তেলেগু ছুপাৰষ্টাৰ আল্লু অৰ্জুনে ‘পুষ্পা: দ্য ৰাইজ’ ছবিখনৰ বাবে ইতিমধ্যে ৰাষ্ট্ৰীয় বঁটা লাভ কৰি ইতিহাস ৰচনা কৰিছে । বৰ্তমান ষ্টাইলিছ ছুপাৰষ্টাৰগৰাকী তেওঁৰ আটাইতকৈ প্ৰত্যাশিত আগন্তুক ছবি ‘পুষ্পা: দ্য ৰুল’ৰ প্ৰচাৰত ব্যস্ত । শেহতীয়াকৈ তেওঁ মুম্বাইত ৰশ্মিকা মন্দনাৰ সৈতে ছবিখনৰ এক প্ৰচাৰত উপস্থিত হয় । য’ৰ পৰা তেওঁলোকৰ বহু ফটো আৰু ভিডিঅ’ ছ’চিয়েল মিডিয়াত ভাইৰেল হৈ পৰিছে ।
‘পুষ্পা: দ্য ৰুল’ৰ প্ৰচাৰ আল্লু অৰ্জুন-ৰশ্মিকাৰ-
আল্লু অৰ্জুন আৰু ৰশ্মিকা মণ্ন্দনাৰ আটাইতকৈ প্ৰত্যাশিত ছবি ‘পুষ্পা ২: দ্য ৰুল’ মুক্তিৰ বাবে মাজত মাত্ৰ কেইটামান দিন বাকী । বৰ্তমান দুয়োজন ছবিখনৰ প্ৰচাৰত ব্যস্ত । শেহতীয়াকৈ আল্লু অৰ্জুন আৰু ৰশ্মিকাই ছবিখনৰ প্ৰচাৰৰ বাবে মুম্বাইত উপস্থিত হয়, য’ত তেওঁলোকক বৃহৎ আদৰণি জনোৱা হয় । তাত উপস্থিত থকা ৰাইজে দক্ষিণৰ এই ছুপাৰষ্টাৰসকলক ঘেৰি ধৰি তেওঁলোকৰ প্ৰতি মৰম প্ৰকাশ কৰে । ইয়াৰ উপৰিও অনুষ্ঠানটোৰ বহু ছবি ছ’চিয়েল মিডিয়াতো ভাইৰেল হৈ পৰিছে, য’ত দেখা গৈছে দুয়োৰে আকৰ্ষণীয় উপস্থাপন ।
অতি সোনকালে মুক্তি পাবলগীয়া ছবি ‘পুষ্পা ২: দ্য ৰুল’ৰ দলটো মুম্বাইৰ জে ডব্লিউ মেৰিয়েট হোটেলত এখন সংবাদমেল অনুষ্ঠিত কৰে । য’ত আল্লু অৰ্জুন, ৰশ্মিকা মন্দনা আৰু টি ছিৰিজৰ স্বত্বাধিকাৰী ভূষণ কুমাৰে অংশগ্ৰহণ কৰে । এই সময়ত আল্লু অৰ্জুনে কয়, ‘যদি মই মোৰ কেৰিয়াৰলৈ চাওঁ আৰু মোৰ জীৱনত আটাইতকৈ বেছি প্ৰভাৱ পেলোৱা ব্যক্তিজনৰ কথা ভাবো তেন্তে সেয়া হ’ল সুকুমাৰ’। সুকুমাৰৰ পৰিচালনা আৰু মিথ্ৰি মুভি মেকাৰছ প্ৰযোজক এই ছবিখনৰ । টি ছিৰিজৰ বেনাৰত নিৰ্মাণ কৰা হৈছে ছবিখনৰ গীত ।
ছবিখনৰ বাবে আগ্ৰহেৰে অপেক্ষা কৰি আছে অনুৰাগীয়ে-
অতি সোনকালে মুক্তি পাবলগীয়া ‘পুষ্পা ২’ ২০২১ চনত মুক্তি পোৱা ব্লকবাষ্টাৰ ছবি ‘পুষ্পা’ৰ ছিকুৱেল । এইখন এখন প্ৰচণ্ড একচন আৰু নাটকীয় ছবি । আল্লু অৰ্জুন আৰু ৰশ্মিকাক ছবিখনত মুখ্য চৰিত্ৰত দেখা যাব । মালয়ালমৰ ছুপাৰষ্টাৰ ফাহাদ ফাচিলৰ উপৰিও জগাপথী বাবু, ধনঞ্জয়, ৰাও ৰমেশ, সুনীল আৰু অনসুয়া ভৰদ্বাজকো দেখা যাব ছবিখনত ।
৫ ডিচেম্বৰত মুক্তি পাব ‘পুষ্পা ২’-
৫ ডিচেম্বৰত তামিল, তেলেগু, হিন্দী, কানাড়া, বাংলা আৰু মালয়ালম ভাষাত মুক্তি পাব ‘পুষ্পা ২’ ছবিখন । বিশেষ কথাটো হ’ল এইখনেই প্ৰথমখন পান ইণ্ডিয়া ছবি যিখন বাংলা ভাষাতো মুক্তি পাবলৈ গৈ আছে, যাৰ বাবে অনুৰাগীসকল অতিশয় উৎসাহিত । এই ছবিখন ষ্টেণ্ডাৰ্ড, থ্ৰীডি, আইমেক্স, ৪ডিএক্স আৰু ডি-বক্স ফৰ্মেটত চাব পাৰিব । ৫০০ কোটি টকাৰ বিশাল বাজেটেৰে নিৰ্মিত এই ছবিখনৰ নিৰ্মাতাসকলে ইয়াৰ বহু ক্লাইমেক্স শ্বুট কৰিছে । চূড়ান্ত ক্লাইমেক্স কি হ’ব কোনেও নাজানে ।
