যদি আপুনি অন্তৰেৰে কিবা এটা কামনা কৰে তেন্তে সমগ্ৰ বিশ্বব্ৰহ্মাণ্ডই আপোনাক সেয়া লাভ কৰাত সহায় কৰে । শ্বাহৰুখ খানৰ এজন দুৰ্দান্ত অনুৰাগীৰ ক্ষেত্ৰতো ঠিক একেই ঘটনা ঘটিছে । এই অনুৰাগীজনে বিগত ৯৫ দিন দিনে নিশাই কিং খানৰ বাংলো ‘মন্নত’ৰ বাহিৰত থিয় হৈ আছিল । মাথোঁ শ্বাহৰুখ খানক চাবলৈ আৰু তেওঁক লগ পোৱাৰ দিৰ্ঘদিনীয়া ইচ্ছা পূৰণ কৰাৰ বাবেই এই অনুৰাগীজনে কৰিলে এই আচৰিত কাম । অৱশেষত শ্বাহৰুখ খানে ঝাৰখণ্ডৰ এই অনুৰাগীজনক নিৰাশ নকৰি তেওঁৰ ইচ্ছা পূৰণ কৰিলে, যাৰ বাবে তেওঁ বহুদিন অপেক্ষা কৰি আছিল । এতিয়া শ্বাহৰুখৰ সৈতে অনুৰাগীজনৰ সাক্ষাৎৰ ছবি ক্ৰমান্বয়ে ছ’চিয়েল মিডিয়াত ভাইৰেল হৈ পৰিছে ।
অনুৰাগীৰ অপেক্ষাৰ অন্ত-
৯৫ দিন ধৰি কিং খানৰ বাংলোৰ এখন গেটত চকু ৰাখি থকা এইজন ব্যক্তিৰ নাম মহম্মদ আনছাৰী । তেওঁৰ ঝাৰখণ্ডৰ বাসিন্দা । হাতত প্লেকাৰ্ড এখন লৈ মন্নতৰ বাহিৰত শ্বাহৰুখক লগ পাবলৈ তেওঁ সুদীৰ্ঘ দিন আগ্ৰহেৰে অপেক্ষা কৰি আছিল । বাতৰি অনুসৰি ২ নৱেম্বৰত শ্বাহৰুখৰ জন্মদিনত ফেন মিটআপ প্ৰগ্ৰেমৰ সময়ত আনছাৰীয়ে শ্বাহৰুখক লগ পাইছিল ।
কাম বন্ধ কৰি মন্নতলৈ আহিছিল-
এই ব্যক্তিজনৰ শ্বাহৰুখ খানৰ প্ৰতি ইমানেই আকৰ্ষণ যে তেওঁ নিজৰ কাম বন্ধ কৰি পোনে পোনে ঝাৰখণ্ডৰ পৰা মন্নতলৈ আহে । তেওঁৰ অন্তৰত এটাই হেঁপাহ আছিল নিজৰ নায়কগৰাকীৰ সাক্ষাৎ লাভ কৰা । এটা সাক্ষাৎকাৰত আনছাৰীয়ে কয় যে তেওঁ কাম বন্ধ কৰি কেৱল শ্বাহৰুখক লগ কৰিবলৈ আহিছিল । ঘৰৰ বাহিৰত থিয় হৈ থকা এমাহৰো অধিক হ’ল তেওঁৰ ৷
জন্মদিনত শ্বাহৰুখৰ পোষ্ট-
কিং খানে জন্মদিনত ফেন মিটআপ চেচনৰো আয়োজন কৰে । ইয়াৰ পিছতে ছচিয়েল মিডিয়াত নিজৰ ফটো শ্বেয়াৰ কৰে । এই ফটোখন শ্বেয়াৰ কৰাৰ সময়ত বলীউডৰ বাদশ্বাহে সকলো অনুৰাগীক আন্তৰিকতাৰে ধন্যবাদ জ্ঞাপন কৰে । অভিনেতাজনে লিখিছে- ‘আপোনালোক সকলোৱে ইয়ালৈ আহি এই সন্ধিয়াটো বিশেষ কৰি তুলিলে । মোৰ জন্মদিনত এই সকলোবোৰ কৰা আপোনালোক সকলোলৈ আৰু কৰিব নোৱাৰা সকললৈ মোৰ সকলো মৰম প্ৰেৰণ কৰিছো ।
