্পা ২: দ্য ৰুল’ৰ সৈতে বক্স অফিচৰ ইতিহাস চাই আছো । ৱাইল্ডফায়াৰৰ ব্লকবাষ্টাৰ ছবিখনে মাত্ৰ ৩ দিনতে বিশ্বজুৰি ৬২১ কোটি টকা উপাৰ্জন কৰি বহু অভিলেখ ভংগ কৰে ।
এই ছবিবোৰক অতিক্ৰম কৰে-
উল্লেখ্য যে ‘পুষ্পা ২: দ্য ৰুলে’ মাত্ৰ তিনিদিনতে ৬০০ কোটি টকাৰ ক্লাবত প্ৰৱেশ কৰি ‘বাহুবলী ২’, ‘আৰ আৰ আৰ’, ‘জৱান’ আৰু ‘কে জি এফ ২’ক অতিক্ৰম কৰিছে । প্ৰভাসৰ ছবি ‘বাহুবলী: দ্য কনক্লুচন’ ৪ দিনত বিশ্বব্যাপী ৬০০ কোটি টকাৰ ক্লাবৰ অংশ হৈ পৰিছিল । ‘আৰ আৰ আৰ’ আৰু ‘কে জি এফ ২’এ ৫ দিনত এই সংখ্যা অতিক্ৰম কৰিছিল । আনহাতে ‘জৱান’ ৬ দিনত ৬০০ কোটি টকাৰ ক্লাবত প্ৰৱেশ কৰিছিল ।
হিন্দী সংস্কৰণে সৰ্বোচ্চ সংগ্ৰহ কৰিছে-
সুকমাৰৰ পৰিচালনাত নিৰ্মিত ছবি ‘পুষ্পা ২: দ্য ৰুল’ ২০২১ চনৰ ছবি ‘পুষ্পা: দ্য ৰাইজ’ৰ ছিকুৱেল । ইয়াৰ জৰিয়তে আল্লু অৰ্জুনে পুনৰবাৰ পুষ্পৰাজ আৰু ৰশ্মিকা মন্দনা শ্ৰীৱল্লীৰ চৰিত্ৰত ঘূৰি আহিছে । আনহাতে ফাহাধ ফাচিলে তেওঁৰ খলনায়ক অৱতাৰত লাভ কৰিছে উচ্চ প্ৰসংশা । পাঁচটা ভাষাত – হিন্দী, তেলেগু, তামিল, কানাড়া আৰু মালয়ালম ভাষাত মুক্তি পোৱা ছবিখনে হিন্দী ভাষাত সৰ্বোচ্চ উপাৰ্জন লাভ কৰিবলৈ সক্ষম হৈছে ।
