ইজৰাইল আৰু ইৰাণৰ মাজত যুদ্ধ আৰম্ভ হৈছে, যাৰ ফলত সমগ্ৰ মধ্যপ্ৰাচ্যত উত্তেজনাৰ সৃষ্টি হৈছে। ইৰানে ১ অক্টোবৰত ইজৰাইলৰ ওপৰত বেলিষ্টিক মিছাইল আক্ৰমণ কৰিছিল। এতিয়া ইজৰাইলে প্ৰত্যুত্তৰত ইৰাণৰ বায়ু প্ৰতিৰক্ষা প্ৰণালী আৰু তেওঁলোকৰ মিছাইল আৰু ড্ৰোন কাৰ্যসূচীৰ সৈতে জড়িত সামৰিক প্ৰতিষ্ঠানসমূহক লক্ষ্য কৰি লৈছে। ইজৰাইলে ইৰাণক আক্ৰমণ কৰাৰ লগে লগে আমেৰিকা তৎক্ষণাৎ সক্ৰিয় হৈ পৰে আৰু ঘোষণা কৰে যে দুয়োখন দেশৰ হিচাপ সম্পূৰ্ণ হৈছে। এতিয়া ইয়াতেই যুঁজখন সমাপ্ত হব লাগে। আমেৰিকাই ইৰাণক প্ৰতিশোধ নল’বলৈ সতৰ্ক কৰি দিছে। আমেৰিকা যুক্তৰাষ্ট্ৰৰ প্ৰতিৰক্ষা সচিব লয়ড অষ্টিনে ইজৰাইলৰ প্ৰতিৰক্ষা মন্ত্ৰী ইয়োভ গেলেণ্টৰ সৈতে বাৰ্তালাপ কৰাৰ লগতে ৰাতিটোৰ ভিতৰতে ইৰাণৰ সামৰিক ঘাটিসমূহত ইজৰাইলে চলোৱা নিখুঁত আক্ৰমণৰ বিষয়েও আলোচনা কৰে।সামাজিক মাধ্যমত আমেৰিকা যুক্তৰাষ্ট্ৰৰ প্ৰতিৰক্ষা সচিব লয়ড অষ্টিনে নিখিছে যে “মই এই কথাটোৰ ওপৰত গুৰুত্ব আৰোপ কৰিছিলো যে আমেৰিকা যুক্তৰাষ্ট্ৰ সমগ্ৰ অঞ্চলটোত আমেৰিকা যুক্তৰাষ্ট্ৰৰ সেনাবাহিনী আৰু সুবিধাসমূহৰ সুৰক্ষাৰ বাবে সঠিক অৱস্থাত আছে আৰু স্পষ্ট কৰি দিছিলো যে ইৰাণে ইজৰাইলৰ আক্ৰমণৰ সঁহাৰি দিয়াৰ ভুল কৰিব নালাগে, এতিয়া এই আদান প্ৰদান সমাপ্তি কৰিব লাগে”। লগতে তেওঁ লিখিছে যে “মই এই ক্ষেত্ৰত উত্তেজনা হ্ৰাস কৰিবলৈ কূটনীতি ব্যৱহাৰ কৰাৰ সুযোগৰ কথাও উল্লেখ কৰিছিলো, যাৰ ভিতৰত আছে গাজাত বন্দীসকলক মুকলি কৰা আৰু যুদ্ধবিৰতি চুক্তি আৰু ইজৰাইল-লেবানন সীমান্তৰ দুয়োফালৰ সাধাৰণ নগৰিক সকলক সুৰক্ষিতভাৱে তেওঁলোকৰ ঘৰলৈ ঘূৰি যাবলৈ অনুমতি দিয়ে।”
