২ নৱেম্বৰত ৫৯ বছৰ সম্পূৰ্ণ হ’ব বলীউডৰ বাদশ্বাহ শ্বাহৰুখ খানে । কিং খানৰ অনুৰাগীৰ বাবে তেওঁৰ জন্মদিনটো এটা উৎসৱতকৈ কম নহয় । মাজনিশাৰ পৰা শ্বাহৰুখৰ বাংলো মন্নতৰ বাহিৰত অনুৰাগীৰ সমাগম আৰম্ভ হয় । তথ্য অনুসৰি শ্বাহৰুখৰ ৫৯ সংখ্যক জন্মদিন আড়ম্বৰেৰে পালন কৰা হ’ব ।
শ্বাহৰুখৰ জন্মদিনৰ অনুষ্ঠান-
সূত্ৰ অনুসৰি এইবাৰ শ্বাহৰুখৰ জন্মদিন বিশেষ ধৰণে পালন কৰা হ’ব । উদ্যোগটোৰ ঘনিষ্ঠ বন্ধু-বান্ধৱী আৰু পৰিয়ালৰ সদস্যৰ সৈতে কিং খানে জন্মদিন উদযাপন কৰিব । সূত্ৰ মতে, শ্বাহৰুখৰ টীম আৰু গৌৰীয়ে ব্যক্তিগতভাৱে অভিনেতাগৰাকীৰ জন্মদিনৰ নিমন্ত্ৰণ আৰু অতিথি তালিকা প্ৰস্তুতৰ কাম কৰিছে । প্ৰায় ২৫০ জন লোকক কিং খানৰ জন্মদিন উদযাপনলৈ আমন্ত্ৰণ জনোৱা হৈছে ।
অতিথি তালিকাত কোন কোন অন্তৰ্ভুক্ত হ’ব ?
অতিথি তালিকাত ৰণবীৰ সিং, ছৈফ আলী খান, কৰীনা কাপুৰ, কৰিশ্মা কাপুৰ, এটলী, জয়া আখতাৰ, ফাৰাহ খান, শনয়া কাপুৰ, মহীপ কাপুৰ, নীলম কোথাৰী, কৰণ জোহৰ, অনন্যা পাণ্ডে, আলিয়া ভাটকে ধৰি উদ্যোগৰ বাকী তাৰকাসকলক দেখা যাব । শ্বাহৰুখ আৰু গৌৰীৰ ঘনিষ্ঠ বন্ধুসকলেও এই পাৰ্টীত যোগ দিব । পাৰ্টিৰ উপৰিও কিং খানৰ ৫৯ সংখ্যক জন্মদিন উপলক্ষে এক বৃহৎ ঘোষণাও হ’ব ।
অনুৰাগীক চাৰপ্ৰাইজ দিব-
এই বিশেষ দিন উপলক্ষে শ্বাহৰুখে আগন্তুক ছবি ‘কিং’ৰ কথা ঘোষণা কৰিব বুলি সূত্ৰই দাবী কৰিছে । অভিনেতাগৰাকীয়ে চিনেমাখনত কন্যা চুহানা খানৰ সৈতে স্ক্ৰীণ শ্বেয়াৰ কৰিব । নিশ্চিতভাৱে কিং খানৰ অনুৰাগীসকলে তেওঁলোকৰ প্ৰিয় অভিনেতাজনৰ জন্মদিনত এটা ডাঙৰ ছাৰপ্ৰাইজ পাব । শ্বাহৰুখৰ সন্তান আৰিয়ান খান আৰু চুহানা বৰ্তমান ডুবাইত আছে । দেৱালী আৰু পিতৃ শ্বাহৰুখৰ জন্মদিনৰ পাৰ্টিৰ বাবে তেওঁলোক মুম্বাইলৈ উভতি আহিব । প্ৰতি বছৰে জন্মদিন উপলক্ষে অভিনেতাগৰাকীয়ে ঘৰৰ বাহিৰত ৰৈ থকা শ শ অনুৰাগীৰ সৈতে মুখামুখি হয় । তেওঁলোকৰ মৰমৰ বাবে ধন্যবাদ জনায় অভিনেতাগৰাকীয়ে ।
কন্যাৰ সৈতে শ্বাহৰুখে ছবি কৰিব-
২০২৩ চনটো কিং খানৰ বাবে ভাল আছিল । বেক টু বেক ফ্লপৰ পিছত তেওঁ কামবেক কৰিছিল । পাঠানৰ পৰা জৱানলৈকে চিনেমাই বক্স অফিচত আধিপত্য বিস্তাৰ কৰিছিল । দুয়োখন চিনেমাই উপাৰ্জনৰ অভিলেখ ভংগ কৰে যদিও ডাংকিয়ে বক্স অফিচত বিশেষ সফলতা লাভ কৰা নাছিল । এতিয়া অভিনেতাগৰাকীৰ আগন্তুক চিনেমাৰ বাবে অপেক্ষা কৰি আছে অনুৰাগীসকলে । বহু প্ৰত্যাশিত ছবিখন হৈছে কিং, য’ত তেওঁক কন্যা চুহানাৰ সৈতে দেখা যাব । এই প্ৰজেক্ট এতিয়াও ঘোষণা কৰা হোৱা নাই । ইফালে চুহানাৰ জয়া আখতাৰৰ দ্য আৰ্চিছ ছবিৰ জৰিয়তে অভিনয়ত আত্মপ্ৰকাশ কৰিছিল যদিও তেওঁৰ কামেৰে দৰ্শকক আপ্লুত কৰিব পৰা নাছিল ।
