ভাৰত আৰু অষ্ট্ৰেলিয়াৰ মাজত অনুষ্ঠিত হ’বলগীয়া ৫ খন খেলৰ বৰ্ডাৰ-গাভাস্কাৰ ট্ৰফী ২০২৪-২৫ৰ তৃতীয়খন খেল ১৪ ডিচেম্বৰৰ পৰা ব্ৰিছবেনৰ গাব্বা ষ্টেডিয়ামত অনুষ্ঠিত হ’ব।
টীম ইণ্ডিয়াই এই শৃংখলাৰ প্ৰথমখন মেচত ২৯৫ ৰাণত জয়লাভ কৰাৰ বিপৰীতে দ্বিতীয়খন মেচত আয়োজক কেংগাৰুয়ে ১০ উইকেটত জয় লাভ কৰে আৰু শৃংখলাটো ১-১ লৈ আনে।
এতিয়া সকলো অনুৰাগীৰ চকু তৃতীয় টেষ্ট মেচখনত স্থিৰ হৈ আছে। আয়োজক অষ্ট্ৰেলিয়াই প্লেয়িং ১১ৰ ঘোষণা কৰিছে।
য’ত এডিলেড টেষ্ট মেচত বিজয় স্বত্বেও এক ডাঙৰ পৰিৱৰ্তন কৰা হৈছে, যিটো খেলখনৰ এদিন পূৰ্বে সংবাদমেলত অষ্ট্ৰেলিয়াৰ অধিনায়ক পেট কামিন্সে নিজেই নিশ্চিত কৰিছে।
অষ্ট্ৰেলিয়াৰ দলৰ অধিনায়ক পেট কামিন্সে ব্ৰিছবেন টেষ্ট মেচৰ বাবে প্লেয়িং ১১ ত হোৱা পৰিৱৰ্তনৰ বিষয়ে তথ্য প্ৰদান কৰি কয় যে ‘যোৱা খন খেলৰ বাবে দ্ৰুত বলাৰ জছ হেজলউড সম্পূৰ্ণৰূপে ফিট নাছিল।
কিন্তু এইখন টেষ্ট মেচখনৰ বাবে তেওঁ সুস্থ হৈ উঠিছে আৰু তেওঁক স্কট বোলেণ্ডৰ ঠাইত অন্তৰ্ভুক্ত কৰা হ’ব। এডিলেড টেষ্ট খেলৰ ঠিক পূৰ্বে হেজলউডে কিছু অসুস্থতাৰ বাবেই খেলিব নোৱাৰিলে।
ইফালে বোলেণ্ডৰ বিষয়ে ক’বলৈ গ’লে, তেওঁ এডিলেড টেষ্ট মেচখনত খুব ভাল বলিং কৰিছিল, য’ত তেওঁৰ নামত ৫ টা উইকেট ল’বলৈ সক্ষম হৈছিল।
ব্ৰিছবেন টেষ্ট মেচৰ বাবে প্লেয়িং ১১ ত যোগদান কৰাৰ পূৰ্বে, হেজলউডেও ফিটনেছ পৰীক্ষা কৰাইছিল, যিটোত তেওঁ উত্তীৰ্ণ হৈছিল।
ব্ৰিছবেন টেষ্ট মেচৰ বাবে প্লেয়িং ১১ ত জছ হেজলউডৰ পুনৰ উভতি অহাৰ আটাইতকৈ ডাঙৰ কাৰণটো হৈছে ভাৰতীয় দলৰ বিৰুদ্ধে তেওঁৰ উৎকৃষ্ট অভিলেখ।
য’ত তেওঁ এতিয়ালৈকে ২৫.৫৫ গড়ে ১৬ খন টেষ্টত ৫৬ টা উইকেট দখল কৰিছে।য’ত তেওঁ চাৰিবাৰ ইনিংছত ৫ টা উইকেট দখল কৰিছে।
হেজলউডৰ বাহিৰে, অষ্ট্ৰেলিয়াৰ প্লেয়িং ১১ ত আন কোনো পৰিৱৰ্তন হোৱা নাই, যাৰ ফলত তেওঁ তিনিজন আগশাৰীৰ দ্ৰুত বলাৰ আৰু এজন স্পিনাৰৰ সৈতে খেলপথাৰলৈ যাব বুলি স্পষ্ট হয়।
ব্ৰিছবেন টেষ্ট মেচৰ বাবে অষ্ট্ৰেলিয়াৰ প্লেয়িং ১১ ত স্থান পোৱা খেলুৱৈ সকল হ’ল-উছমান খাৱাজা, নাথান মেকচুইনি, মাৰ্নাছ লাবুচাগনে, ষ্টিভ স্মিথ, ট্ৰেভিছ হেড, মিচেল মাৰ্শ, এলেক্স কেৰী (উইকেটকিপাৰ), পেট কামিন্স (অধিনায়ক), মিচেল ষ্টাৰ্ক, নাথান লিয়ন, স্কট বোলেণ্ড।
