চেম্পিয়নছ ট্ৰফী ২০২৫ পাকিস্তানে আয়োজন কৰাৰ ঘোষণা কৰাৰ পিছৰে পৰা বিতৰ্কই লগ নেৰা হৈছে চেম্পিয়নছ ট্ৰফীক। এইবাৰ টীম ইণ্ডিয়াৰ জাৰ্ছীক লৈ বিতৰ্ক অব্যাহত আছে।
চেম্পিয়নছ ট্ৰফী ২০২৫ৰ ঠিক পূৰ্বেই টিম ইণ্ডিয়াৰ জাৰ্ছীক লৈ এইবাৰ বিতৰ্কৰ সৃষ্টি হৈছিল। ভাৰতীয় ক্ৰিকেট দলৰ জাৰ্চিত পাকিস্তানৰ নাম নাথাকে বুলি দাবী কৰা হৈছিল।
চেম্পিয়নছ ট্ৰফীৰ আয়োজক পাকিস্তান। সেয়ে প্ৰতিযোগিতাখনত অংশগ্ৰহণ কৰা সকলো দলৰ জাৰ্ছীত ICCৰ ল’গ’ৰ লগতে আয়োজক দেশৰ নামো থকা দেখা যায়।
এতিয়া ভাৰতৰ ক্ৰিকেট নিয়ন্ত্ৰণ ব’ৰ্ডে এই বিষয়ত মন্তব্য দিছে। BCCI-এ কয় যে তেওঁলোকে ICCৰ সকলো নিয়ম মানি চলিব। ICC-এ কয়, আমি ICCৰ নিৰ্দেশনা মানি চলিম। ICCৰ নিৰ্দেশ অনুসৰি কাম কৰা হ’ব।
BCCI-এ স্পষ্ট কৰি দিছে যে ICC চেম্পিয়নছ ট্ৰফীৰ ল’গ’ৰ লগতে টিম ইণ্ডিয়াৰ জাৰ্চিত পাকিস্তানৰ নামো থাকিব। চেম্পিয়নছ ট্ৰফীৰ ঠিক আগতে টিম ইণ্ডিয়াৰ জাৰ্চিক লৈ চলি থকা বিতৰ্কৰ অন্ত পেলালে BCCI-এ।
