হিন্দী বক্স অফিচতো নিজৰ ছাপ ৰাখিলে পুষ্পা ২ য়ে; মাত্ৰ ১৫ দিনৰ ভিতৰতে হৈ পৰিল আটাইতকৈ ডাঙৰ ছবি
২০২১ বৰ্ষত যেতিয়া আল্লু অৰ্জুনৰ প্ৰথম সৰ্বভাৰতীয় চলচ্চিত্ৰ ‘পুষ্পা ১: দ্য ৰাইজ’ ছবিগৃহত মুক্তি পাইছিল, হিন্দীত তেলেগু তাৰকাৰ চলচ্চিত্ৰখনৰ উন্মাদনা দেখি বহুতো লোক আচৰিত হৈছিল।
যিসকলে আচৰিত হৈছিল তেওঁলোকৰ সম্ভৱতঃ কোনো ধাৰণা নাছিল যে আল্লু অৰ্জুনৰ তেলেগু চলচ্চিত্ৰৰ হিন্দী ডাবিংয়ে টেলিভিচনৰ জৰিয়তে হিন্দী দৰ্শকৰ মাজত কিমান জনপ্ৰিয় কৰি তুলিছিল। কিন্তু এতিয়া, ‘পুষ্পা ২: দ্য ৰুল’ৰ সৈতে, আল্লু অৰ্জুনৰ ষ্টাৰডম হিন্দী বজাৰতো স্থায়ীভাৱে মোহৰ লগাইছে।
প্ৰথম দিনাৰ পৰাই ‘পুষ্পা ২’য়ে দৰ্শকসকলক যথেষ্ট মনোৰঞ্জন দি আহিছে আৰু এতিয়া হিন্দী বক্স অফিচত মাত্ৰ ১৫ টা দিনতে আটাইতকৈ বেছি উপাৰ্জন কৰা ছবি হৈ পৰিছে।
আল্লু অৰ্জুনে অৰ্জন কৰা এই কৃতিত্বৰে দ্বিতীয় দক্ষিণ তাৰকা হৈ পৰিছে।তেওঁৰ পূৰ্বে, প্ৰভাসৰ ‘বাহুবলী ২’য়ে হিন্দীত সৰ্বাধিক উপাৰ্জন কৰা ছবি হিচাপে পৰিগণিত হৈছিল।
প্ৰথম দিনাৰ পৰাই, ছবিগৃহত ধামাকা কৰি থকা আল্লু অৰ্জুনৰ ছবিখনে ইতিমধ্যে ইয়াৰ সম্ভাৱনা প্ৰদৰ্শন দেখুৱাইছিল যে ছবিখন সঁচাকৈয়ে বক্স অফিচৰ জুই।
পুষ্পা ২’ৰ হিন্দী সংস্কৰণৰ মুঠ সংগ্ৰহ ৬১৮ কোটি অতিক্ৰম কৰিছে।মাত্ৰ ১৫ টা দিনতে হিন্দী সংস্কৰণত ইমান উপাৰ্জন কৰা শীৰ্ষ ছবিখন হৈ পৰিল পুষ্পা ২।
