ক’ভিড ১৯ৰ পিছত যিকোনো ভাইৰাছৰ নাম শুনি মানুহে ভয় খাবলৈ আৰম্ভ কৰে।এই ৰোগৰ পৰা পৃথিৱীখন এতিয়াও সুস্থ হ’ব পৰা নাই আৰু প্ৰায় দুদিনৰ মূৰে মূৰে আমি কিছুমান নতুন ৰোগৰ কথা শুনিবলৈ পাওঁ।
এতিয়া ৰাছিয়াৰ নামো এই ধাৰাবাহিকত অন্তৰ্ভুক্ত কৰা হৈছে।ছ’চিয়েল মিডিয়াত আৰু বহু সংবাদ মাধ্যমত প্ৰকাশ পাইছে যে ৰাছিয়াত ক’ভিডৰ দৰে এক বিপজ্জনক ৰহস্যময়ী ৰোগ বিয়পি পৰিছে।ইয়াৰ প্ৰভাৱলৈ অহা প্ৰতিজন ব্যক্তিৰ কাহত তেজ যায়।
অৱশ্যে ৰাছিয়াৰ জনস্বাস্থ্য সংস্থাই এই ৰহস্যজনক ভাইৰাছৰ খবৰ নাকচ কৰিছে। লগতে তাত নতুন ভাইৰাছৰ সংক্ৰমণৰ যিকোনো কথাক কেৱল উৰাবাতৰি বুলি অভিহিত কৰিছে।
ৰাছিয়াৰ বিজ্ঞান একাডেমীৰ গেনাডি অনিচেংকোৱে কয় যে ৰাছিয়াৰ বিজ্ঞানীসকলে এই ভাইৰাছৰ বিষয়ে এতিয়াও গম পোৱা নাই।
দৰাচলতে এই উৰাবাতৰি আৰম্ভ হৈছিল যেতিয়া ইণ্টাৰনেটত দাবী কৰা হৈছিল যে এগৰাকী ৰাছিয়ান মহিলা কেইবা সপ্তাহ ধৰি জ্বৰ আৰু কাহত ভুগি আছিল।
এই সময়ছোৱাত কাহ মাৰি থাকোঁতে তেওঁৰ মুখৰ পৰা তেজ ওলাই আহিছিল।এনে পৰিস্থিতিত যেতিয়া মহিলাগৰাকীৰ কভিড আৰু ফ্লুৰ টেষ্ট কৰা হৈছিল তেতিয়া ৰিজাল্ট নিগেটিভ আহিছিল।
দুৰ্বলতাৰ পৰা আৰম্ভ হোৱা এই সমস্যাই মহিলাগৰাকীক বিচনাৰ পৰা উঠিব নোৱাৰা কৰিছিল। কোনো এন্টিবায়টিক ঔষধেও মহিলাগৰাকীৰ ওপৰত প্ৰভাৱ পেলাব পৰা নাছিল।
তাৰ পিছত চিকিৎসকে ইয়াক নতুন ভাইৰাছ বুলি ঘোষণা কৰিছিল।কোৱা হয় যে ৰাছিয়াত এনে বহু ঘটনা সংঘটিত হৈছে, তাৰ পিছত এই সমগ্ৰ বিষয়টো ভাইৰেল হৈ পৰে।