স্মৃতি মন্ধানাই তেওঁৰ নামত এক ঐতিহাসিক অভিলেখ গঢ়িছে । তেওঁ এতিয়া ভাৰতীয় মহিলা ক্ৰিকেটৰ ইতিহাসত সৰ্বাধিক এদিনীয়া শতক অৰ্জন কৰা ক্ৰিকেটাৰ হিচাপে পৰিগণিত হৈছে । তেওঁ মহান বেটছমেন মিথালী ৰাজক অতিক্ৰম কৰি এই অভিলেখ গঢ়িবলৈ সক্ষম হৈছে । স্মৃতিয়ে নিউজীলেণ্ডৰ বিৰুদ্ধে তৃতীয়খন এদিনীয়াত ১০০ ৰাণ সংগ্ৰহ কৰে আৰু শৃংখলাটোত টীম ইণ্ডিয়াৰ ২-১ ৰ জয়ত গুৰুত্বপূৰ্ণ অৱদান আগবঢ়ায় ।
এদিনীয়াত স্মৃতি মন্ধনাৰ কেৰিয়াৰৰ এয়া আছিল অষ্টমটো শতক । এতিয়া সৰ্বাধিক শতক অৰ্জন কৰাৰ ক্ষেত্ৰত মাত্ৰ ৬ জন খেলুৱৈয়েই আগবাঢ়ি আছে । স্মৃতিৰ পূৰ্বে এই ভাৰতীয় অভিলেখ আছিল ২৩২খন খেলৰ বিশাল কেৰিয়াৰত মুঠ ৭টা শতক অৰ্জন কৰা মিথালী ৰাজৰ নামত । মহিলাৰ এদিনীয়া ক্ৰিকেটত সৰ্বাধিক শতক অৰ্জন কৰাৰ অভিলেখ অষ্ট্ৰেলিয়াৰ খেলুৱৈ মেগ লেনিঙৰ নামত আছে, যিয়ে নিজৰ বিখ্যাত কেৰিয়াৰত ১৫টা শতক অৰ্জন কৰিছে । ২০২৩ চনত অৱসৰ ল’ব লেনিঙে ।
এইটো স্মৃতি মন্ধানাৰ আন্তঃৰাষ্ট্ৰীয় ক্ৰিকেটত দশমটো শতক আছিল, কিয়নো তেওঁ ৭ খন টেষ্ট মেচৰ কেৰিয়াৰত দুটা শতক অৰ্জন কৰিছে । এদিনীয়া ক্ৰিকেটত স্মৃতি মন্ধানাই এতিয়ালৈকে ৮৮ খন মেচত ৩,৬৯০ ৰাণ সংগ্ৰহ কৰিছে, যাৰ ভিতৰত আছে ৮টা শতক আৰু ২৭ টা অৰ্ধশতকীয় ইনিংছ ।
স্মৃতি মন্ধনাৰ অন্যান্য অভিলেখ-
ইয়াৰ পূৰ্বে স্মৃতি মন্ধনাই ভাৰতৰ হৈ ২০০০ এদিনীয়া ৰান সংগ্ৰহ কৰা সৰ্বাধিক দ্ৰুত খেলুৱৈ হিচাপে পৰিগণিত হৈছিল । তেওঁ ৫১ ইনিংছত এই অভিলেখ গঢ়িবলৈ সক্ষম হয় আৰু সৰ্বাধিক দ্ৰুততম ৩০০০ ৰান সংগ্ৰহৰ অভিলেখো তেওঁৰ নামত আছে । মন্ধনাই ৭৬ ইনিংছত তিনি হাজাৰ ৰানৰ সংখ্যা স্পৰ্শ কৰিছিল । আন্তঃৰাষ্ট্ৰীয় ক্ৰিকেটত ৮ হাজাৰ ৰান সংগ্ৰহ কৰিবলৈ মাত্ৰ ১১৩ ৰান বাকী আছে । আন্তৰ্জাতিক ক্ৰিকেটত সৰ্বাধিক ৰাণ সংগ্ৰহকাৰী হৈছে মিথালী ৰাজ, যিয়ে তেওঁৰ কেৰিয়াৰৰ তিনিওটা ফৰ্মেটত ১০,৮৬৮ ৰাণ সংগ্ৰহ কৰিছিল ।
