ভাৰতৰ মহান বেটছমেন সুনীল গাভাস্কাৰে বিশ্বাস কৰে যে এডিলেডত দিবা-নৈশৰ টেষ্ট মেচৰ বাবে টীম ইণ্ডিয়াই তেওঁলোকৰ প্লেয়িং ইলেভেনত দুটা পৰিৱৰ্তন কৰিব।
ভাৰত আৰু অষ্ট্ৰেলিয়াৰ মাজত দ্বিতীয় খন টেষ্ট ৬ ৰ পৰা ১০ ডিচেম্বৰৰ ভিতৰত এডিলেডত অনুষ্ঠিত হ’ব। এইখন দিবা-নৈশৰ টেষ্ট মেচ হ’ব।এই খেলখন ভাৰতীয় সময় মতে পুৱা ৯:৩০ বজাৰ পৰা খেলা হ’ব।
পাৰ্থত খেলা প্ৰথমখন টেষ্ট মেচত ভাৰতে অষ্ট্ৰেলিয়াক ২৯৫ ৰাণত পৰাস্ত কৰে।ভাৰতে শনিবাৰৰ পৰা কেনবৰাৰ মানুকা ওভাল খেলপথাৰত অষ্ট্ৰেলিয়াৰ প্ৰধানমন্ত্ৰী একাদশৰ বিৰুদ্ধে দুদিনীয়া দিবা-নৈশৰ অনুশীলন মেচ খেলিব।
কেনবৰাত গোলাপী বলৰ অনুশীলন মেচখন ভাৰতৰ বাবে অতি গুৰুত্বপূৰ্ণ, কিয়নো এডিলেডত দিবা-নৈশৰ টেষ্টৰ পূৰ্বে ই একমাত্ৰ অনুশীলন মেচ হ’ব।
অধিনায়ক ৰোহিত শৰ্মাৰ বাবে, এইখন অষ্ট্ৰেলিয়া ভ্ৰমণৰ প্ৰথমখন খেল হ’ব, কিয়নো তেওঁৰ পুত্ৰৰ জন্মৰ বাবে পাৰ্থত প্ৰথম খন টেষ্ট খেলিব নোৱাৰিলে।
সুনীল গাভাস্কাৰে কয়, “মই ভাবো দুটা পৰিৱৰ্তন নিশ্চিতভাৱে ঘটিব, ৰোহিত শৰ্মা আৰু শুভমান গিল দুয়ো প্লেয়িং ইলেভেনলৈ ঘূৰি আহিব।”
যদি ৰোহিত শৰ্মা আৰু শুভমান গিল এডিলেডত দিবা-নিশাৰ টেষ্টত প্লেয়িং ইলেভেনত আহে, তেন্তে দেৱদত্ত পডিক্কাল আৰু ধ্ৰুৱ জুৰেল বহিব লাগিব।ইয়াৰ উপৰিও, সকলোৰে দৃষ্টি কে এল ৰাহুলৰ বেটিং স্থিতিৰ ওপৰত থাকিব।
সুনীল গাভাস্কাৰে কয়, “মই ভাবো বেটিং ক্ৰমত পৰিৱৰ্তন হ’ব, য’ত ৰোহিত শৰ্মাই কে এল ৰাহুলৰ স্থান ল’ব, আনহাতে শুভমান গিলে তিনি নম্বৰত বেটিং কৰিব, পডিক্কাল আৰু জুৰেল দলৰ বাহিৰলৈ যাব, আনহাতে ৰাহুলে ছয় নম্বৰত বেটিং কৰিব।”
